[賞識藝術入門 ( 一 ) ] 每個成功嘅男人背後都有一個男人支持

學構圖首先第一件事就係要理解每幅構圖既個別性

影相會唔會張張都一樣？

千其唔好覺得有必勝法有可用作判斷既普遍規律，無論作品係主打感受定思考，
咁樣係限制自己，無論係鑑賞同創作

聽歌唔係聽技術
唱歌都唔係靠技術
技術係工具黎炸


以上講法係藝術論中既表現論
認為藝想表達的東西才是該藝術的本質

機械人運用推理與綜合分解的結果

能夠稱為藝術品嗎？

lm

膚淺既小弟想了解更多藝術
巴打指欣賞藝術必須了解脈絡
但要知咁多野先識欣賞佢既作品
咁作品本身仲係咪咁值得欣賞呢？

就當一幅你從未睇過既畫
你唔知作者係邊個
當然更唔知咩脈絡
或者你會覺得作品好普通
要了解左咁多野先覺得靚
咁係咪真既靚呢？

除左啲業界公認大師
現實好多時無乜機會俾你認識作者咁多野
咁啲大師又點成為大師?

關於第一個問題
重點在於作品撇除背後所有含意後，到底仲有咩可以欣賞呢？
答案係美，藝術離不開美。不論係視覺上定係意義上
你可以睇到作品技巧上嘅美，用色、構圖、筆觸等，呢啲都係視覺上嘅享受
比如去睇大型藝術展，入面會有你未了解過嘅藝術品，但你又會比他深深吸引住，當下只有覺得有種力係作品入面，你未去睇清佢嘅技法，未去了解佢嘅脈絡，但都會停係到睇，呢種咁純粹嘅感覺就係美學，純粹嘅欣賞。


至於第二條問題
當一件作品抹除所有含意，佢係造型上好普通，咁件作品又係咪真係有佢原來嘅價值呢？

呢到拉返出小小講，
首先要知道藝術分好多種類，表演藝術、視覺藝術、文學藝術等等
而當中有好多類別嘅核心係美感
比如繪畫、雕塑、音樂、舞蹈、戲劇
呢頪係佢抹除所有含義後都會有一定程度嘅美感存在

但亦都有相反嘅情況，比如觀念藝術、裝置藝術、互動藝術等等
呢類藝術形式反而核心在於思想、背後意義、作品過程、脈絡等
抹除佢背後一切嘅意味就等於這件作品不是一件完成嘅作品


就好似當年經典 杜象 嘅(噴泉 Fountain)


呢件野本身只係一個尿兜，仲要係現成係工廠直接買，係一件現成物，之後杜象係上面簽左個名，幫佢改作品名噴泉 Fountain，就話佢係藝術品。

佢就係要一件日常用品升格為藝術品，特別係呢件作品本身係一件不雅物，通過改名同簽名呢個行為去改變一件物品嘅意義同性質，令佢變成藝術品。咁到底佢可唔可以出展覽呢？

最後係唔可以，當時有兩個確切理由
該物是不道德且粗俗的。
該物涉嫌抄襲，所做的只是拿了一個普通的小便斗。

但正正展覽主辦品位拒絕呢件作品，令到呢件作品完整。
到底呢個只係多個簽名而又改左名嘅現成物尿兜，係唔係藝術品呢？


呢個連返去第一個問題，咁杜象呢件作品係唔知脈絡嘅情況下仲值唔值得欣賞呢？
答案係唔值得，因為呢類作品無左背後嘅思想就無左佢嘅價值。
無思想嘅噴泉，只係一件工廠出產嘅尿兜。

如果仲有巴打想了解多啲我可以再講呢類
所以但當你再去了解埋作品嘅脈絡，帶出嘅意味、作品嘅過程
你可以係入面感受到多一層感覺


至於大師點成為大師，呢點最主要經時間去證明，仲有創新美感思想手法等等好多原因，之後會係藝術家嘅總結再講下

好似明明地，要多啲時間消化下
好多謝巴打咁用心覆我

唔使客氣
巴打有咩問題我地再傾

森無無巴打下次回post果陣
不如整理吓先
就咁睇都幾混亂

呢邊幾時先出新嘢???

而家打緊就出

[現代藝術入門（一）ep.7] 詳談食薯者技法與脈絡

講左咁多素描，係時候講下佢嘅油畫啦
Van Gogh係1982先開始畫油畫嘅，一開始都有練習下畫石膏像個類
但係以半路出家畫畫嘅佢，跟本畫唔好石膏像
加上佢無辦法去關心無生命嘅石膏像，佢要嘅係真實，有感覺有思想嘅對像。
呢段時間佢畫左好多農地嘅風景、農民等


以上係佢啱啱開始畫油畫個時嘅作品，
可以睇到佢係唔畫細節，落筆豪邁，感覺為重

睇到佢同畫素描個時一樣，好鍾意用黑線圍邊
呢到講一下我地畫畫，好多時我地學畫都唔主張用黑線去圍住要畫嘅一件野，因為現實無一樣野係有條線圍住，通常係想強調想表達嘅主體先咁用
但Van Gogh好鍾意用 ，佢成日都圍住所有主體，細節部分都直接用黑線表達，呢一點係影響到佢後期風格嘅一大重點

