[賞識藝術入門 ( 一 ) ] 每個成功嘅男人背後都有一個男人支持

追

pish

留名學野
自從幾年前考完va dse 就冇咩再掂過藝術史
印象派最鍾意嘅都係Renoir 同 Degas

今日盡出

今日盡出

今日係梵高生日喎

唔知會唔會再講下佢呢???

[現代藝術入門（一）ep.11] 淺談浮世繪對梵谷的影響力

點解又關浮世繪事呢，日本架喎
其實係當時巴黎掀起左日本風潮
好多畫家都比浮世繪呢種新畫風吸引住
但到底點傳到過去巴黎呢


係呢到我再介紹一個人物
經過好朋友高更(Gauguin)介紹下認識左佢
佢叫唐基老爹

佢係一個成日宣揚他革命理論又會經常接濟窮朋友，又賖顏料比啲窮畫家
總之佢係個好人啦
梵谷同佢好鬼老友，因為唐基嘅理念係要用革命去改變不公平嘅社會
佢地兩個都一樣相信人類可以無種族差異，無階級差別，人類都可以和平友愛
而梵谷係佢呢個朋友身邊就認識到好多畫家
仲畫左幾幅佢嘅畫像，你可以見到佢背後有好多浮世繪嘅畫作做背景
梵谷畫到佢好慈祥，和藹可親
唔知係咪梵谷係佢到賖顏料數賖太多要畫畫填數

其實係日本係19世紀中開放通商，有大量日本風嘅商品流通市面
而當中有啲商品係用浮世繪嘅圖黎做包裝紙
而唐基就有好多浮世繪嘅商品，好多畫家都係佢到接觸到浮世繪


咁咩叫做浮世繪呢
佢係一種日本傳統嘅版畫
浮世係指世人所處嘅現世，塵世之意，咁姐係描繪世間風情
特別係江戶時代庶民嘅生活、
好多場景都係風月場所、戲院舞台等等
浮世繪不論係用色、製法、定選材
對當時巴黎帶黎好大嘅影響，特別係畫家們

我呢到講下浮世繪嘅製作方式先
浮世繪係版畫製作黎
佢會雕一塊主版同好多塊色版，每張作品嘅顏色就係咁一層層印上去

佢製作嘅步驟：

1在木版上貼上畫稿 2，用小刀雕刻出輪廓 3，用鑿子鑿出凹面 4，主版完成 5，為木版著色 6，鋪紙 7，用馬連摩擦 8，刷版完成 反覆多次拓印這種色版，浮世繪就完成

呢種咁新鮮嘅日本風
咁當然引起印象派嘅畫家好大興趣

La Japonaise,1876 Monet Claude

A girl with a Fan,1881 Renoir Pierre Auguste


梵谷當然唔例外啦
佢同佢細佬西奧仲收藏左大約500幅浮世繪作品
好鐘意浮世繪版畫嘅線條勾勒，平塗套色技法，明亮嘅色彩，迥異於西方嘅透
各種都都深深吸引住佢
既然咁鐘意，當然唔少得臨摹
佢就以西方油畫素材去臨摹呢啲日本版畫

龜戶梅園, 1856 歌川廣重

大橋驟雨,1856 歌川廣重


佢臨摹之餘，仲加左一個外框，框內有一系列嘅漢字、日文
梵谷認為呢啲係日本嘅特質，佢用心去研究、了解、學習
去掌握漢字結構嘅美，並加以應用
臨摹令梵谷體會到浮世繪嘅特質，並且引入自己嘅繪畫理論
經過浮世繪嘅洗禮後，佢繪畫更進一步確立個人風格
特別係佢慣用嘅線條勾勒同燦爛色彩

梵谷曾經同佢妹妹講過，
「在此我不再需要日本木刻版畫，因為我就在日本」

而蔣勳係書講左段我覺得幾好
「梵谷一生都在尋找心靈的救贖，最初，他以為是在礦工人的社區，後來尋找到農民，又尋找到街頭無助的妓女，在一切救贖之夢一一破滅之後，他找到了浮世繪中的世界，他夢想著要去日本，他告訴朋友，想到日本，出家做僧侶，把自己奉獻給永恆之佛。」
文中講到嘅妓女係佢以前一個情人西嬿(Sien)，16歲就係街上面拉客，生左五個細路，識梵谷嘅時候個肚仲有一個。

可以睇到浮世繪對梵谷有幾大嘅影響



而有好多人都講梵谷嘅星夜係有浮世繪影響嘅影子



葛飾北齋 《冨嶽三十六景》之一, 神奈川沖浪裏

不過呢點就見仁見智啦

幾時到呢邊出呀!

