[賞識藝術入門 ( 一 ) ] 每個成功嘅男人背後都有一個男人支持

樓主，好多2017dse fighter 等緊你教
btw，真心尊敬樓主既無私精神

巴打會唔會講下音樂

唔會詳細咁講嘅，未來可能會開Post分享下自己鍾意嘅歌、歌手，評論下咁
不過都無咁快，到時記得睇
btw，你上面講電繪手繪個到我遲啲覆你

如果講音樂支持呀
巴打鐘意啲咩歌

自己比較上多聽 迷野、數搖、民謠個類
超鐘意呢幾隻碟
宋冬野 - 安和橋北
We Lost The Sea - Departure Songs
草東沒有派對 - 醜奴兒
MUSE嘅所有
日本嘅 Toe、Toconoma、坂本龍一都好鐘意

講起視覺引導以前學場景構圖都學過下仲會有人研究視線停留係咩位

仔細咁研究落去都係一門學問黎
好多名畫都有視覺引導，特別係以前啲宗教畫

咁巴打之後會唔會講埋宗教畫???

如果講既話會講邊個??

我估應該都係講文藝復興時期果啲畫？

未來可能會抽一啲單件作品講
主要係文藝復興時期，因為個時嘅畫好多隱喻
但有可能係電影漫畫等，未決定嘅

巴打開咁多個post 做唔做得切阿

多謝巴打關心
我會盡力出架啦，持之以恆咁搞
一定會出得哂嘅
有時出得慢左請各位多多體諒

巴打加油!

多謝巴打

巴打，唔係想催你⋯但係就嚟art central同art basel
不如你集中火力教咗點賞識藝術先啦
等我可以學以致用

可以嘅，其實我一路都係Van Gogh生平入面帶住少少賞識教咁講
特別係最近個兩篇講嘅畫面駕馭能力，好重要

尤其是你去睇art central同art basel呢頪大型藝術活動
入面有好多你唔了解嘅藝術家同作品
你唔能夠一一去了解佢地嘅脈絡，
要用經驗去睇佢嘅駕馭能力，再從作品名了解一下作品想表達嘅意思

不過我嘅做法都係隨心，感覺行頭，當你係眾生雲雲入面
你會見到幾幅你特別有感覺，咁你就要停低慢慢仔細睇
你點解覺得佢靚，邊個位咁吸引你，要不斷去問自己

樓主，好多2017dse fighter 等緊你教
btw，真心尊敬樓主既無私精神

多謝巴打支持
DSE可以去睇埋我講嘅古典文學同古代思想
尤其係考試前會係思想到講埋荀子勸學篇
係閱讀理解第一部份好大機會出架

The Potato Eaters, 1885 Van Gogh

巴打咁講幅畫真係令人印象好深,
之前完全唔知可以咁睇!
而家再睇返覺得好正,
同埋超欣賞VG整個小女孩出黎,
真係神來之筆![/quote]
係架，所以要成日問點解畫家要咁安排呢
有咩意義呢，點解要女孩而唔係男士唔係老人家呢
當自己去品味到作品入面嘅呢種味道係樂趣黎

樓主，好多2017dse fighter 等緊你教
btw，真心尊敬樓主既無私精神

多謝巴打支持
DSE可以去睇埋我講嘅古典文學同古代思想
尤其係考試前會係思想到講埋荀子勸學篇
係閱讀理解第一部份好大機會出架

http://deliver90.blogspot.tw/
直接入去睇可能會快少少

巴打真係堅
畫家我有好多個都好鐘意 梵高嘅性情我覺得最可以靠近
巴打有講陶淵明 我就諗起梵高生命裡嘅西嬿
普遍咁講 妓女同藝術家 係唔同時代 就算係今時今日 都有一種超越咗社會角色定位嘅曖昧
期待巴打介紹同講解更多

蔣勳講藝術嘅書好好睇 如果想理解梵高多小小 梵高傳外 同埋梵高嘅書信都有幫助

都係嘅，不過可以靠近但好難去理解
先唔講佢家族遺傳嘅精神疾病
仲有佢個顆信仰嘅心，可以去到咁盡真係非常人可理解
西嬿係好顯示到佢想救贖苦難嘅心，同有人講過佢好想要一個家庭

