有無人有復合既故事 （2）

引用唔曬，一次過回應上面
利申：我都斷聯緊，未成功復合，一切只係理論


愛情時光機：我都睇左MAX好多片，條條佢都叫你買，我就冇買

接放工：唔好，你認為接放工可以幫到d咩？佢愛你就梗係想你接，唔愛你你去接只會令佢討厭

斷聯十日：太短，冇用

斷聯有幾個目的：
1.令佢減低對你既負面印象
2.令佢放大返你既優點
3.比時間你去改

仲有，話驚唔搵佢就會搵第2個個d說法，留意返分左手，佢要搵第2個既話，你認為就咁搵佢你就阻止到？你咩身分？

佢同我講係因為對我既感覺好淡，好似冇左愛情咁，所以分開，想做返朋友。
我比返d 野佢個日都有同佢食lunch,佢又唔係話好冷淡，但唔好同佢講復合囉，佢好反感，佢唔想講呢個問題，佢叫我比d 時間佢認清自己既感覺。
但我好清楚佢個性格，佢講左分開就一定要分，佢好有原則同好堅持，所以我都諗住係呢段時間唔煩佢，比佢多d 空間，我都會做返應承過佢既野，等我覺得自己做到佢之前講過既野之後，我會慢慢試下搵佢。

做緊既野同反應完全一模一樣
唯有聽天由命 同時做好自己

我覺得max流流地 唔知點解
但某d片好有用
咩種子信就流流地

最重要係做好自己，我應承佢減肥，我一定會減到，我應承過佢要換工，我都一定會做到。
雖然呢段時間好難捱，但我為左同佢既將來我會努力，就算以後，我地真係唔會一齊返，我都唔會後悔。

咁唸就非常正確 因為你在提升緊自己

你咁簡單好易做啦
我3月中分手 73kg
而家61kg

但我要改既唔係減肥
而係
1.性格
呢點唔難
2.轉工
而家個份搵好少，但我in左5份都冇請⋯黎緊仲有幾份
3.身體問題
一直身體有個非致命性既病，嚴重影響外觀，睇左7年醫生，冇得斷尾，仲愈黎愈嚴重，黎緊有資格可以打針（係呀，跟政府你要惡化先比資格你打針，一年十幾萬），7月先打針，未知結果

你話對比起我，你要改既野係咪易好多？

我個情況係分手前兩個月已經feel到
所以我嗰期不停咁喺度睇書學習
但係都冇見過，分手都係電話講
因為穿越左好多日，如果見到佢可以同佢傾下我當時分手時想講嘅嘢
本來2星期前想破冰，但我開始講嘅時候佢直接講分手
之後我冇死纏爛打，我接受同意佢做法
所以之後都係唔會見到，我而家諗方法係放工時候見到佢我再打俾佢 ，都話我係你附近，你可以選擇見我或者自己上車走，，睇心理書話女人比選擇權佢，俾佢一種感覺係尊重緊佢。如果佢唔肯見我，咁就再斷多一排 ，
巴打呢個做法得唔得

都係，但我都要轉工，我都in 左3份都冇回音

仲有，之前應承左佢會買車，一有時間就會車佢放工放學，依家車就買左，但都未有機會可以車佢

我唔係專家，我亦都唔知你哋過往嘅情況
或者我講下我自己想法俾你聽
我分手第2日已經想去佢屋企搵佢
但係最後我都冇咁做到
原因就係對方討厭你嗰陣，你做乜嘢都係錯
同埋點解我而家唔搵佢，就係我驚做錯一步影響到之後既結果
所以我好多次都忍手唔搵佢住

轉工嘅難度，我相信好多人都明白
共勉之⋯

同埋我揸車搵佢。理論上係好快返到去 。
但係學你話齋,行錯一步可能就玩完

我係佢，如果要上你車我就唔會上
點知你會對我做d咩？
除非係肯定佢仲好愛你

利申:紅巴

我同佢係大學同學 仲讀大學果陣一齊住hall 真係日日見好sweet

出黎做野之後 頭2年都仲會keep住一齊食早餐先返工
唉 仲係好sweet架 果陣我地仲話其他fd一grad冇耐就散 我地竟然keep到日日見

但之後拍耐左 開始會傾下未來 我先知原來佢好抗拒結婚
佢唔鍾意做主角同搞大龍鳳
我份人其實好就得人 佢話唔結咪唔結 我心諗遲d我地都會一齊住架啦 所以我都冇再chur佢