而佢為左食薯者呢幅畫做左好多練習同準備


你會見到畫中嘅人物係佢手中已經綀習過無數次
而你仔細睇可以睇到Van Gogh係技法上嘅脈絡

佢地面部色塊嘅畫法、農民嘅神態、用色都比較樸實
好有個種農民嘅氛圍，唔洗特意講你知佢係邊個佢背景係咩
因為係佢用色、筆觸、構圖已經表達哂
呢個就係長時間同勞動者相處生活觀察而得出嘅一種經驗

森無無巴打下次回post果陣
不如整理吓先
就咁睇都幾混亂

混亂呢樣野可以係主觀感受

如果係針對邏輯上、定義上同概念上有問題想討論
歡迎指出問題所在。

句與句之間既連結程度我習慣係用分行表示。

因為我覺得將符號和意義分離的狀態可以造成重新認知的狀態。

用格言式既文體可以更加貼近非線性思考既人既理解方式。

在文字間尋找不到時間順序，是我有意圖造成的結果。

口語同書面語既混用暗示左我既認真程度

[現代藝術入門（一）ep.7] 詳談食薯者技法與脈絡

而今次要講嘅係之前提過嘅”食薯者”
食薯者係Van Gogh長時間觀察勞動者所得嘅一個總結
佢係同細佬書信當中曾經講過呢幅畫係佢得意之作，
而且仲講出佢想表達嘅係咩
「我想傳達的觀點是，借着一個油燈的光線，吃馬鈴薯的人用他們同一雙在土地上工作的手從盤子裡抓起馬鈴薯－ 他們誠實地自食其力」
係呢句句子入面其實包含住好多層脈絡
你地可以諗返之前講過嘅脈絡去再睇呢幅畫
先睇下成品前嘅草圖同練習

你會見到係一步步咁向前，
先從第一張概念草圖定左農民坐埋一齊食薯仔，氣氛暗沉，用一盞燈，一隻碟去做連結


之後第二張見到上左色，主調深沉，加上光影，傢俬構圖佈置


再到第三張比較完成，再加入一個人，
人與人之間嘅角色關係構圖建立，而關係帶動觀者視點移動
光影佈置更完整，傢俬加上有宗教意味嘅掛畫


你咁樣去睇就更清楚呢幅畫嘅重點同Van Gogh想你睇咩，佢想帶出啲咩意思

最後就係成品


先從技法上睇，作品主體嘅筆觸粗糙，短促，強硬，
特別係受光面嘅表現同外形嘅勾勒
高光位嘅表達方法更係強硬霸道
溫和漸變意圖唔強，經常會見到色塊明度對比強烈嘅情況，會令你嘅視線停留
呢個係Van Gogh常用嘅技巧

就好似畫中人嘅面部同手部
用呢種畫法表現得特別強硬，有力
刻意令你去觀察乾瘦且佈滿皺紋嘅農民，
感受佢地嘅辛勞，生活當中嘅簡樸踏實
受光面: 畫面受光嘅部分
高光位:受光剖分入最光嘅位置
明度:色調明暗程度，白色名度最高，黑色最低

整體深沉，墨綠泥綠，灰樸主調，背景用色稀薄淺淡，襯托前景嘅主體形象
利用光影嘅明暗去特別強調農民嘅面同手部，
呢間暗沉嘅房間，特別能夠帶出個種窮困嘅生活感，用大量大地嘅顏色(土黃泥綠)去營造農民生活嘅真實情況。

農民係呢個壓抑嘅生活之下，Van Gogh見到嘅唔係絕望，而係對生命有真實感嘅一種感情，環境壓抑、人之間嘅溫暖
農民之間係實實在在咁生存，食自己種嘅薯仔、飲黑咖啡，日復日。
Van Gogh唔單只同米勒一樣咁對勞動者保持敬意；讚頌工人階級
佢仲以一個宗教角度去睇呢班辛勞苦悶嘅人，以救贖苦難嘅心去對待。
靜觀生命之間嘅關係。

追緊

巴打點睇有d人覺得手繪比電繪有價值

巴打點睇有d人覺得手繪比電繪有價值

我覺得啲人咁諗都好正常，始終手繪有件實物作品
而且電繪可以不斷重複修改，現今科技好難令佢價值同手繪比
不過好多位都可以再斟酌，我又唔會特別睇低電繪，都係各有各好
可能係收藏保值方面比較弱

lm

多謝巴打支持

嘩!!! 有興趣

嘩!!! 有興趣

絲打慢慢睇

[現代藝術入門（一）ep.7] 詳談食薯者技法與脈絡

而今次要講嘅係之前提過嘅”食薯者”
食薯者係Van Gogh長時間觀察勞動者所得嘅一個總結
佢係同細佬書信當中曾經講過呢幅畫係佢得意之作，
而且仲講出佢想表達嘅係咩
「我想傳達的觀點是，借着一個油燈的光線，吃馬鈴薯的人用他們同一雙在土地上工作的手從盤子裡抓起馬鈴薯－ 他們誠實地自食其力」
係呢句句子入面其實包含住好多層脈絡
你地可以諗返之前講過嘅脈絡去再睇呢幅畫
先睇下成品前嘅草圖同練習

