西藏後藏阿里轉山 -「 轉山轉水轉佛塔只為看那些最接近天堂的風景」

329 回覆
162 Like 18 Dislike
2019-10-31 21:34:59
依家好似除咗拉薩, 其他地方都要有導遊帶先去到
2019-10-31 23:05:29
希望出年有時間去 亦都希望有人陪我癲
自己唔敢去最主要係驚死

原來之前都有追樓豬上一個遊記
2019-10-31 23:09:37
咁你又啱喎
共產黨就係最接近天堂既風景
2019-10-31 23:11:47
坐著那火車呀去拉薩
鎮壓那不聽話的喇嘛
機關槍
坦克車
運兵上唐古拉山
2019-11-01 20:58:35
我係4月果時都去左 17日 西寧火車入
我都係細膽同唔鐘意同陌生人講野既人
但都膽粗粗去左  而家諗番 都有D 不可思議

如果有人問我 仲會唔會再去

我會答

有機會既 我一定會再去 真係不能忘記

祝你早日成行

附上劣拍一張
2019-11-01 23:42:43
好靚 想去
其實自己去都好正
遇到啲人啱傾就傾 唔啱傾咪hi-bye
隨心所欲 唔洗理其他人

其實我係好驚高山症/嚴重反應冇人磅住
多過怕悶 怕柒

獨遊可以比到自己好多時間思考 沉澱下心靈

希望你都有機會再去
2019-11-02 02:39:46
2019-11-04 00:03:19
你有無追post....深藍SAM啊
2019-11-04 04:54:58
Sam好似真係幾細心 不過藍絲真係屌唔住
2019-11-04 06:56:46
啲相係上網搵,唔係我影
2019-11-04 14:35:20
Day 18


一上到火車就有一個廣東男,同埋有一家大細,同埋有兩位係夫婦,我唔係好記得佢地係邊度黎喇。
不過果廣東男真心有啲黑人憎,人地一家大小細坐係度食零食,佢就坐係度,一臉不屑嘅樣叫人地阿媽阿爸唔好俾咁多零食俾個仔食,語氣勁差 好似佢乜野都識 你聽我講就岩喇,我打從一開始見到呢個人就唔鐘意佢。

另外果個夫婦,個老婆因為有高反 所以佢唔係太舒服,我就俾咗之前剩低嘅葡萄糖比佢,叫佢飲左之後訓下可能儲舒服啲。


廣東男佢坐果個位果媽咪想訓覺,佢轉坐左落我張床,其實都唔係好介意人地坐落黎嘅,佢就同我講野 問我邊度黎,又係咁show off自己去西藏啲相影得幾靚幾靚,我真係覺得唔係突別勁突別靚,又話用邊部單反應,真係覺得拎住部單反就係攝影師,佢又唔係。點知原來佢都係去西寧,佢知我都係去西寧就問我住邊間hostel,佢話佢已經book左。因為唔係太想同佢講野 我就話我想訓,算佢都識做,然後出左去走廊坐。


呢程車係有啲悶,我好多時都都係度訓,訓到6點幾左右果對姨姨好似都舒服啲 ,佢已經起身坐走廊望下風景,然後同佢吹左陣問佢地一唔一齊去餐車食野,我地就一齊去咗食野,佢老公係好cool,原來係做軍人。 大家講下自己嘅野,佢老公食完就返返車廂,我地兩個就傾下計,佢講起間接累到個女無左份工,依家唔知點算,好擔心,佢個女叫佢同爸爸一齊去旅行去散下心。講下佢個女啲感情事俾我聽,同埋因為果一日原來係佢個女生日,所以當下佢打咗個電話去同個女face time,然後仲介紹我,佢果女真係好靚女,我希望佢可以快啲搵到份新工,等佢媽咪唔洗太擔心。佢好開心同我講,講哂心裡面嘅事好舒服,無咁唔開心,好似釋懷咗好多。

有時候我地都選擇同一個陌生人講自己嘅事,或者將是事講給陌生人更加有安全感?因為素未謀面。

又黎睇到雪景


咁樣傾傾下就傾咗三個鐘太好喇 返到去就差唔到成架火車熄燈,我就唔洗同果個廣東男對話。

返到去我就刷個牙準備訓覺喇 ~
2019-11-04 17:44:46
Day 19
呢一晚真係好好訓,可能真係太攰嘅關係一覺訓到天光。

如果我無記錯都係要搭22個鐘左右,8點幾打開眼就見到淨個廣東男坐係我床尾(我訓下鋪),即刻燥咗,其實係咪真係咁無禮貌?? 我唔介意你坐,但係咪應該等我個人訓醒咗先?之後我就一直扮未訓醒,賴死唔起身,佢都係唔走,我繼續我有我訓住禁電話,佢有佢坐,但就係因為佢坐咗係度我無得伸直對腳


