[賞識藝術入門 ( 一 ) ] 每個成功嘅男人背後都有一個男人支持

唔加女仔畫面就太光，空間感少左

加左之後成張畫佈局會有翻平衡感

佢本身透視功底唔好，就用剪影塑造空間前後

其實重點唔係無左個女仔呢舊野會出現咩問題
而係去留意點解佢用呢個角色同呢個手法去表達

的確佢基本功唔係好好，不過佢嘅風格取向就唔會太大影響

巴打有冇畫開畫

有嘅，算係興趣咁

每個偉大嘅藝術家都必然係不斷改變
Van Gogh都一樣，係佢短暫10年作畫生涯入面
分為三大時期
今次先講荷蘭時期1880-1886

呢到有一點係關於Van Gogh背景
Van Gogh曾經係一個基督信仰傳教士
最主要係受到家庭嘅影響，自細就崇拜做牧師嘅父親
不過佢呢個心最後無被教會理解同接受


個時佢比人派左去礦區傳教
佢大愛到分享哂佢擁有嘅所有物質出去，又同礦工一齊住
日日污糟邋遢，爛身爛世，但佢係實實際際咁行使佢嘅教義
可惜教會唔識欣賞
佢地覺得污糟邋遢會令人唔想接觸上帝，有損形象

但真正污糟邋遢嘅係教會嘅心
呢件事令佢對宗教嘅熱情轉向藝術
藝術可以話係佢對宗教感情嘅延伸


之後都會見到係佢作品入面有信仰嘅影子
可以話信仰係Van Gogh生命嘅基底


而呢段時期主要係佢學習時期
佢學習主要以巴比松派(The Barbizon School)為主
有盧梭、米勒、朱爾·迪普雷等
特別係早期有好多臨摹米勒嘅素描


The Sower, 1881 Van Gogh



The Sower, 1850 Jean-Francois Millet


佢嗰時大半題材都係礦工、農夫、村婦等等
筆觸粗重，色調陰沉
係下星期五之前會不定時放一啲當時嘅作品





而荷蘭時期最有代表性嘅傑作就係


The Potato Eaters, 1885 Van Gogh
食薯者！

呢幅係佢荷蘭時期集大成嘅傑作

大家可以欣賞下先，今晚再黎後半

佢畫風睇落好獨特，但又唔知點講
另外點樣從佢作品睇得出有信仰影子（除左potato eaters之外）？

lm

膚淺既小弟想了解更多藝術
巴打指欣賞藝術必須了解脈絡
但要知咁多野先識欣賞佢既作品
咁作品本身仲係咪咁值得欣賞呢？

就當一幅你從未睇過既畫
你唔知作者係邊個
當然更唔知咩脈絡
或者你會覺得作品好普通
要了解左咁多野先覺得靚
咁係咪真既靚呢？

除左啲業界公認大師
現實好多時無乜機會俾你認識作者咁多野
咁啲大師又點成為大師?

關於第一個問題
重點在於作品撇除背後所有含意後，到底仲有咩可以欣賞呢？
答案係美，藝術離不開美。不論係視覺上定係意義上
你可以睇到作品技巧上嘅美，用色、構圖、筆觸等，呢啲都係視覺上嘅享受
比如去睇大型藝術展，入面會有你未了解過嘅藝術品，但你又會比他深深吸引住，當下只有覺得有種力係作品入面，你未去睇清佢嘅技法，未去了解佢嘅脈絡，但都會停係到睇，呢種咁純粹嘅感覺就係美學，純粹嘅欣賞。


至於第二條問題
當一件作品抹除所有含意，佢係造型上好普通，咁件作品又係咪真係有佢原來嘅價值呢？

呢到拉返出小小講，
首先要知道藝術分好多種類，表演藝術、視覺藝術、文學藝術等等
而當中有好多類別嘅核心係美感
比如繪畫、雕塑、音樂、舞蹈、戲劇
呢頪係佢抹除所有含義後都會有一定程度嘅美感存在

但亦都有相反嘅情況，比如觀念藝術、裝置藝術、互動藝術等等
呢類藝術形式反而核心在於思想、背後意義、作品過程、脈絡等
抹除佢背後一切嘅意味就等於這件作品不是一件完成嘅作品


