西藏後藏阿里轉山 -「 轉山轉水轉佛塔只為看那些最接近天堂的風景」

依家珠峰大本營係咪已經封左？
一直想去但係輕度潔癖真係頂唔順坐咁耐火車

其實無封 佢只係將個大本營移低咗，
依家嘅距離係無咁近睇珠峰
但你都可以係依家嘅大本營位置 行去果個石牌到影相，但果牌都係唔係原來果個位置。
所以基本上就係愈早去愈好 依家只會愈搬愈低😭

個陣去個行程應該同你一樣 除左無轉山

I was watching television and got sidetracked into browsing this forum🤣Love the photos of the dark sky park. I’ve been to many countries. In terms of scenery, Tibet and Scandinavia are the best I would say. Tibet is famous for its breathtaking scenery at high altitude. Xinjiang too is a place of outstanding scenic beauty. If you think you might have altitude sickness such as dizziness, headaches and trouble sleeping in Tibet I suggest you to bring along some medicine. It’s certainly a glamorous holiday destination. In fact, my friend who went to Mount Everest base camp showed me his photos taken there by which I was awestruck. A tour of Mount Everest base camp would be a once in a lifetime experience. In terms of city life🏙nightlife🌃food and shopping 🛍Hong Kong is really the best. In Europe shops close at four to five on weekdays and don’t open at weekends at all except big cities like London where shops 🏬 close at six on weekdays and four to five at weekends. Their main sorts of entertainment are pubs and clubs. Las Vegas has a spectacular night view but it was built primarily for tourism. It’s famous for gambling 🎰 unique hotel designs and shows like boxing events. Tibet is also the best place for stargazing 🔭 since it’s much closer to the heavens than any other places on earth 🌎 and the sky at night is often clear and cloudless. It has some of the highest lakes in the world which are rich with fish🐠🐟and other marine life🐬🐳🐋and the surrounding countrysides are inhabited by flicks of yellow ducks as well as wild horses 🐎 and donkeys. Its lakes including Lake Paiku which is four thousand five hundred and ninety two metres above sea level reflect the beauty of the stars ✨ giving a double view of the sky at night. You can even pitch camp there to get the best view of the stars and the Milky Way galaxy 🌌

收皮啦你
偷圖扮去，死傻鳩

Day 5
成晚都訓唔到覺，係由頭乾燥到落腳，喉嚨又乾，鼻又乾到有啲血，完全係乾到醒咗，成晚都訓得唔好。所以第二朝好早就醒咗，但我又真係完全唔想出門口，所以搞到10點咗右先願意出門口，可能真係太攰。
但我呢一日都係好不智咁第一日行程就去咗布達拉宮，我真係極後悔。我奉勸大家都唔好第一日就去，真係會頂唔順。

出咗門口買咗個包就由青旅行去布達拉宮，係15分鐘內嘅事，真係好近

依然係要過安檢，過咗安檢你正式入咗去布達拉宮嘅外圍，係未入到去嫁 ！！我覺得呢好似日頭靚啲。

我好想同呢個西藏係最有名之地同佢合照，所以就搵咗三個台灣阿姨幫我影，佢幫我影咗好多張，有一張仲叫我將隻手放係後腦到，有啲唔好意思拒絕佢地一番提醒我點擺pose 嘅好意，雖然好尷尬但我還是做了。

然後多謝完佢地之後我就諗住去買飛，點知我係完全路過咗果買飛個位，其實真係有啲唔清楚，所以我跟住人流一直行，我心諗點解行咁耐都仲未到。沿路有好多轉經筒，同好多虔誠嘅藏人會住呢求行幾圈，亦有藏人有拜三叩，佢地真係好虔誠，好配服佢地嘅堅持 ！

「轉經筒是另一種祈禱方式，這種經筒大多裝在寺院周圍。經筒外雕有六字真言，桶內裝有整部經文，按藏傳佛教的教義，轉動一次經筒，相當於詠誦了一遍經文，轉動的次數越多，就代表把裏面的經文讀了若干遍，功德無量。」




而我就係跟住藏人行咗一圈都搵唔到買飛嘅地方，於是就問下人，點知原來係正布達拉宮嘅正前方，即係如果你面對布達拉宮嘅左手邊，有停車場，行入少少就見到買飛地方。而佢嘅格價係分咗淡季同旺季
5月1日-10月31日 ＄200
11月1日-4月30日 $100
而我係今年5月去，所以買咗200蚊，其實都真係好貴。
不過聽聞學生或者上網買可以買到更平，另外因為係有分時段進場，所以呢要自己衡量一下喇，我當時去就仲未係好旺季，所以都仲可以即日買到，不過就做唔到即刻入場，我果日大概11 點左去到買飛，都要1點半先入到，所以呢點要留意喇

之後我就過咗對面馬路個布達拉宮廣場到hea下
白塔

西藏和平解放紀念碑


到咗1點左右我就開始進場喇，入到去仲要過多一個安檢，同埋另外就係女仔們，唔好著短褲，同裙，一定要著長褲，我果日咁岩著咗條好似裙嘅闊腿褲，順利入到去。


入到去都仲要等下先入到去嘅，如果你唔想請導遊帶嘅話，你都可以入到去租一個聲音導航，你每去到一個地方佢都會自動播放同你睇緊嘅有關資料，又或者你可以咩都唔租，然後見到啲一團一團人，你行慢少少跟係後面，呢度聽聽，果度聽聽都可以。 而我就係租咗個聲音導航嘅，係未正式開始之前，都有個博物館可以去睇睇先

