[賞識藝術入門 ( 一 ) ] 每個成功嘅男人背後都有一個男人支持

巴打開咁多個post 做唔做得切阿

多謝巴打關心
我會盡力出架啦，持之以恆咁搞
一定會出得哂嘅
有時出得慢左請各位多多體諒

推呀！ 有睇開你其他po 今次睇埋有關視藝既 特登留言支持

我愛視藝

巴打開咁多個post 做唔做得切阿

多謝巴打關心
我會盡力出架啦，持之以恆咁搞
一定會出得哂嘅
有時出得慢左請各位多多體諒

巴打加油!

多謝巴打

巴打會唔會講下音樂

推呀！ 有睇開你其他po 今次睇埋有關視藝既 特登留言支持

我愛視藝

推呀！ 有睇開你其他po 今次睇埋有關視藝既 特登留言支持

我愛視藝

多謝絲打支持，今日呢到會有野出啦
我都係

巴打會唔會講下音樂

唔會詳細咁講嘅，未來可能會開Post分享下自己鍾意嘅歌、歌手，評論下咁
不過都無咁快，到時記得睇
btw，你上面講電繪手繪個到我遲啲覆你

巴打會唔會講下音樂

唔會詳細咁講嘅，未來可能會開Post分享下自己鍾意嘅歌、歌手，評論下咁
不過都無咁快，到時記得睇
btw，你上面講電繪手繪個到我遲啲覆你

如果講音樂支持呀
巴打鐘意啲咩歌

有冇話幾時更新 唔想成日mon住

借食薯者講多少少概諗
呢幅畫有五個人，四個係有樣貌而且之間係有相連關連互動
唯獨係一個女孩無樣睇，一個人默默地食薯仔
點解畫家要畫呢個對比嘅情況出黎
到底VG想係呢個位到話你知啲咩呢



係睇作品嘅時候，我地要成日諗下點解個畫家要咁安排呢
佢用意係咩呢
對於佢黎講，呢隻色呢件物品呢個構圖係代表咩呢
經過了解畫家嘅脈絡後
你可以從中作出一啲合理嘅推測，再自己去解讀作品。


好似幅食薯者咁

先講正面四位農民先，我地左邊數起係(一)至(四)。
佢地之間係有相互關係，你可以睇到(二)隻手係吉緊薯仔，而眼係望緊(一)，呢到存在住一種關係，一種構圖上嘅帶動，佢可以令觀者視線從(二)嘅眼帶動去(一)嘅面容再到返(一)嘅手。



你可能會問睇畫咪睇畫囉，點解要有咁多野，我點睇你可以控制咩
我係鍾意左上到右下再右上睇到左下角咁打個大交叉比佢XXXX



當然可以，當刻意去意識呢件事去睇嘅時候，就唔存在咩帶動視點。
個重點係個"引導"，佢一定唔能夠控制你點睇，但佢會引導你
其實呢種係畫家刻意安排嘅動作
目的就係令觀者視線可以跟住畫家嘅安排去睇
可以跟安排順序去遊覽成幅作品，跟住順序去感受。

如果再入一層去睇，就係睇個畫家有無駕馭能力
係唔係四方八面都駕馭到
駕馭畫面嘅能力有無遍佈成張畫

[現代藝術入門（一）ep.8] 淺談視線引導概念 並讀食薯者構圖 (上)

借食薯者講多少少概念
呢幅畫有五個人，四個係有樣貌而且之間係有相連關連互動
唯獨係一個女孩無樣睇，一個人默默地食薯仔
點解畫家要畫呢個對比嘅情況出黎
到底Van Gogh想係呢個位到話你知啲咩呢



係睇作品嘅時候，我地要成日諗下點解個畫家要咁安排呢
佢用意係咩呢
對於佢黎講，呢隻色呢件物品呢個構圖係代表咩呢
經過了解畫家嘅脈絡後
你可以從中作出一啲合理嘅推測，再自己去解讀作品。


好似幅食薯者咁

先講正面四位農民先，我地左邊數起係(一)至(四)。
佢地之間係有相互關係，你可以睇到(二)隻手係吉緊薯仔，而眼係望緊(一)，呢到存在住一種關係，一種構圖上嘅帶動，佢可以令觀者視線從(二)嘅眼帶動去(一)嘅面容再到返(一)嘅手。



你可能會問睇畫咪睇畫囉，點解要有咁多野，我點睇你可以控制咩
我係鍾意左上到右下再右上睇到左下角咁打個大交叉比佢XXXX



當然可以，當刻意去意識呢件事去睇嘅時候，就唔存在咩帶動視點。
個重點係個"引導"，佢一定唔能夠控制你點睇，但佢會引導你
其實呢種係畫家刻意安排嘅動作
目的就係令觀者視線可以跟住畫家嘅安排去睇
可以跟安排順序去遊覽成幅作品，跟住順序去感受。

