中國係邊個中國
我愛嘅係古中國,係戰國百家爭鳴,係漢,係唐,係宋,明清勉強
文革同你破四舊立四新,有無尊重過中國文化?
依家網絡文革2.0,連網絡小說題材都要限制,時弊唔寫得、軍政唔寫得、神鬼唔寫得,有何文化可言?
既然根在中國,為何漠視CCP對中國文化嘅扼殺?
為何漠視CCP滅聲對以後幾代人嘅影響?
【孟子:梁惠王下】
齊宣王問曰:「湯放桀,武王伐紂,有諸?」
孟子對曰:「於傳有之。」
曰:「臣弒其君可乎?」
曰:「賊仁者謂之賊,賊義者謂之殘,殘賊之人謂之一夫。聞誅一夫紂矣,未聞弒君也。」
既然愛中國,更應該醒
如果話一個人無力對抗國家機器,滴水可以穿石
如果話有CCP先安居樂業,君不見官員尸位素餐,平民上訴無門?有錢一帶一路但係無錢改善民生(毒疫苗etc.),政府唔係應該為人民服務咩?未安内就攘外,即係好大喜功啦
如果話怕似蘇聯解體咁搞到各種分裂,起碼一個民主嘅社會起你無飯開時你可以大聲講無飯開,依家CCP係:無飯開?你造謠,入去坐下啦!香港當年輕工業轉型都有陣痛(失業潮),但係咪咁就要放棄轉型?
利申:雖然想同屋企件中華膠傾,不過未夠冷靜所以都係未傾過,唔知有無用