係，呢兩種職業都好體現到當時時代嘅環境，彈性而多變
有種同未來時代相連嘅感覺，的確係超越社會角色定位

蔣勳講藝術會令人代入感好強，而且佢好多感情上嘅描寫，都幾好入門
我呢次都有參考佢本 破解梵谷

唔加女仔畫面就太光，空間感少左

加左之後成張畫佈局會有翻平衡感

佢本身透視功底唔好，就用剪影塑造空間前後

畫平民畫舊區內容唔可以空泛
從畫家創作角度黎講，添加人/物係最好選擇

其實畫開畫都知，好多時細節野都係鳩畫

岩情境又唔係太影響整體效果就得

順帶一提加質感加顏色加雜訊加發光體加效果都係好方法

圖案呀自由線都好常用

連藝術都講埋
入黎支持下
不過藝術品可以有咩種類？繪畫、雕塑、音樂.....？

留名學野

巴打咩都識

係，痴線

睇佢呢種駕馭整幅畫嘅能力
睇佢係信仰上急切地救贖苦難而訴諸藝術嘅心情
睇佢對食薯者昇華到如同基督教入面嘅最後晚餐

呢種係藝術嘅一種美

The Potato Eaters, 1885 Van Gogh

未正式學過藝術鑑賞, 諗唔到睇幅畫本身都可以咁複雜
不過我對呢幅畫嘅視線引導又有另一種睇法

我認同前面個女仔(女人)係用嚟俾觀眾代入, 但佢應該都係其中一個勞動者 (之前post過嗰幾幅肖像畫, 其中一幅嘅農婦都係著住差唔多嘅闊裙)

至於點解要將個女人畫正响中間? 我認為係用嚟遮住張枱, 俾你睇到草根階層嘅飲食之餘, 又唔會令視線停留太耐 (通常人睇嘢會首先留意中心點同最光最多細節嘅地方, 試想像個女人唔見咗, 張枱同啲餸=幅畫中心=盞燈底下最光最清楚嘅部份)
仲有留意個女人嘅高度同顏色, 啱啱低過四個人塊面少少, 一大塊黑色同其餘四個人(塊面受光, 清楚睇到眼耳口鼻)產生強烈對比

呢幾個安排令你嘅目光更加集中喺嗰四個農民嘅神態, 表情, 視線同動作, 正係梵高想大家睇見嘅事物

行遠少少睇幅畫嘅佈局, 中心最多細節位, 四個人頭隔離幅牆少啲細節, 到四個角落細節又多返啲
相對乾淨嘅牆面區隔開中心嗰堆人同四個角落, 而角落嘅雜物喺用嚟平衡返幅牆嘅空白 (即係巴打所講嘅填補空洞)
角落頭昏暗之餘亦都擺咗唔少雜物, 營造一種擠迫感, 帶出草根階層居住空間狹隘, 燈光不足嘅貧困生活環境

覆完又諗到多啲嘢

點解個女人會特別細粒?
個女人細咗顯得左右嘅人特別大, 好似embrace緊坐中間嘅佢, 表現出個女人喺佢哋嘅一員
但係碟薯仔嘅熱氣圍住個女人, 隱約隔開咗佢同其他人,令個女人唔會完全同幅畫融為一體, 但又唔似觀畫者咁企喺畫框外冷眼觀察班農民嘅生活
呢種介乎喺畫入面同畫出面嘅狀態就好似一道橋樑咁, 邀請睇幅畫嘅人變成(代入)個女人同啲農民坐埋一枱感受佢哋之間嘅交流

絲打講得好合理呀，佢營造出個種擠迫感，好能夠體現到草根階層嘅生活狀態
特別係你講嘅空間狹隘, 燈光不足

好欣賞絲打睇得咁用心，不斷問自己幅畫點睇，畫家有咩用意
藝術存在多向詮釋，只要係根據作品本身嘅脈絡結構去做合理嘅詮釋就可以
你講嘅都係其中一種睇法，我都覺得佢有一種邀請觀者進入嘅意味，女孩係橋樑，而蒸氣確實有效再加強女孩特別嘅定位

我會覺得呢到係分兩層
Van Gogh 已經進入呢個環境，佢係個女孩，靜觀農民生活百態，
而我地係觀畫者，觀察畫中嘅人物再從女孩身上去睇農民
所以分開兩層咁觀察同進入，
先從畫面感受Van Gogh 所畫嘅農民生活，
進一步從女孩(Van Gogh)嘅角度睇農民，
而要行到呢步就要了解脈絡結構，先可以感受到女孩(Van Gogh) 睇農民嘅真實感情

連藝術都講埋
入黎支持下
不過藝術品可以有咩種類？繪畫、雕塑、音樂.....？

你講個啲都係，音樂電影舞台戲呢類就稱為表演藝術
另外文學、設計都係可以話係其中一類

唔加女仔畫面就太光，空間感少左

加左之後成張畫佈局會有翻平衡感

佢本身透視功底唔好，就用剪影塑造空間前後

其實重點唔係無左個女仔呢舊野會出現咩問題
而係去留意點解佢用呢個角色同呢個手法去表達

的確佢基本功唔係好好，不過佢嘅風格取向就唔會太大影響

唔加女仔畫面就太光，空間感少左

加左之後成張畫佈局會有翻平衡感

佢本身透視功底唔好，就用剪影塑造空間前後

其實重點唔係無左個女仔呢舊野會出現咩問題
而係去留意點解佢用呢個角色同呢個手法去表達

的確佢基本功唔係好好，不過佢嘅風格取向就唔會太大影響

巴打有冇畫開畫

留名學野

多謝巴打支持