[正視聽] 唔好以為區議會冇用

我估呢度唔少人係屬於「選舉無用論」或者「忌入建制論」既支持者
響呢度我希望同大家澄清幾個概念

1. 區選唔單只係個位, 而係直接提供左比呢場運動被補既手足金錢同工作支出
我地比人拉左五千位手足, 佢地既法律支援同後嚟既生活費用一啲都唔低。假設一個被告暴動既手足, 佢只係上庭搵個好少少既律師都已經講緊十萬甚至百萬計, 就算係以而家612+星火既錢都救唔到5000位手足。

唔好以為大家好多錢, 事實上無論係咩基金, 尤其係親傳統泛民既基本, 佢地都傾向先比錢比知名少少既人物同友好。即係如果你冇人冇物, 只係一個普通人而你又唔識人, 你好可能會響條list比較低既priority. 冇錢點樣? 咁咪叫你搵義務律師囉. 另一樣野係一個唔好彩真係要入去坐, 因為暴動案底係跟一世, 好多工係做唔到, 如果大家唔搵個方法去接濟佢地, 咁佢地幾年後就會成為condom。 大家自己問一問下, 魚蛋義士大家記得幾多個名, 做過啲咩去幫一班冇咁知名既手足.

區議會就係一個比較plausible既方法去幫呢班手足。首先區議員既人工唔低, 而且需要請人做地辦, 無論係金錢上, 定係過庭果一年半載對心理同生理既折磨, 都可以用區議員助理做buffer. 咁樣響我地完善黃色經濟圈之前, 起碼我地幫到呢班手足, 唔會當左佢地係condom

2.區議會其實係地方自治最大既聲音

無錯, 區議會只有consulting既功能, 但係佢地決定左由民政事務處比地區既錢係點樣走。一個最經典既例子就係音樂噴泉。呢啲錢用番去幫助建立黃色經濟圍或者其他野, 係會比起棄投區議會送過議席比土共更好。

另外, 區議會經常會就某啲議題發表聲音, 例如十八區區議會主席既聲明之類。區議會亦係全港暫時嚟講最民主既選舉機制。無錯你可以話你唔認同呢個政權所以唔想投, 但係唔好唔記得, 勇武派既精神領袖梁天琦自己都有選立法會。各位自己覺得憑咩可以比天琦更有信心搵到更多既人出嚟做野?

如果你somehow係迷雲黨, 咁冇咩野比起叫majority district council member去全民制憲更好玩啦。各位要明白, 邊度既民主派都係兩條腿走路, 無論係美國黑人平權 (Martin Luther King + Marcoln X), 南非平權, 甚至當年孫總理搞革命, 都唔只係只響外面搞革命, 而唔重視體制內既支持。我必需要再recall 天琦既一句:「In any means necessary」去提醒大家光復香港既路依然漫長

3. 區議會就算種票都有機會贏

我係一個大數據撚, 我唔會單憑話有種票定冇種票就會話選舉贏硬定輸硬。我會問土共要種幾多先可以響今次既情況贏到過半數議席。

我同我team人呢排積極分析緊區議會同唔同地方既民意數據, 我地暫時覺得有幾點我地知點樣可以幫到大家, 詳細我去到真係選前一兩日先講
1. 各位需要民主派既支持率達到~70%先可以完全光復成個區議會 (18區+過半數)
2. 以而家我觀察既數據顯示, 個關鍵係 either
(a) 中立撚大部份投泛民 (以近日民調角度係可行)
(b) 減少中立撚投票既意慾 (佢地投票意欲係輕微親建制, 以前大約55%建制-45%民主)
3. 年輕人全部都要投票, 仲要早啲投, 過去幾屆選舉年輕人投票率都係well below average. (2015年 18-29 只有34% 而老人家~60%投票率)
達到呢三點, 就算對家全港種20萬票, 都可以做到光復既可能。 當然多過20萬票就危險, 但係而家只可以搏一搏。


******
我希望大家暫時放下「一定要做啲野」既思維。我作為一個老人家, 經歷過幾次運動既低潮。當年五區公投我訓身做, 反國教我又訓身做, HKTV如是, 雨革亦如是。每一次運動既結束, 都總會有人覺得繼續玩大佢係會救到局。今次反送中運動由六月到而家, 幾千位手足比人拉, 好多人死左, 比人老強, 比人虐打, 比人失蹤。我希望大家不忘初心, 做任何大家可以做到既野, 任何可以減弱呢個政權既野都要盡做, 唔好爭一時之氣, 咁先對得住我地死去既手足

光復香港, 時代革命

Pushhhh

星期日前主線任 - 絕殺保皇黨!
支線任 - 檢討而不分化
幫推 : https://lihkg.com/thread/1737525

方向及思維正確!!
推!!

民意公投ar

支持有數據分析

可以攞多特首選委百幾票呀！！

區選一定要贏！！

衣家走到呢步淨低暫時可以做既就係全力focus區選
poly一役元氣大損 再搞勇武活動只會令士氣再推得更低

其實係！

仲有區議員有得選特首㗎！

認同+黎明行動

攞政府資源支持運動

完全認同, 大家要冷靜落嚟, 咪當比班勇武手足回下氣
反正區議員贏多係bonus, 贏少又不痛不癢, 我地而家又缺手足, 點解要格硬呢秒鐘打一場大戰

推

啱，好多五毛扮自己友吹風區選無用，屌人血饅頭

仲有好多唔見得光既資源

我個人呢秒鐘唔太支持黎明行動. 劉山青立場兩篇文其實好有道理, 中立撚未必同意我地既做法, 而區選偏偏係好睇重中立撚投邊一邊

三毛最叻分化