就好似當年經典 杜象 嘅(噴泉 Fountain)


呢件野本身只係一個尿兜，仲要係現成係工廠直接買，係一件現成物，之後杜象係上面簽左個名，幫佢改作品名噴泉 Fountain，就話佢係藝術品。

佢就係要一件日常用品升格為藝術品，特別係呢件作品本身係一件不雅物，通過改名同簽名呢個行為去改變一件物品嘅意義同性質，令佢變成藝術品。咁到底佢可唔可以出展覽呢？

最後係唔可以，當時有兩個確切理由
該物是不道德且粗俗的。
該物涉嫌抄襲，所做的只是拿了一個普通的小便斗。

但正正展覽主辦品位拒絕呢件作品，令到呢件作品完整。
到底呢個只係多個簽名而又改左名嘅現成物尿兜，係唔係藝術品呢？


呢個連返去第一個問題，咁杜象呢件作品係唔知脈絡嘅情況下仲值唔值得欣賞呢？
答案係唔值得，因為呢類作品無左背後嘅思想就無左佢嘅價值。
無思想嘅噴泉，只係一件工廠出產嘅尿兜。

如果仲有巴打想了解多啲我可以再講呢類
所以但當你再去了解埋作品嘅脈絡，帶出嘅意味、作品嘅過程
你可以係入面感受到多一層感覺


至於大師點成為大師，呢點最主要經時間去證明，仲有創新美感思想手法等等好多原因，之後會係藝術家嘅總結再講下

戈巴解釋好完滿
咁可唔可以話，上面個尿兜一類作品，佢藝術價值其實好主觀。即對唔清楚作品同創作者自身脈絡的外人，近乎無藝術價值。
如果巴打有時間希望講多D個尿兜背景，期待

[現代藝術入門（一）ep.8] 淺談視線引導概念 並讀食薯者構圖 (上)

借食薯者講多少少概念
呢幅畫有五個人，四個係有樣貌而且之間係有相連關連互動
唯獨係一個女孩無樣睇，一個人默默地食薯仔
點解畫家要畫呢個對比嘅情況出黎
到底Van Gogh想係呢個位到話你知啲咩呢



係睇作品嘅時候，我地要成日諗下點解個畫家要咁安排呢
佢用意係咩呢
對於佢黎講，呢隻色呢件物品呢個構圖係代表咩呢
經過了解畫家嘅脈絡後
你可以從中作出一啲合理嘅推測，再自己去解讀作品。


好似幅食薯者咁

先講正面四位農民先，我地左邊數起係(一)至(四)。
佢地之間係有相互關係，你可以睇到(二)隻手係吉緊薯仔，而眼係望緊(一)，呢到存在住一種關係，一種構圖上嘅帶動，佢可以令觀者視線從(二)嘅眼帶動去(一)嘅面容再到返(一)嘅手。



你可能會問睇畫咪睇畫囉，點解要有咁多野，我點睇你可以控制咩
我係鍾意左上到右下再右上睇到左下角咁打個大交叉比佢XXXX



當然可以，當刻意去意識呢件事去睇嘅時候，就唔存在咩帶動視點。
個重點係個"引導"，佢一定唔能夠控制你點睇，但佢會引導你
其實呢種係畫家刻意安排嘅動作
目的就係令觀者視線可以跟住畫家嘅安排去睇
可以跟安排順序去遊覽成幅作品，跟住順序去感受。

