［26］考緊26？你問我答！

1.有冇人自己pass強制自己搞學牌排期
係咪3日就搞得？寫就講7日

2.其實路試係咪完全自己學都ok唔洗師傅教，考車洗唔洗好似46咁要張合格牌？

3.有冇推介路試跟邊間好？想跟貴記 因為平同想知佢D車係咪好廢

利申 岩岩pass完強制,有46牌，想考港島區
求解答

淨係導師堂跟阿sir每條線行過一次，有無元朗考試youtube片推介

想問 之前學過 但考強制果時有事冇去考
係咪要重新想晒abc堂先考到？

應該唔洗？去返駕駛學院有你紀錄 叫佢幫你排期考試

可唔可以就咁排期之後補鐘 ？
Or淨係上bc堂

你之前係咪上晒3堂？
我舊觀駕上完3堂因為執苙仲有張證書證明學過3堂
方便唔合格去港駕排強制試
如果你港駕因為有紀錄直接排期考試喇？
排完自己補鐘都應該唔難合格

港駕學就會有晒紀錄上晒3堂？
我係港駕學但冇果張證書

我係學晒3堂之後有事冇考 但都一段時間
可以就咁排返期考再去上堂？

因為強制得返港駕
所以你去學院一問應該就清楚晒 有紀錄應該即場俾錢排期
如果唔洗上個3堂 自己練喇
其實無咩難度

你聽日打去問會清楚啲

打8字踩尾brake好緊要
個頭盡量唔好望住地下嚟打 抬高頭
上到山頂扭身向山腳望
望上下唔好望前
練嗰陣要練埋上山頂短時間轉右
應付有機會開車上左一段仔比油不足死火

敬得街山頂好窄 得一加半條線到
記得唔好行咁上山頂先打
山腳就好闊 比住油轉軑唔瞓都得
如果你條考試路線打完8字要轉右上山
最好最後個8字早d 靠邊停
因為停得太左再轉右上山好易開車死火解鎖黃金右腳

斜路開停記得打燈同避開燈柱旁邊渠蓋落左腳

行街任何時候轉右彎唔好行咁快
前面有咩事你一停好易黄金右腳
最好習慣每次停車前都伸定左腳同擰頭

利申官駕天光一take 3年牌
祝天天天晴 大家好運

岩岩自己去搞完
1.3日工作日後可以搞學牌， 排期原來之前強制課左唔洗俾第2次錢，拎埋排期信
2.係金鐘樓下報埋李健重考課程(其實我係第一次）
希望幫到各位

有無報左新觀駕既朋友？
見佢個場連起都未起
係咪11月先正式會有得學？

場都未起咁大鑊？

上斜停車 有冇技巧？
我成日都好q chok

早幾日經過，擺左幾部機，但仲未開工

早啲收油，盡量利用條斜路令部車自己停
搵條冇人嘅斜路，試下比啖油碌一兩個車位之後收油，完全唔用剎制等部車自己停，慢慢練下個感覺先。

次次低動力都好驚死火

仲有如果我轉左後左邊第一行有死車 我應唔應該簡轉去中線？

我如果要過d 巴士 咁應該等佢定係過佢？

天光道一出試場 應該靠左定置中行

上斜收油溜到底轉果陣就揸離合等佢自己停
其他問題我諗問返教車佬會好啲

我會轉左行直部車之後收慢打燈擰頭cut去中線

巴士打右燈就讓 冇打就過 善用主動權 要清楚自己夠位過先行 唔好行咁貼

出試場行置中行 我考嗰陣出口位有排死車 我出行人路時停一次擰頭 過完行人路再停响死車邊再擰 望到冇車先轉右 返試場唔好急 好大機會同其他輕van學神排隊右轉 要確保你前面架車過曬行人路再多一車位到 你先開始右轉 因為前面突然停 你會停左喺行人路 或者一半一半

以上個人意見只作參考 你最好問返教車師傅

打8字唔用brake剩用油門控制既路過

利申: 天光道一take pass

去貴記不如去KT driving搵莊sir

youtube得條路線嘅片但係冇教學架，啱唔啱？

第一次就報重考？？