[賞識藝術入門 ( 一 ) ] 每個成功嘅男人背後都有一個男人支持

我有keep住睇架

我有keep住睇架

多謝絲打，有你地睇係我出嘅Post動力呀

之前有人話我聽梵谷佢啲畫一點點係因為佢隻手有事，所以畫到一點點。
我仲信以為真

邊個昆你咁衰
如果話因為精神病都可信啲

原來印象派有咁多個分別
又新印象又後印象
咁之後仲有無出其他印象嘅派

係
主要係因為三個派嘅關係太近，
同埋佢地都係從上一個派衍生出黎

只係得呢三個，未來可能有人再加上去都唔定

自推吓先

自推吓先

會唔會講下抽象藝術

lm

自推吓先

會唔會講下抽象藝術

會呀，始終現代藝術有好大部分係抽象藝術

lm

多謝巴打留名支持

LM 遲d追post
最鍾意超現實主義 希望有

上面有一part 我打錯左

而蔣勳書中講到
印象派唔淨止係一種技巧，而係包含工業化城市化以後嘅中產階級對未來生活嘅美麗憧憬嘅歌頌
佢咁講主要係因為印象派畫家嘅畫畫對象選材
雷諾瓦(Pierre-Auguste Renoir)畫嘅都係衣著講究嘅紳士淑女嘅生活娛樂，反映出巴黎中產階級嘅優雅教養同時尚之美

Ball at the Moulin de la Galette,1876 Pierre-Auguste Renoir

莫奈(Monet)畫嘅係一種初期中產階級愉悅同幸福嘅事，好似火車，海邊渡假城市入面嘅中產階級

La Grenouillere, 1869 Claude Monet
呢一點影響到日後對抗主流對抗城市化嘅後印象派形成
技法上就住催生左點描嘅新印象派


係後印象派，唔係新印象派
後印象係梵谷個派
新印象係秀拉 Georges Seurat 點描個派

LM 遲d追post
最鍾意超現實主義 希望有

多謝絲打留名
超現實主義如果有話題講到可以講下
不過就未必會開一個新post講

輕輕一推，要慢慢追返晒d post

輕輕一推，要慢慢追返晒d post

係呀!
三邊都出得咁快!

無得再快架啦

巴打啱啱今日去完art central同art basel兩個展
展入面好多都係contemporary art，好多都無巴打之前分享既視線引導之類既劃圖！
咁依d除咗第一眼覺得佢果種"美" 之外仲可以點睇？
感覺上佢地無梵谷果個時期既畫咁有訊息帶出，可觀性好似減好多。

我都有去呀，好多都係裝置藝術，
靚又唔係好靚，對住佢地我又無咩感覺
不過有幾幅抽象好深印象，好靚

輕輕一推，要慢慢追返晒d post

好易姐，出得咁慢

[現代藝術入門（一）ep.10] 了解新印象派背景 並讀梵谷畫風轉變的起因與意義

梵谷(Van Gogh)咁多作品都一點點，一條條咁
點解佢要咁畫呢，又係咩驅使佢由食薯者嘅灰沉變化到咁大呢

好多時候大家見到梵谷嘅作品都已經係晚年嘅作品
畫風成熟有個性
但你有無諗過佢點先去到呢一步
而今次講嘅就係影響佢筆法嘅一大派別-新印象派，亦都叫做點描派


呢一個派別係黎自印象派對色彩光影嘅研究而衍生出黎
大家睇上一集都知道印象派嘅重點在於光影變化
莫奈講過最光亮同最陰暗嘅地方都係由唔同層次唔同顏色嘅純色構成
而新印象派就係將呢點推到極致

先講下梵谷點解會同呢個派別扯上關係
1886年係梵谷去巴黎嘅年份，亦都係新印象派掘起之年
當時有一個極具慧眼嘅藝評家見到
秀拉(Seurat)、席涅克(Signac)、畢沙羅(Pisarro)嘅點描技法出現
宣稱前印象派已經結束，仲幫佢地起左個名叫新印象派。

而新印象派亦唔淨止係指技法
亦都係表示一班活動係蒙馬特區(Montmartre)嘅畫家
而當時梵谷就係住蒙馬特區
好理所當然咁佢同班畫家做左好朋友，而當中最老友嘅就係畢沙羅
畢沙羅就係最影響到梵谷筆法嘅畫家

我講下新印象派其中兩個畫家
秀拉(Seurat)
佢係點描技法嘅始創人，佢將印象派入面嘅色彩理論運用到淋漓盡致
以極其細膩嘅點描，以科學方式充分表現光影微妙嘅變化
佢為左保住顏色原有嘅純度同光采，
以科學嘅色光理論方式去分析色彩，就好似綠色係由黄同藍組合而成
所以佢係深綠嘅位加好多藍黃橙白，用意畫出真正嘅大自然色彩


