你地一d都唔可憐
一d都唔慘
反而你有更多機會去離開同溫層
可以更快知道對家傳既流言
最重要係
你可以將佢地當做你對頑固藍絲做思想工作既練習
講到佢嬲 就即刻嗲佢地兩句
我男人老狗 對住唔知幾多年冇主動掂過既老豆（極不孝）
都可以攬住佢隻手 笑住叫佢唔好嬲
依樣係其他人冇辦法做到
老實講
咁樣真係好冇自尊
但依個係做人仔女既責任
比起我地自己既立場同觀點
更多係要教佢地多聆聽接納唔同聲音，主動搵其他媒體
教佢地獨立思考，講邏輯而唔係訴諸感覺同情緒
教佢地用事實同証據說話
教佢地批判思考，唔好人云亦云，要佢用自己語言重新組織
甚至可能唔使驚挑戰佢地嘅價值觀
只要你有足夠多既角度去spin
但要一直一直好好好脾氣，無論回應幾咁無理痴線，都唔好表現不屑，而係要理解
唯有咁樣，佢地先有機會肯去睇我地既資料。
黑警暴力合集，警黑勾結紀錄片，港台所有時政分析，民調報告...用數據、用事實、用權威去幫你建立論點
睇完應該至少覺得你唔係比人洗腦，但每個人父母唔同，唔敢話個個咁做都有用，但至少叫做真係盡左力
藍絲父母唔係不幸，而係責任同機會
需要文宣 教人點樣教化返自己父母
