我同Sam 打算坐係度訓，有一刻我覺得自己訓著咗，不過我隱約聽到南京哥佢地苦笑話我地好慘要坐係度訓。真係好慘，訓到腳都抽筋，無耐又醒返。
點解我地唔敢訓，一黎啲被感覺好污糟，我都係搵件嬲蓋住。
二黎雖然果個藏朋友話俾我地六個人一間，但成晚都有唔同嘅藏人衝入黎食飯，佢地都係黎轉山係呢度借宿一宵嘅，其實係勁似睇電視西遊記，佢地幾師徒要去人地啲寺借宿一宵咁。係惡劣嘅。佢地衝入黎食飯，食到我覺得懷疑人生，我覺得我地幾個有啲似露宿街頭咁。永遠唔知下一步有啲咩人衝入黎食飯。
因為呢邊電話收得好少少就同屋企人朋友保個平安，我同佢地講呢啲情況，佢地問我係咪究竟係走旅行定係寺體驗生活，因為當時好攰笑點極低，我就對住個電話大笑，然後俾啲藏人發現，佢地勁大聲問：「你笑甚麼笑？ 你在笑我嗎？」 ，真係勁無奈但又覺得好搞笑，可能我已經覺得呢度已經係最差嘅地方，都無得揀唯有接受佢。同埋我只係笑緊自己係到做緊咩
。接住落黎，佢地就成日望住我同Sam ,同埋佢地又大聲講野，都真係訓唔到，Sam有啲頂唔順，佢唔想留係呢度，話想落去睇下有無其他俾錢住嘅地方，於是我又跟住佢落去，去返頭先食面果度，我地經過見到有啲房係無人，問一問老闆，佢話已經full哂，我話我地上面訓唔到覺，佢話真係無地方喇，因為有啲客人book咗但未到，我地唯有又上番去果寺到，為表示我地希望呢幾位食飯嘅藏人可以快啲食完飯，返去自己嘅房到，我地發出呢個沉默嘅信號，表示你地唔走，我地唔入黎， 其實好on9，人地係入面都睇唔到，唔知做俾邊個睇？？
後尾浪子出黎搵我地，問我地做咩唔入去，我話訓唔到，佢地其實幾時先走？ 佢就可能走咗入去邀請佢地返去訓覺。其實主要係因為果陣已經係11點幾嫁喇，第二朝我地5點幾要起身，再唔訓聽日真係會死
我地係外面都見到滿天星，可能因為太攰嘅關係，完全無心機影相，外面嘅溫度亦都好低。想去個廁所，但佢個廁所係只要有人路過，就會見到你去緊廁所，最後我都係打消呢個念頭，好似行遠少少係大地到屙仲安全，不過因為我都係無去到，真係好黑好驚。
佢地終於離開我地間房，我地先可以好好地咁休息，不過潔癖Sam依然堅持要坐係度訓，但我真係堅持唔到，唯有咩都唔諗就訓落去，拎啲衫蓋住，見到南京哥果樣頹哂，我諗佢都同我地一樣之前係咁有人衝入黎，而訓唔到。
呢一晚我同啲姨姨一樣訓得好冧，不過都醒過一兩次，醒返嘅時間有人幫我蓋咗張被係自己到
我諗阿Sam應該好燥，如果一開始我就堅持唔住呢度，唔俾4分比呢度，可能我地就可以去個好少少嘅地方休息。對唔住阿Sam
不過希望你都會覺得呢個係好難忘嘅經驗啦，或者一生人係無咩機會住係呢啲寺到，咁樣體驗突然有人衝入黎食飯，可能好多年之後大家諗返起都會回心微笑，我到依家都係覺得成件事好搞笑。
我係join呢個團先識佢
我講佢為咗女仔(你), 可以去到幾盡, 明明唔想住寺廟, 都陪你...夜晚又起身叫醒你去睇星
我 
sam 
