Day 21
早餐又去返琴日老闆娘果度食。今日其實基本上係回程路,因為本來今日先去嘅茶卡鹽湖,琴日已經去咗,所以無咩特別景點,但係車司話帶我地去一個沙漠,玩係沙漠滑落黎果啲。
所以大部分嘅路程我都係訓琴死咗濟,又經過青海湖,今日好好天
早知今日先去茶卡鹽湖啦
不過算喇,整定嘅真係
之後司機問我地要唔要食酸奶,我地就話去食,間野係路邊隔離,有個帳篷,俾啲人坐入去食
係一個婆婆經營,佢個酸奶真係新鮮係啲牛到整出黎,真係好好食,不過我要落啲糖先食到,如果唔係真係太酸。但都未必個個鐘意食
司機係咁話要幫我地影相同拍片
之後我地又繼續回程,我想講司機話帶我地去小沙漠最後都無去到,可能佢唔記得咗
所以我地1點幾左右已經到咗西寧。
三個女仔今日返到西寧就會即刻搭火車返屋企,所以我地返到去西寧就搵咗間餐廳食野,之後佢地就要去搭火車,我地就分道揚鑣喇。
返到hostel 又見到老闆娘同個員工,佢地真係好好,原來一開始同佢地講話想報tour ,佢地就已經同tour果邊講,我係女仔睇下有無啲tour都係有女仔。我真係好鐘意佢地,佢地係好後生果啲黎。
我上房整理好我啲行裝,沖個涼。然後我間房黎咗個廈門女仔,佢同我講佢岩岩畢業,黎咗10日玩咗甘肅西寧、敦煌,大環遊,佢話真係好靚啲風景,覺得呢個世界好大。同佢傾咗好耐計,我又分享咗我嘅旅程俾佢知,搭52個鐘由廣州去到拉薩雖然好長時間又有啲辛苦又污穢,但呢啲係體驗;係珠峰大本營睇到滿天嘅星星,係轉山嘅經歷,西藏好值得去,真係會覺得天空離自己好近,近到好似只要一伸手就可以惦到,真係覺得果一刻自己好接近天堂。
後尾我地就落去同狗仔玩,今日隻狗仔仲跑咗出去,差啲走失咗;好彩最後搵得返佢返黎。今晚hostel有羊肉鍋食,係老闆突登出去買羊肉返黎,加上佢有兩個朋友黎搵佢,所以就問我地同其他客人一唔一齊食,今日嘅hostel真係好熱鬧。有係世界各地跑馬拉松嘅女仔,拎咗好多冠軍,跑到係有Nike Jordan sponsor佢啲跑鞋,今次佢係拎西寧參加馬拉松;有個係芬蘭嘅外國人打算遊哂整個中國;有一個男仔係幫一個好出名嘅賣登山用品嘅公司,佢嘅工作就係係唔同嘅山到登頂行山,咁所以登山嘅費用同用品都係間公司俾佢;今夜每一個人都有住唔同嘅人生故事。
我鐘意住hostel 都係因為咁,鐘意聽好多故事,因為每一個人都係獨一無二。
有一個女仔係研究生黎,佢知我係香港人覺得好好奇,不斷問我香港嘅事, 果陣仲未有反送中,好記得佢同我講:中國成日話香港無咗中國唔得,我唔係咁覺得,因為好多經濟,好多外資黎中國開公司果啲都要經香港,我就覺得話話香港無咗中國唔得,倒不如話中國無咗香港唔得