Sunday Afternoon on the Island of la Grande Jatte,1886 Georges-Pierre Seurat
呢一幅係佢比較多人認識嘅作品
你可以睇到佢嘅畫法就好似螢幕嘅顯示方式咁，用無數嘅色點交疊去表現明暗深淺
色彩被分解，就好似佢搵到色彩最本質嘅元素，再用科學嘅方式重新組合排列


你仔細睇畫入面嘅陰影位，佢並唔係全部用明度低嘅顏色去表達陰影
而係係深綠入面用大量彩度高嘅藍、橙去做一個輔助
你遠睇會有一個錯覺，非常自然流暢




呢張可以見到佢點畫一個企係陰影位嘅男人嘅手
佢都係用左大量嘅藍色同深红色去點，再加粉红去平衡手嘅肉色


呢位女士嘅面部一樣，近睇根本係好奇怪，成塊面有一半都係藍色




而係陰影嘅地方，佢會相反地用橙色去幫佢做光啲



秀拉嘅畫真係好癲，有人數過佢呢幅畫有成300幾萬粒點
係落筆之前又畫左無數咁多張素描同寫生去決定構圖同用色
到落筆又再用左一年時間去點點點點點
而且當時佢係根據色彩科學去研究出呢一種畫法，實行出黎成為自已嘅風格，
佢嘅作品完全表現出科學性同創造力，以科學同客觀嘅手法去創作，顯示出佢嚴肅認真嘅態度，


好可惜嘅係佢終年31歲，係後期嘅作品可以睇出佢準備再爆發多次，我真係覺得好可惜

呢到我放佢張畫嘅超高清Link ，非常建議大家下載落黎慢慢睇
睇好耐都仲有好多野睇，真係好值得下載落黎睇
(你開條Link會Load好耐，因為佢解象度太太太高，所以直接下載啦 )
https://upload.wikimedia.org/wikipedia/commons/b/b7/Georges_Seurat_-_A_Sunday_on_La_Grande_Jatte_--_1884_-_Google_Art_Project.jpg
呢幅畫原本大細係207.6 cm × 308 cm

再比個任務你去搵下圖入面嘅人係張畫邊到

而第二位要講嘅係
畢沙羅(Pisarro)

佢係梵谷係巴黎時最好嘅朋友，佢同秀拉嘅點描有少少唔同
畢沙羅係用短促細小嘅筆觸去表達印象派嘅光影色彩關係
用橫排、斜排嘅畫法，形成光點係色彩之間流動嘅感覺
呢一種實驗係莫奈嘅畫入面就有類似嘅嘗試

莫奈係試驗同一個場景係唔同時分有唔同嘅光影效果



你可以見到畢沙羅嘅畫好多主題都係農村田園，
係因為畢沙羅係一個無政府主義者
不過畫入面無濃烈嘅火藥味，而係有對小農社會嘅一份深情眷戀
呢種畫法帶住抒情嘅田園意味，平實而有內涵



梵谷經過係點描技法上面嘅學習，佢開始用呢種方式去畫

佢畫好多風景，用呢一種點描去表達田園、大自然
而係呢個時期開始，黃色令佢特別著迷，影響到日後好多畫作


有學者特別指出一點係，呢個時期嘅梵谷好多風景畫原來並唔純然係風景
而係批判工業化、城市化迫害掠奪小農土地，係呢種思想背景下嘅作品
梵谷嘅畫風轉變中隱含對社會轉型嘅焦慮， 呢一點係畢沙羅嘅理念影響到梵谷。



上一集有提過，莫奈、雷諾瓦呢一班印象派就完全唔同
佢地對工業化城市化係表現出歡喜興奮，認為係進步係現代化，全面嘅讚頌

但畢沙羅、梵谷同佢地相反，反而係憂慮工業化對農村嘅影響
你會見到好多畫面前景安排好大片荒地，後景都係出煙嘅煙囪、工廠

呢種完全無莫奈佢地歌頌工業化嘅感情，而係一種對工業化嘅反思，並唔係全然接受工業嘅改變

呢種感情產生好大原因在於梵谷以前對勞動階層嘅關心
而另一點係在於佢黎到巴黎住嘅蒙馬特區
蒙馬特區係一個巴黎以北嘅地方
位於巴黎邊緣，係一個龍蛇混雜嘅地方
大多數初到巴黎嘅勞工都係聚集係呢一區，生活費比較平
所以一班未成名嘅畫家都以蒙馬特區做據點 (未來畢卡索都係呢到住過架 )
所以梵谷係呢個窮困但充滿夢想嘅社區，又再次感受到生命
再一次要用繪畫去救贖農村社區

唔知有冇人貼過
Google Arts&Culture 呢個網頁都好多野睇
https://www.google.com/culturalinstitute/beta/u/0/