後面我訓到10點左右先起身,由於我個咀繼續腫到好似豬咀咁,呢條友又用教訓我嘅口吻,又話肯定係我唔食菜呀之類,我就黎想打佢,我係西藏食得最多就係菜,呢度得菜係唔辣,最憎啲人唔知頭唔知路就係度教訓人。

大概11點左右就到站,我就臨到站前,快速咁執好哂啲野準備落車,諗住跟住果對夫婦落車,因為果男仔啲行李係床下底,所以一定係我地快啲落車。

呀! 我頂佢個肺,佢都要跑落車追返住我地,我已經係咁同果姨姨講野,唔係理佢,點知佢話佢book咗我果間hostel,what the fuck !!

我: 下,你唔係一早book咗第二間咩??
佢: 係呀,不過我取消咗,還惦都未俾錢

我心諗屌你呀,我唔想你跟住我呀

然後終於要同對夫婦講再見,佢地搭巴士去酒店,我諗住搭的士,條友又跟住我,我已經開始黑面,上咗的士都唔同佢講野,希望佢知趣。

車程大約10分鐘內
間hostel叫西寧河湟記憶青年旅舍,我係極之推薦呢個,如果有機會嘅話走嘅話可以住呢間。佢地招呼好多外國人,同埋老闆同員工都超級好。之後會再講,呢度仲有隻狗狗,佢真係好qq


Check in之後員工會帶我地上房,佢地得一層,但就有好多間唔同嘅房,我訂咗6人房,不過得我一個人。但洗手間,沖涼係成間hostel share,不過呢每個都有各十格,但都好乾淨,可以放心住!

入咗房之後我終於可以脫離條友!!整頓咗一陣我就諗住去附近行下,同埋拼個車係兩日一夜,打算問下樓下果個員工。佢同我講呢排係開齋節是,好附鋪頭都唔開要去到下個星期先開啲鋪頭。開齋節就係穆斯林類似我地嘅新年咁,係全球穆斯林慶祝齋月結束嘅節日,在伊斯蘭曆閃瓦魯月的第一天。

仲有呢個女員工超好,佢叫我去買啲野搽下個咀,唔好整佢就會快啲好,我同佢講咗我係去轉山搞到佢,佢話你已經好西利喇,可能係南方人比較唔習慣呢個嘅乾燥所以咁樣,返到香港一個星期左右就會好嫁喇 !!好喇我信佢


之後係附近食咗個面,佢啲面係一塊塊,不過我覺得幾好食。


打算行去附近嘅超市,買啲零食,點知成個商場裝修咩都無得買,感覺好少人,好荒涼。聽佢地講因為好多都返咗鄉下。



之後我就行返返去hostel 睇下劇,同隻狗搵下就一個晏就。




我晚餐就係呢個日式牛肉飯!係老闆親自動手整,真係超級好味,我俾101分!


後尾愈來愈多人返黎,有兩個馬來西亞嘅女仔,佢地就係畢業旅行黎玩,係咁話做咗野之後就無得出黎喇。仲有一個係新加坡嘅女仔,無記錯係去咗澳洲讀書,佢黎緊就係plan去西藏,但已經玩咗好一段時間,我就分享咗我係西藏嘅趣事,就咁樣坐埋一齊傾計傾咗成晚。自呢個西藏hostel之後都無試過幾個女仔圍住分享。

坐到9點幾我地就各自返房,因為大家第日都有其他行程。
2019-11-04 17:51:37
係呀
2019-11-04 17:52:16
多謝支持! 希望你去到
2019-11-04 17:53:08
想知點解差啲死兩次??
2019-11-04 17:54:05
唔係呀 主要政見唔同,後記會講少少點解
2019-11-04 17:54:58
Yes 佢又唔係完全藍,但佢理解唔到,點解要咁
我就覺得好燥,同佢溝通唔到
2019-11-04 19:57:12
我追咗post 都唔知阿sam深藍,淨係見樓主話價值觀唔同
2019-11-04 20:55:44
記錯咗另一個fd條女深藍散咗當咗係樓主, 非常抱歉
2019-11-04 21:03:48
我無你咁癩
我果次 都係 係負-10度 底下 凌晨 3~4點走出去影 直至日出

又凍又大風
影完番到去 即刻圍住果爐
2019-11-04 23:32:59
我都想知
我仲特登拉上睇,都搵唔到
2019-11-06 04:07:16
好睇等樓豬出文
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