hello第二次遊記,呢個旅程由五月中出發,過左差唔多三個月先打返遊記,
一開始諗住返到香港就打,但係香港最近呢兩個月實在發生太多事,真係無咩心情,
但依家我覺得自己好似除左返工,追新聞,發夢,好似就做唔到其他野,
心情長期係好崩緊嘅狀態,仲好似無咗啲寄託咁。我希望呢個時候打呢個遊記,
可以分散下自己注意力,同埋希望睇緊嘅你地都可以輕鬆下啦!
香港人加油
入返正題...自歐遊五十日之後,隔咗無耐我就搵到份工嫁喇,
做緊攝影助手,本來返到香港果陣身邊好多朋友都已經搵到野做,但我就好似仲返緊炒散。
有啲唔開心,我仲同自己講,如果搵唔到助手做,我就去做地勤,我都唔知自己當時諗緊咩,
純粹覺得一定請,但好彩最後呢個老闆請左我,仲好錫我,不過就真心好辛苦,
收工時間唔穩定,所以有時要返十幾個鐘,但做到自己想做嘅工好值得真係。
做左一年多啲之後,到今年三月就膽粗粗同佢講,
我想請一個月假休息下,揀咗5月,因為果陣算係我地呢行嘅淡季,然我佢又俾,佢真係勁好,
我都知我有啲任性,不過返到香港我真係會更加努力做野
西藏呢個地方,其實由我中學畢業已經好想去,有一兩次差啲去到,但每次都係臨訂野之前有不同原因去唔成。今年我覺得我真係一定要去到,有啲地方再唔去佢就發展得愈來愈勁。
今年終於係好多野臨出發前先準備,就出發咗。 我仲決定左呢個旅程最大嘅目標係要行到全程嘅轉山,係俾自己一個挑戰。
或者好多人都未必知咩係轉山,上網搵少少簡介比你地
「佛經上說,從印度往北走過九座山,有座「大雪山」,這就是綿延千里的岡底斯山脈的主峰岡仁波齊。
相傳這裏是世界的中心,釋迦牟尼佛祖的修道場,以往人們多以為釋迦牟尼道場是一處虛幻的所在,不知竟是一座現實的山。現在,轉山已經是西藏較為盛行的宗教活動。朝聖者來此轉山一圈,可洗盡一生罪孽;轉山十圈可在五百輪迴中免下地獄之苦;轉山百圈可在今生成佛升天。如今朝聖者絡繹不絕,在通往神山的道路上,形成了一支永動流。神山已深深地寓於西藏的宗教歷史文化之中,她神奇誘人,是一座信仰之山。」
轉山全程52公里,普通人大概要行2-3 日,但好多當地藏人一日之內就行得哂,
去到最高海拔係5630,其實係一件好辛苦嘅事,因為面對本來就高原地區會出現海反,
仲要去轉山,真係要意志去堅持,同埋一定要令自己唔好感冒,如果唔係好易出事。
亦都係咁樣「那一世,轉山轉水轉佛塔,不為修來世,只為途中與妳相見」
呢句詩就成為左我呢個旅程嘅主題喇
呢兩張星空係珠峰大本營到影,果晚天氣好好,亦都願左我一個要係珠峰睇到滿天星嘅願望,
可惜我嘅技術有限,影唔到好靚,呢張星空已經盡左力,同埋當時真係十分之凍