你會見到係一步步咁向前，
先從第一張概念草圖定左農民坐埋一齊食薯仔，氣氛暗沉，用一盞燈，一隻碟去做連結


之後第二張見到上左色，主調深沉，加上光影，傢俬構圖佈置


再到第三張比較完成，再加入一個人，
人與人之間嘅角色關係構圖建立，而關係帶動觀者視點移動
光影佈置更完整，傢俬加上有宗教意味嘅掛畫


你咁樣去睇就更清楚呢幅畫嘅重點同Van Gogh想你睇咩，佢想帶出啲咩意思

最後就係成品


先從技法上睇，作品主體嘅筆觸粗糙，短促，強硬，
特別係受光面嘅表現同外形嘅勾勒
高光位嘅表達方法更係強硬霸道
溫和漸變意圖唔強，經常會見到色塊明度對比強烈嘅情況，會令你嘅視線停留
呢個係Van Gogh常用嘅技巧

就好似畫中人嘅面部同手部
用呢種畫法表現得特別強硬，有力
刻意令你去觀察乾瘦且佈滿皺紋嘅農民，
感受佢地嘅辛勞，生活當中嘅簡樸踏實
受光面: 畫面受光嘅部分
高光位:受光剖分入最光嘅位置
明度:色調明暗程度，白色名度最高，黑色最低

整體深沉，墨綠泥綠，灰樸主調，背景用色稀薄淺淡，襯托前景嘅主體形象
利用光影嘅明暗去特別強調農民嘅面同手部，
呢間暗沉嘅房間，特別能夠帶出個種窮困嘅生活感，用大量大地嘅顏色(土黃泥綠)去營造農民生活嘅真實情況。

農民係呢個壓抑嘅生活之下，Van Gogh見到嘅唔係絕望，而係對生命有真實感嘅一種感情，環境壓抑、人之間嘅溫暖
農民之間係實實在在咁生存，食自己種嘅薯仔、飲黑咖啡，日復日。
Van Gogh唔單只同米勒一樣咁對勞動者保持敬意；讚頌工人階級
佢仲以一個宗教角度去睇呢班辛勞苦悶嘅人，以救贖苦難嘅心去對待。
靜觀生命之間嘅關係。

巴打終於講呢幅!
睇完你打嘅嘢,
突然更加感受到呢幅畫嘅美妙!
呢種宗教式情懷好正!

終於講到呢幅
如果巴打覺得呢幅好正嘅話
後面仲有更加更正嘅會介紹

巴打點睇有d人覺得手繪比電繪有價值

我覺得啲人咁諗都好正常，始終手繪有件實物作品
而且電繪可以不斷重複修改，現今科技好難令佢價值同手繪比
不過好多位都可以再斟酌，我又唔會特別睇低電繪，都係各有各好
可能係收藏保值方面比較弱

站係欣賞角度真係各有好壞
如你所講係收藏（錢銀價值）同創造角度的確係冇咁好feel,係有種對於手藝既情懷，特別在於對象既隨機性、雜亂性、不確定性、客觀真實性同獨特性。

但係電腦玩造型藝術
係插畫、漫畫、遊戲、電影等等方面都有自己用處
傳播上都佔優勢

其實會諗手繪好d既人通常都係咁諗：真實既筆觸好正乜乜乜，有細微既凹凸不平，經驗上既震撼強烈，覺得咁先係真正既畫質。又有人話電腦有得用“上一步”
覺得心機比較少，冇一氣呵成既感覺
覺得用電腦就冇技術冇功架，㩒個制複製貼上就出到作品。成功感少好多。

我覺得以上呢幾樣都係歪理
什至脫離左鑑賞
可能係未接觸過電繪既人先會咁諗
現時動畫製作過程基本上已經被電腦取代哂

付出既心機亦可以不比手繪少

學既又係同樣既技術同理論
電腦學習上手速度又快又直覺化

雙修撚表示：根本一樣咁好玩好睇，睇你想做咩成品先揀方法

現時太多人談論藝術時忽略左談論電腦界
好多人教人鑑賞都係講d古人作品點點點，現時世界上已經有好多電繪網站同分享平台
更何況音樂範疇
多左電腦根本係自由度更加高

做收藏個班人唔係好清楚大把人做藝術唔係for賣錢
收藏佔有係我眼中根本唔係藝術設計既一環節

少少偏激唔好介意

作品保存上數碼化更加係無敵狀態
隨時睇得聽得

黎緊vr玩3d繪畫簡直超正

推