如果再入一層去睇，就係睇個畫家有無駕馭能力
係唔係四方八面都駕馭到
駕馭畫面嘅能力有無遍佈成張畫

巴打
真係大開眼界
呢種神線引導手法同解讀方法，係咪基本理論之一？？
而呢D畫作有無多向詮釋既可能？？

巴打
真係大開眼界
呢種神線引導手法同解讀方法，係咪基本理論之一？？
而呢D畫作有無多向詮釋既可能？？

對於攝影、電影、插畫、模型呢d涉及造型藝術既範疇入面，視覺引導係構圖既基本原理之一
突出主體同隱藏主體都有唔同做法

善用黃金比例、九宮格、線條暗示之類

依家想學呢d野最好從攝影方面搵教學

巴打入黎一齊玩（幫手畫）

https://lihkg.com/thread/159510/page/6?ref=android

留名學嘢。

巴打
真係大開眼界
呢種神線引導手法同解讀方法，係咪基本理論之一？？
而呢D畫作有無多向詮釋既可能？？

對於攝影、電影、插畫、模型呢d涉及造型藝術既範疇入面，視覺引導係構圖既基本原理之一
突出主體同隱藏主體都有唔同做法

善用黃金比例、九宮格、線條暗示之類

依家想學呢d野最好從攝影方面搵教學

幫手推一推post
關於構圖其實可以詳細講，當畫畫教學講
不過近排唔想用腦
等高手出文算

今日應該出到呢邊

今日應該出到呢邊

今日應該出到呢邊

呢排忙少少
有時間會再回返大家

早係相機出現之前
其實已經有構圖學
上網搵構圖技巧就搵到
比較出名既書有
素描與插畫
想像與寫實
裡面都有教點構圖同點建立構圖

不過我強烈建議由高手作品中分析同學習

artstation同pixiv既熱門作品都好靚好正

巴打出未

[現代藝術入門（一）ep.10] 進入新環境 淺談巴黎藝術環境 並讀印象派背景

係完成食薯者之後
梵谷(Van Gogh)覺得自己畫左幅好好嘅作品，非常滿意
叫佢個藝術經紀細佬西奧(Theo)幫手推廣下
不過西奧(Theo)同佢講唔係咁易架葉師傅
其實主要因為當時法國流行明亮嘅印象派風格
而偏偏梵谷(Van Gogh)嘅畫風都係陰暗沉實，實在係好難賣得出

到左1886年，西奧(Theo)就叫左梵谷(Van Gogh)去巴黎搵佢投靠佢
係呢到西奧(Theo)又再一次深深咁改變左梵谷(Van Gogh)

你話呢個細佬邊到搵呀
見個大佬理想唔順利就鼓勵佢去畫畫
到畫畫唔順利就叫佢過黎投靠佢
又介紹畫家又比生活費又幫佢賣畫
所以話無西奧係唔會有梵谷(Van Gogh)




巴黎時期 (1886-1888)
梵谷(Van Gogh)雖然唔係第一次去巴黎，但呢次係以一個畫家嘅身份去
一去到西奧(Theo)就介紹好多畫家比佢識
因為西奧(Theo)當時好睇得起印象派，成日都買賣相關畫作
所以認識大多數嘅印象派畫家
基本上當時梵谷(Van Gogh)識大部分嘅印象派畫家
而且好多同期畫家都成為好朋友


梵谷(Van Gogh)深深受到印象派影響，從而發展出巴黎時期
由陰鬱沉黯嘅畫風一轉為明亮鮮艷
而係巴黎時期入面佢都有三大分區
「巴黎當時嘅畫風」、「新印象派嘅點描法」同「日本浮世繪」
三樣都分別一步步咁引領佢發展出個人風格





初到貴境，先認識下當時巴黎嘅畫風
當時印象派係巴黎最為盛行，色彩光影多變
而被譽為新印象派嘅秀拉（Seurat）、席涅克（Signac）、畢沙羅 （Pisarro）都係當時開始崛起，之後我地會再講到新印象
依家先講下印象派先

印象派，可以話係現代繪畫嘅起點
呢個派別係黎自一次偉大嘅落選展
咩係落選展呢
當年有一個叫沙龍嘅傳統官方畫展
用傳統學院派個把尺去評，年年都好嚴格咁評選
導致年年都好多人落選，
直到1863年，畫家們要爆啦
有成五份之三嘅作品落選，導致畫家們嘅不滿爆發
國王為左安撫佢地就舉辨左個沙龍落選展
一搞就搞到依家，仲有好多地方效法


咁係1863年嘅落選展入面，有一幅影響深遠嘅作品
草地上的午餐，馬奈嘅作品


Le Déjeuner sur l’herbe, 1863 Édouard Manet

點解咁大影響大呀，佢都只係畫左個祼女同班男人係草地姐
就正正因為佢畫左個祼女
係當時祼女對學院派黎講，係神性而不可侵犯
如果你要用祼體畫參展
只可以以歷史、神話當作背景之下先為之正當
但偏偏馬奈就畫左個祼女，仲要放係一個日常生活當中
令人覺得佢侵犯到藝術嘅神性
而另一點係佢嘅技法
呢幅畫嘅筆觸、用色、構圖，全部都係學院派唔能夠忍受
佢對傳統繪畫標準嘅無視同對學院派藝術的反抗
成為左保守派畫家攻擊的重心
各種破格表現，令佢當時成為眾矢之的，面對住各種譏諷同惡名
但又令佢係一班年輕畫家入面受到追捧
大家都視佢為一位獨立的領導者同革新嘅畫家

