有無人有復合既故事 （2）

分左手一年，呢一年入面佢每三四個月就會搵返我一次 問我過成點 然後就冇下文
利申絲 仲好掛住佢

邊個提出？因咩事分手？

理性啲抽離下咁諗
人地都係要開心
同自己一齊唔開心，同其他人一齊開心
咁仲會唔會想返轉頭？

係咪零機會就唔等？
你真係愛佢既話唔係睇仲有冇機會同佢一齊
唔係話有機會就繼續愛佢 冇機會就唔愛佢搵過另一個
如果你係睇有冇機會再同番佢一齊既話我勸你而家死心先好啲
如果唔係就算比你等到佢你都唔會識得珍惜佢

I would feel the same

一齊2年半離離合合過幾次
去到今次我開始覺得攰
特別呢排又要遊行又要發夢 唔想理感情住
其實係個陣我發脾氣 然後嗌交 佢話分開下先 出奇地今次我無死lur 但佢又主動搵返我
我唔知點好 呢排身心都攰 唔想理感情住

其實回望翻大家，都好似見到自己咁
不過「算啦」，呢家可能唔明，但遲啲大家都會明
我都鐘意會掛住，但已經唔可以日日掛係口邊，我都做錯好多野，期望過
但係，人地唔想既時候，自己都要抽離啲，唔好咁專注呢個人

等還等 一定唔可以原地踏步
等嘅同時 可以做好多嘢 學其他新嘢
唔好浪費時間

畀對方block 晒所以可以聯絡嘅渠道係咪代表要死心...?但因為仲係同一地方工作會見到，都知道就算等佢一齊走都係會畀佢鬧走，唉

有冇試過約下佢見？

一直唔明
明明對方做錯事 我講分手斷聯 大家完全無聯絡
三個月後發現佢unfo哂所有野
究竟係咩心態....

有時會撞到佢
都係同佢吹水咁 好似朋友咁相處 但如果我打電話/wtsapp就比佢hea覆

有冇人係好似我咁 自己提分手
但後來後悔先搵返ex
但對方已經話move on左
其實已經係上年9月散
一開始ex都有搵下我傾下計咁
每次我都有覆佢 但可能係關係唔同左
大家既對話已經變到唔知可以講咩咁
有約過我 但我當時考試加返工
我冇拒絕佢 話等我考完遲D先
但佢就以為我唔想
慢慢佢去到12月之後就冇再搵我..
其實一直都仲好在意佢 但又唔敢搵佢
去到今年3月份終於下決心問下佢過成點
後來傾傾下 佢話慢慢已經放低左我
個刻崩潰到想死。。。然後試過死chur 冇用
後來只係當佢普通朋友咁傾下計
但永遠都係傾得幾句就冇再覆
上個月突然有一晚問我訓左未 係我搵返佢咁耐
第一次佢主動搵我 個晚傾左2個鐘電話
傾計係冇乜內容 但氣氛有小小曖味
個晚好開心 以為有轉機
但果然希望越大失望越大
只係維持左一晚 之後又繼續冷淡打回原形
上星期有試過估起勇氣約佢睇戲
有問我想睇咩 但問佢幾時得閒睇
又答未知........
因為我同佢係玩game識
分左手都冇再點玩個game
係我最近無聊再上返去玩2場
之前一上發現佢都冇解情 都叫做有d安慰
但琴晚一上去發現佢突然解左。。。。
我忍唔住又開始爆發
個種感受真係好似插左你幾十刀都死唔去咁

然後whatsapp再問佢「我仲有冇機會見到你」
Ok其實我都估到唔會覆我
而家我開埋新ig 希望自己唔好再偷偷留意佢一舉一動



其實我都係好唔捨得佢....真係好唔想放棄
但我都唔想再喊 唔想晚晚等到半夜睇下佢會唔會突然搵我 真係好痛苦
都唔想次次做主動得黎只係hea回
所以希望我可以忍得住
因為呢幾個月黎不停del佢電話又再加返 我已經識背佢電話。。。。。
希望有一日佢真係會諗起我 再搵返我

如果知道佢分開左之後去啲淫亂party 你地會點 係咪唔應該等 ？

利申 絲 分左手三個月

嗰陣因咩事嗌分手？