出左啦出左啦

追

pish

巴打對cezanne有冇研究

無咩特別去研究，自己對佢嘅畫了解都唔係好深
不過以我自己嘅睇法覺得佢唔係去表達感情訴諸藝術
而係去研究藝術嘅睇法
不論係構圖 透視 用色
我都覺得佢不斷咁研究緊，直到去最後都未真正解出佢想搵嘅藝術
不過係無可否認佢影響力非常大 帶出立體派 畢加索 馬諦斯等
可以話係佢地幫佢搵到出路

今日盡出

今日係梵高生日喎

唔知會唔會再講下佢呢???

世界從此多左個偉大嘅藝術家

[quote]
真係估唔到日本技法會傳到法國!
同埋梵谷真係好勁,
明明係唔同嘅材料,都畫到咁鬼似!

係，個時就開始全球化
所以梵谷差唔多係最後幾個在世得唔到世人認同嘅大師級畫家

如果講勁可以睇埋浮世繪
先唔講構圖同用色，淨係雕刻嘅功力已經不得了
佢畫面上嘅所有野都係雕出黎再印出黎，雨水、髮絲個類真係好考雕工，好犀利

今日去考VA嘅同學仔加油呀

推，有新野睇

巴打你仲係度嗎 請受我一拜
以前我對藝術一路都好有偏見，覺得不外乎都係啲孤芳自賞嘅野 或者有錢佬打j用嘅野(其實我相信好有人同我有一樣嘅睇法)
以前係書局睇過本書，書名唔係太記得，總之就搵左50幅名畫，然後介紹下佢地有咩咁好睇咁，個陣我覺得本書寫到狗屁不通，完全都唔知佢講緊咩
至少巴打你完全咁改變左我對藝術(未必係全部，至少係梵谷先)嘅睇法 你寫得仲好睇過出面啲書

我有啲問題想問巴打
我屋企人好鐘意去藝術館 所以多多少少咁多年旅行都去左唔少 香港個啲又係 m+ art basel咩都有去過
當然入面有啲作品真係一睇 就覺得佢有一種好強勁嘅吸引力係入面(例如the lacemaker咁) 我估應該就係你講嘅美
但係老實講 我覺得更加多作品 係類似你頭先講個個尿兜咁
唔係 係仲衰過個尿兜 個尿兜你講完個典故俾我聽我都會笑下
有時有啲新派/現代/抽象啲嘅藝術品，就咁睇嘅時候就感覺已經一頭霧水
睇埋佢個簡介仲一頭霧水 有時候又批判下啲社會呀 制度呀 哲學呀咁 再睇下件藝術品 挑都唔啦更嘅老實講 我覺得我睇過嘅99.9%嘅作品都係咁 有時睇完 完全唔知佢講乜春咁 有時我屋企人又同我講返呢個作者係名家黎

我想問其實點解會咁?定係個啲藝術品唔係啲咩好展品黎?定係我要某啲鑑賞力先睇得明個啲art basel入面啲展品?Sorry其實我有時真心覺得藝術有啲馬後炮嘅感覺，啲人又淨係評論個作者係咪出名咁(特別係我屋企人)，無意冒犯

留名

巴打你仲係度嗎 請受我一拜
以前我對藝術一路都好有偏見，覺得不外乎都係啲孤芳自賞嘅野 或者有錢佬打j用嘅野(其實我相信好有人同我有一樣嘅睇法)
以前係書局睇過本書，書名唔係太記得，總之就搵左50幅名畫，然後介紹下佢地有咩咁好睇咁，個陣我覺得本書寫到狗屁不通，完全都唔知佢講緊咩
至少巴打你完全咁改變左我對藝術(未必係全部，至少係梵谷先)嘅睇法 你寫得仲好睇過出面啲書
我有啲問題想問巴打
我屋企人好鐘意去藝術館 所以多多少少咁多年旅行都去左唔少 香港個啲又係 m+ art basel咩都有去過
當然入面有啲作品真係一睇 就覺得佢有一種好強勁嘅吸引力係入面(例如the lacemaker咁) 我估應該就係你講嘅美
但係老實講 我覺得更加多作品 係類似你頭先講個個尿兜咁
唔係 係仲衰過個尿兜 個尿兜你講完個典故俾我聽我都會笑下
有時有啲新派/現代/抽象啲嘅藝術品，就咁睇嘅時候就感覺已經一頭霧水
睇埋佢個簡介仲一頭霧水 有時候又批判下啲社會呀 制度呀 哲學呀咁 再睇下件藝術品 挑都唔啦更嘅老實講 我覺得我睇過嘅99.9%嘅作品都係咁 有時睇完 完全唔知佢講乜春咁 有時我屋企人又同我講返呢個作者係名家黎
我想問其實點解會咁?定係個啲藝術品唔係啲咩好展品黎?定係我要某啲鑑賞力先睇得明個啲art basel入面啲展品?Sorry其實我有時真心覺得藝術有啲馬後炮嘅感覺，啲人又淨係評論個作者係咪出名咁(特別係我屋企人)，無意冒