到呢一年 cls佢真係日日都朝8晚12 因為佢老闆好fbrb我可以2個禮拜先見到佢食早餐果15分鐘
佢仲要chur到d態度完全變晒
問佢呢排點? 都係咁啦
食完早餐 咁我走先

你地明唔明? 你識左6年嘅人可以轉變咁大係好恐怖同心痛
宜家諗番轉頭 如果可以早d搬出黎住 起碼我夜晚仲可以冧下佢

琴日臨分手果日 佢甩開左我想拖佢隻手 全程都冇同我講過野 之後whatsapp同我講佢呢排都好辛苦好忙 冇時間理我 想分開下 唔想我日日都等佢

屌 我真係好灰 原來最後我係輸比一份工
(我都幾信佢比帽我戴) 所以我真係好想等佢忙完番黎
求屌醒

啱啱一齊嗰陣 我有抑鬱 但男朋友同我自己當時都唔知
我心情差嘅時候佢唔會氹我
話我唔成熟 少少野就發脾氣
仲會態度好差
嗰陣大家都好辛苦 所以和平提出分手
但之後我一個人真係頂唔順個份心理壓力
同埋覺得好唔忿氣
所以同佢講一齊翻
佢亦願意去大家一齊解決問題

依家我地就黎一年
大家一路幫助緊大家成長
好開心 好愛對方
希望可以嫁比佢

巴打，大家唔熟我先講個真話俾你聽
我知一定唔啱聽嘅，但係我講嘅嘢亦都好明顯係事實
同你分咗手之後同一個男仔拖手
冇拍拖？
唔好再幫佢搵藉口，唔好再幫佢搵理由
唔好再自己呃自己
我都想每個人可以成功復合
但係佢背叛左你就真係背叛左你
重點係佢仲要唔認

唉 多謝巴打你
其實上得黎呻真係為左想俾人屌醒
自己都有叫自己唔好亂諗野

我明白啊，我都有個女仔朋友早過我分手
好彩嘅係好多時間佢可以同我講，我又可以同佢講
通常我哋最容易犯錯就係一時衝動想做嘅嘢
呢個時候我哋就會同大家講咗先，通常對方都會阻止
咁樣可以避免自己做錯事
所以我明白有陣時一個想法覺得自己好有機會
但係其實事實，或者客觀黎講真係唔係咁樣
我完全明白胡思亂想係好難控制
有陣時我或者佢都好易胡思亂想
都係靠對方叫自己唔好亂胡思亂想
因為絕大部份嘅胡思亂想我哋都係諗多咗⋯
所以盡可能唔諗好過諗
當然，要唔諗真係好難嘅，我相信好多人都明白，我自己都唔係完全做得到
所以有陣時你控制住真係唔係你嘅錯
不過都係果句啦，我都未成功嘅

平時收工都話可以出下街
但一返到去就會自己一個亂諗野
唉

Btw 有無諗過開始段新戀情？

我反而想佢唔理我
唉

最初當然有諗過
唔需要否認
但你好快就發覺未move on
我同身邊朋友講
「就算而家有個真心愛我、又後生又大波又靚又有錢又A0又處女話想同我一齊，我都唔會！」
點解？因為自己根本未放底前一個
自己呃唔到自己
呢樣就係愛，愛可以超越一切
就算你夾硬同人一齊，你個心都會掛住佢（個人而異，至少我係咁，唔可以一概而論）
對新對像根本唔公平，只係當佢水泡
所以點解我咁大決心，做咁多嘢都係為咗將復合嘅機會率提到最大
我亦都有同自己講，幾時一定要放棄呢，就係佢同其他人發展新戀情嗰陣，到時就冇得我唔放棄
所以，以下嘅說話的確好殘酷，但係如果我遇到你嘅情況，見到自己前女朋友同第二個拖手，我就一定會放棄唔會諗復合