如果再入一層去睇，就係睇個畫家有無駕馭能力
係唔係四方八面都駕馭到
駕馭畫面嘅能力有無遍佈成張畫

有冇話幾時更新 唔想成日mon住

即到
今晚會出多篇，之後會出得密啲嘅
呢篇就會完左荷蘭時期
之後就到浪漫之城 ─ 巴黎 講佢第二個時期
絲打作日mon，我好感動

[現代藝術入門（一）ep.8] 淺談視線引導概念 並讀食薯者構圖 (下)

最後我講下我點睇食薯者
方便說明，我設定畫入面有樣嘅四位農民從左至右係ABCD



呢幅畫第一眼我會望左落去人物(B) ①到，主要係因為最近光源

但點解係人物(B)唔係人物(C)呢
因為人物(B)頭上有頂明度高嘅帽，所以視線自然會吸引去(B)而唔係(C)。
但你係呢一下其實累積左一種好奇感係人物(C)嘅面上
之後就會加強你停留係人物(C)嘅時間。

再由①去②，因為人物(B)嘅視線，直望去人物(A)。




②去③，呢到有兩種路線

第一係去佢兩個隻手到，因為佢地隻手同埋餐枱上薯仔嘅受光面
第二係②直接去④，然後枱上嘅③會係睇⑥嘅時候先再移動過去睇。
③去④，係基於②嘅視線，係②去④嘅一個途經地

而②去④嘅過程會比人物(C)再次吸引，所以你會係睇④之後立即睇⑤

睇④係一個極短嘅過程，你會一瞬間去睇⑤
了解過後會因為⑤嘅人物視線再返去睇人物(D) ④。


視線返去人物(D)個時，你會由上至下咁睇，所以會去⑥

⑥呢個位就睇到點解Van Gogh要畫人物(D)一隻手指向下
其實呢到係一個引導，引導你去向下向外，你會走去睇個女孩、茶壺。
而手指向下除左產生動勢之外
我會覺得隱約係說明農民對大地嘅情
佢地生活嘅一切都依靠住大地，當中表達到農民對大地有種嚴肅尊敬
亦都係Van Gogh 對信仰投射嘅感情。

⑥去⑦，⑦個位女孩形體係下闊上窄，所以個動勢係向上。
引導你去最上嘅空間⑧同⑨

呢到講一下呢位女孩嘅存在目的


係食薯者入面，只有佢係無正面，無動作
連佢係咪食緊薯仔你都無從考究
點解咁奇怪呢？
係Van Gogh 荷蘭時期入面，讚頌勞動者嘅作品系列，入面自命非凡之作
會出現一位非勞動者嘅人物兼且坐落係畫面正中央
非常奇怪

其實佢就係我地，亦都係Van Gogh 佢自己
呢個女孩嘅背影擋住我地
令我地只能夠安靜旁觀而不能干涉
去感受勞動階級帶比我地嘅所有
對佢地投射一種莊嚴同崇高嘅形象，同時又以同情嘅目光安靜咁凝視
而女孩呢個形象坐係到同農民一齊食薯仔
係帶出我地被農民照顧，食住佢地種出黎嘅野黎生存


返黎⑦去⑧同⑨

去⑧先都係因為佢有一個相對明亮嘅宗教畫框同掛牆鐘
然後就引導去埋剩低嘅⑨

最後係⑩，呢到放一個茶壺目的係填補右下嘅空位

你可以試諗下嗰個位如果空左，就會有一個奇怪嘅焦點，特別空洞。


⑩之後會好快咁去睇左下角，人物(A)嘅凳⑪



最後我放張示意圖
視線停留愈耐愈多紅色




經過咁多說明，了解到Van Gogh 嘅脈絡
比起一開始我放呢幅畫出黎個時
你依家再去睇返呢幅食薯者，會唔會有新嘅感受同睇法呢

睇佢呢種駕馭整幅畫嘅能力
睇佢係信仰上急切地救贖苦難而訴諸藝術嘅心情
睇佢對食薯者昇華到如同基督教入面嘅最後晚餐

呢種係藝術嘅一種美

The Potato Eaters, 1885 Van Gogh

講起視覺引導以前學場景構圖都學過下仲會有人研究視線停留係咩位

講起視覺引導以前學場景構圖都學過下仲會有人研究視線停留係咩位

仔細咁研究落去都係一門學問黎
好多名畫都有視覺引導，特別係以前啲宗教畫

講起視覺引導以前學場景構圖都學過下仲會有人研究視線停留係咩位

仔細咁研究落去都係一門學問黎
好多名畫都有視覺引導，特別係以前啲宗教畫

咁巴打之後會唔會講埋宗教畫???

如果講既話會講邊個??