輪椅玫瑰
2019-06-28 10:37:43
第一次?
我第一次分手果時為左個女仔等左3年 最終咩都冇
果時中六升u, 又要手術, 返pt, 新環境, 新圈子 , 學業好多野要兼顧,果時複合變左我嘅精神動力
點知傻下傻下3年過左,放棄左身邊好多野。
今次分手,我同自己講 life is not a movie, 生命冇咁多時浪費係等待果度。如果有緣, 點都會再見。不過再見嘅時候 你想唔想自己仲係果個冇進步過嘅自己?
深情係好浪漫,同時好浪費。呢樣嘢我用左3年先明白。學王祖藍一句:
「如果你今天只看我一個男生,然後你覺得我好,那是因為你沒有選擇,如果你到外面,你再去碰碰,你再去看看,如果將來你真的看到其他男生,你 還是覺得我好,那才是你真正的選擇。」
你依家可以做嘅只有比返對方自由 再好好放手,改變自己,提升自己 先可以同其他人競爭。
如果係對方唔再愛你/出軌,其實你冇必要blame自己。因為你冇呢個責任去改變一個人 愛情係相向嘅,佢放得手 就要準備好承擔失去高價值嘅你嘅後果。
PS 我今年grad啦 又要再重復面對中六嘅挑戰,我都唔知之後會點。不過我起碼會好好果過每一日,咁對ex對下一任 最成熟嘅表現。共勵之