然後就入場喇，係要行好多樓梯，真係唔係講笑，本身行樓梯真係無咩問題，不過係呢個地方就係行幾步都喘氣，搞到好似好廢咁。
真係喘到有啲好唔合理，好似透唔到氣咁，

然後我坐低咗，有個女仔同佢男朋友都有低咗，我地係咁話：好累好累
抖一陣又繼續行幾步又休息。
終於上到黎白宮就正式開始，呢度入咗去之後就唔可以影相喇

布達拉宮由白宮和紅宮兩部分組成，白宮係歷代達賴喇嘛居住同埋從事政治活動嘅地方.紅宮係歷代達賴喇嘛嘅靈塔殿同各類佛堂。紅宮靈塔殿中以五世達校喇嘛洛桑嘉措的靈塔為最大、最講究。
我諗更多嘅資料想睇都可以上網睇到，我係呢度就唔太多講喇


係裡面你都會見到好多藏人黎拜
行哂嘅話大概係30-45分鐘左右，但途中係不斷向上行，所以都真係幾攰，我覺得自己有啲要往生嘅感覺。
我行完出返黎已經又變咗陰天，所以啲人話西藏天氣變幻莫測，係絕對正確嫁！！

完咗之黎我就諗住去行返去八廓街，呢度係拉薩好熱鬧嘅街，有好多旅客，姐係好似日本大阪心齋橋果啲咁喇 因為去完布達拉宮已經2點幾，所以係好肚餓但又無胃口，我是但搵咗間快餐店，因為好想食飯，但叫完真係完全唔好食，所以咗幾啖就無胃口，就坐下諗住去行下，但唔知係咪太曬嘅關系，我覺得當時我已經中中地暑所以想行返去hostel ,然後呢一日嘅行程就咁就完結了

同埋後來有好多人同我講原來第一日係唔應該去有達拉宮，因為佢都係比係平地高咗啲海拔，應該抖多一日先去，所以我覺得繼一到步就沖涼洗頭洗衫完全係玩命，大家嘅話真係盡量唔好好似我咁呀 ！

後來返咗hostel 訓一覺就好啲喇，我間房就黎咗個廈門女仔，同佢都幾好傾，佢係第一日黎到拉薩，諗住聽日去八廓街同大昭寺，所以我就話不如聽日我地一齊去，然後我地就相約好，我地一齊去玩。

另外我間房有個50幾歲嘅廣州嘅姨姨自己黎咗西藏，佢係岩岩去完珠峰大本營返黎，佢話佢嘅夢想就係要睇到真身珠峰，但岩岩到拉薩嘅時候，又傷風，為咗要了呢個心願，佢去咗醫院打咗兩次針，希望快啲好返，結果皇天不負有心人，佢終於去得成，亦都好好彩，第一晚去到都睇唔到，比啲雲遮哂，但第二朝就清楚見到哂佢嘅真身喇 ！佢返到黎勁興𡚒又手舞足蹈咁同我地分享。而我地同房仲有兩個女仔又係識講廣東話，一齊聽佢講，覺得呢個姨姨真係好QQ，同埋佢呢好照顧我地。佢仲話考慮緊去唔去埋尼泊爾好。

每次同呢個手舞足蹈姨姨傾計，我地成間房都充滿住笑聲。

加油
咩機影?

個時6月去
襯西藏未變西藏省真係快d去
個種靚係好震撼
去完西藏依家係瑞士都無咩feel

我都係由廣州開始搭到去西藏
仲要係即興去所以中間路段有d都冇位坐
辛苦到仆街 然後發誓以後唔再坐火車去西藏
結果第二次走青藏線入藏 又係辛苦到癲

Canon 5D4啊

上年10月去左十日阿里，反而更鐘意山南，好靚！

黎緊十月尾會去，絲打有無咩行程推介？ 淨係想休休閒閒咁係拉薩為主咁hea下，會去兩三個大景點例如羊湖，納木措同埋冰川咁

有啲朋友話覺得比起瑞士覺得瑞士靚啲
我自己早兩年都有去過，
我覺得瑞士啲綠油油嘅山係好靚，但只係純粹係好岩人住，好舒服，但西藏如果去過阿里果邊就知道西藏嘅靚係震撼。係純粹係拉薩附近睇唔到

我諗我都唔會再搭，真係有種訓極都係好攰，又無野做嘅狀態，可能有朋友一齊去會好啲

我條線可能去山南嘅地方唔係好多，但我都仲係好想再去多次阿里，想去阿里北線玩成個圈；總係覺得今次仲有好多地方未去到

丙察察再入尼泊爾

如果近近地我覺得羊湖真係好值得去，咁應該羊湖會同珠峰大本營一齊去就比較順路，通常有啲三日團。 納木措要做定心理準備，真係搭勁耐車！你打算去幾多日？？

下次會check 多幾次，我成日打錯字

我應該唔會去珠峰大本營，因為老婆唔想訓帳幕，我total個trip16日到，未定stay係拉薩幾耐，我個行程係深圳飛西寧stay1晚，然後坐青藏鐵路上拉薩，之後拉薩飛成都玩幾日，最後成都番香港

第一幅圖係羊湖？

瑞士d景點好單一
西藏係成個世界湧入對眼入面

納木措
我覺得羊湖靚d
可能高位睇嘅關係

那曲又真係出名冬蟲夏草
果陣當地人都有教我分黃眼紅眼既草
btw 係雪地見到d 狼群真係好驚訝
你會發覺佢地唔係慢你架火車好多