而係1874年嘅時候有條友仔扲幅「日出‧印象」參展，莫奈(Monet)


呢一幅畫就係印象派嘅正式開始
當時藝評家都恥笑佢呢幅畫，仲幫佢改埋名叫做「印象派」
因為主流繪畫係學院派，佢地接受唔到咁嘅作品
又無隱藏草稿嘅痕跡，又無做「潤飾」嘅工序
所以對佢地黎講，日出係一幅未完成嘅作品
真係好難頂喎大佬，草稿喎！畫展喎！
你會唔會扲碟唔熟嘅餸菜上枱呀

但係，印象派係一碟牛排
佢就係要唔熟
就係要佢個種流血不止嘅肉質
要個種複雜嘅光影變化，自然陽光、時間轉移嘅瞬息萬變
明顯嘅筆法，未經潤飾嘅筆觸
引用科學嘅光譜原理，去探索光影之間嘅關係
佢地認為就算最光亮同最陰暗嘅地方都係由不同層次不同顏色嘅純色構成



莫奈(Monet)講過：「倘若你到室外作畫，試著忘卻跟前的物體，不論它是一株樹、或一片田野。只要想像這兒是小方塊的藍，那兒是長方形的粉紅，這兒是長條紋的黃，然後照著你認為的顏色和形狀去畫就是，直到符合你自己對景物本來的印象。」

呢兩個人可以話係印象派嘅開山師祖
一個係突破一切固有思想
一個創出一個未曾研究過嘅繪畫方向
佢地都顛覆傳統
成為左印象派嘅中心人物


而蔣勳書中講到
印象派唔淨止係一種技巧，而係包含工業化城市化以後嘅中產階級對未來生活嘅美麗憧憬嘅歌頌
佢咁講主要係因為印象派畫家嘅畫畫對象選材
雷諾瓦(Pierre-Auguste Renoir)畫嘅都係衣著講究嘅紳士淑女嘅生活娛樂，反映出巴黎中產階級嘅優雅教養同時尚之美

Ball at the Moulin de la Galette,1876 Pierre-Auguste Renoir

莫奈(Monet)畫嘅係一種初期中產階級愉悅同幸福嘅事，好似火車，海邊渡假城市入面嘅中產階級

La Grenouillere, 1869 Claude Monet
呢一點影響到日後對抗主流對抗城市化嘅新印象派形成
技法上就住催生左點描嘅新印象派

就係咁樣，梵谷(Van Gogh)被呢種派系深深吸引住
而佢去巴黎個年又出現新印象派
佢受到嘅影響係前所未有
你可以睇下當嘅畫作先



你會見到佢嘅畫風從灰暗慢慢傳變為明朗，富有變化筆觸
而且係巴黎，友誼同舒適嘅環境都令佢成個人變得開朗又快樂
你睇佢嘅畫就表現得最明顯，我特係佢開始畫多左肖像畫
鍾意畫下朋友們同佢自己，朋友又會畫返佢
呢種係佢地增進友誼嘅一個好方法

友人羅特列克(Lautrec)筆下嘅梵谷(Van Gogh)

佢地成班畫友成日去個間咖啡店嘅老闆娘

係呢班朋友切磋之間，梵谷(Van Gogh)嘅創作大有進步
亦都係佢漸漸發展出佢個人獨特風格嘅時候
特別係下次講到嘅新印象派

比幾幅你地睇住先

Sunday Afternoon on the Island of la Grande Jatte,1886 Georges-Pierre Seurat

Bathers at Asnieres, 1884 Georges-Pierre Seurat

Red Roofs, 1877 Camille Pissarro

[quote]
佢畫風睇落好獨特，但又唔知點講
另外點樣從佢作品睇得出有信仰影子（除左potato eaters之外）？

其實應該咁講，梵谷佢係以畫筆為上帝服務
係佢兜兜轉轉畫咁多作品時期，咁多唔同嘅選材
最終佢關心嘅都係關於信仰，特別係佢入左精神病院之後
好多時係佢低潮嘅時候，佢會返返去原點
藝術係佢宗教信仰狂熱之下嘅延伸
咁佢就會再次從信仰下出發