巴打太客氣啦
如果改變到你對藝術舊有嘅諗法，我都好開心，係我出Post嘅動力黎

的確係有好多作品係咁，就好似之前我講到嘅小聰明咁
睇到一頭霧水都好正常，確實有部分作品係需要詮釋
但需要詮釋唔一定等於唔好，只係呢一個年代藝術變得更開放自由
藝術種類變得更多更闊，所有野都可以係藝術
所以對唔同類型雖要有唔同準則，

鑑賞的確係有分能力，而當中經驗佔好多
先從以前嘅畫家開始了解會有幫助
理解整個藝術派絡係一個好好嘅基礎

呢個問題
好大原因係睇藝術嘅方式同要求多過以前太多
而當代藝術又以一個極開放嘅態度前進
外行人跟本好難去明白當代藝術，
以前嘅藝術都係比較直接、具象，但係梵谷個個年代開始變得不一樣
藝術家更注重去表達自己，更不在乎傳統技法
咁樣一路走到今天，每一次轉變都係再加深一層藝術脈絡，難明係好正常

以前睇藝術最根本係用最個人嘅感受去感受幅畫，
睇下個作品名，睇下有無關連，用多少少嘅想象力
呢到係第一層，比較重要，再去就係去了解脈絡，了解更多作品嘅由來
之後就再睇藝術家過去嘅作品，去比較同了解更深嘅脈絡關係

但依家嘅藝術品用呢一個方式只適用部分
藝術形式太多，每類都有唔同嘅準則
好似呢個藝術家：馬丁·克里德（Martin Creed）
係2001年以《作品227：這些燈會忽明忽暗》(Work No. 227: the lights going on and off)拎左英國嘅透納奬（Turner Prize )
https://www.youtube.com/watch?v=Vd-MH1uLIS8

件作品就係係一個空嘅房間入面有周期性開關嘅燈
佢想表達嘅野我唔知，我無去過現場感受件藝術品，我比唔到啲咩客觀意見
上網搵到嘅詮釋個個都唔同
有啲話係要人靜靜咁睇開關燈嘅光線變化
有啲話佢係要令極簡藝術推至更簡，比少更少
有啲話佢係要人感受所在空間嘅存在，係一間空嘅地方去意識仲有"空間"呢樣野係房
有啲話佢係用周期性嘅開關去令你思考世間本質都係周而復始



但其實以上嘅詮釋全部都係我自己作
你感唔感受到當代藝術嘅問題，好多作品都係思想藝術
係一種思想嘅實體化，但唔係你淨睇作品就明白到
你係要了解深入，有一定學術成份
咁個結果就係更多人睇唔明，理解唔到
令到好多人混水摸魚，以小聰明去做藝術，以賺取名利
好多作品直情係藝術家都唔知佢有咩意思，係等觀者去幫佢諗，幫佢去詮釋
有啲就係就算佢有佢想表達嘅野，如果有人幫佢解得更好聽更有趣，
佢會接受新嘅詮釋方式去取代原本個個
呢幾十年就有好多所謂當代大師係由藝術嘅市場派推舉出黎

依家個風氣係所有野都可以係藝術，每個人都可以係藝術家
要令藝術普及化，大眾化，但呢樣野更加模糊左藝術嘅定義，更難用一個準則
去睇藝術，
大眾跟本就唔會識分咩視覺藝術表演藝術裝置藝術行為藝術應用藝術多媒體藝
術觀念藝術，只會叫做藝術
呢個時候大多數人都會用同一把尺去睇哂所有五花百門嘅藝術

所以我對當代藝術嘅睇法係，無一定藝術知識唔好睇太多新嘅當代藝術
唔係話佢唔好，只係我覺得佢會令人更加想放棄藝術，
吓，咁都係藝術品呀？
小朋友都畫得出喎！
一張床都係藝術品，我屋企個張都得啦
你越睇越迷，越睇越唔明
但成個環境係好似個個都好識欣賞咁
你就開始懷疑係唔係自己嘅問題
覺得藝術離自己好遠

所以我地面對緊嘅問題係當係食左屎你都唔知
仲要有一啲咩都唔識嘅人同你講好野黎架
令你變得更加難去判斷何為好與不好

我個人係美學派嘅
感覺到當代好多都無左個份藝術嘅直接同感情
我自己亦唔識去欣賞佢地
不過既然分辨唔到，就等時間去證明啦