今次好長

膚淺既小弟想了解更多藝術
巴打指欣賞藝術必須了解脈絡
但要知咁多野先識欣賞佢既作品
咁作品本身仲係咪咁值得欣賞呢？

就當一幅你從未睇過既畫
你唔知作者係邊個
當然更唔知咩脈絡
或者你會覺得作品好普通
要了解左咁多野先覺得靚
咁係咪真既靚呢？

除左啲業界公認大師
現實好多時無乜機會俾你認識作者咁多野
咁啲大師又點成為大師?

關於第一個問題
重點在於作品撇除背後所有含意後，到底仲有咩可以欣賞呢？
答案係美，藝術離不開美。不論係視覺上定係意義上
你可以睇到作品技巧上嘅美，用色、構圖、筆觸等，呢啲都係視覺上嘅享受
比如去睇大型藝術展，入面會有你未了解過嘅藝術品，但你又會比他深深吸引住，當下只有覺得有種力係作品入面，你未去睇清佢嘅技法，未去了解佢嘅脈絡，但都會停係到睇，呢種咁純粹嘅感覺就係美學，純粹嘅欣賞。


至於第二條問題
當一件作品抹除所有含意，佢係造型上好普通，咁件作品又係咪真係有佢原來嘅價值呢？

呢到拉返出小小講，
首先要知道藝術分好多種類，表演藝術、視覺藝術、文學藝術等等
而當中有好多類別嘅核心係美感
比如繪畫、雕塑、音樂、舞蹈、戲劇
呢頪係佢抹除所有含義後都會有一定程度嘅美感存在

但亦都有相反嘅情況，比如觀念藝術、裝置藝術、互動藝術等等
呢類藝術形式反而核心在於思想、背後意義、作品過程、脈絡等
抹除佢背後一切嘅意味就等於這件作品不是一件完成嘅作品


就好似當年經典 杜象 嘅(噴泉 Fountain)


呢件野本身只係一個尿兜，仲要係現成係工廠直接買，係一件現成物，之後杜象係上面簽左個名，幫佢改作品名噴泉 Fountain，就話佢係藝術品。

佢就係要一件日常用品升格為藝術品，特別係呢件作品本身係一件不雅物，通過改名同簽名呢個行為去改變一件物品嘅意義同性質，令佢變成藝術品。咁到底佢可唔可以出展覽呢？

最後係唔可以，當時有兩個確切理由
該物是不道德且粗俗的。
該物涉嫌抄襲，所做的只是拿了一個普通的小便斗。

但正正展覽主辦品位拒絕呢件作品，令到呢件作品完整。
到底呢個只係多個簽名而又改左名嘅現成物尿兜，係唔係藝術品呢？


呢個連返去第一個問題，咁杜象呢件作品係唔知脈絡嘅情況下仲值唔值得欣賞呢？
答案係唔值得，因為呢類作品無左背後嘅思想就無左佢嘅價值。
無思想嘅噴泉，只係一件工廠出產嘅尿兜。

如果仲有巴打想了解多啲我可以再講呢類
所以但當你再去了解埋作品嘅脈絡，帶出嘅意味、作品嘅過程
你可以係入面感受到多一層感覺


至於大師點成為大師，呢點最主要經時間去證明，仲有創新美感思想手法等等好多原因，之後會係藝術家嘅總結再講下

戈巴解釋好完滿
咁可唔可以話，上面個尿兜一類作品，佢藝術價值其實好主觀。即對唔清楚作品同創作者自身脈絡的外人，近乎無藝術價值。
如果巴打有時間希望講多D個尿兜背景，期待

可以，因為佢真正價值在於件物質背後
其實主要嘅都講哂，遲下可以講埋佢對藝術嘅影響
因為呢件作品嘅影響力係超大

PISH!!

多謝巴打幫手推post

原來印象派有咁多個分別
又新印象又後印象
咁之後仲有無出其他印象嘅派