有無人有復合既故事 （2）

最難接受就係驚佢唔想一齊，成日亂諗，啲情緒就出黎

有無人Long D分手復合到？

你地通常斷聯幾耐先搵對方？ 開場白有咩主題好講？

求教學 呢幾日先散 佢話對我冇feel 攰啦 我地冇可能再一齊架啦

Me too.
成長黎，唔好比呢樣野阻住你成長

都係啱啱散 對方已經釋懷仲祝福自己下一個會更好
做返朋友 雖然咩都未block 不過都冇咩希望架啦

好好向前 學佢咁講 如果有緣 之後成熟左 可能會再一齊呢 巴打們，唔好灰心 男人就要灑脫d 係你嘅 就係你嘅 唔係你嘅 強求都冇用
緣為冰 捉緊左 都會溶

分手半年有多，斷聯4-5個月左右，個心仍然好掛住佢。當初大家分手既原因主要係因為我太幼稚，感覺到其實佢當時仲對我有感覺，只係大家實在嘈太多次，性格不合而分開。其實仲等緊佢搵我，當然可能對方已經move on左，都希望佢搵到一個比我更加好既男仔。都奉勸各位巴打，過左去真係過左去，有d野係勉強唔到，最緊要自己活得要比之前好，好多人都曾經係愛情既傷痛走返出黎，你都可以做到

岩岩散對方咁快釋懷？

可能我對佢好差 慢慢慢慢咁淡 之後放低哂先講分手囉 佢講到好感恩咁又叫我對下個好d咁 仲唔係釋懷咩

你係點發現佢入你ig睇你野架？真心問

同女朋友拍左三年幾，本身星期五佢已經話想分開，但俾得拖到琴晚終於分開，佢話我太依賴佢，好似湊仔咁，想搵返個真正takecare到佢既人，不如分開下，跟住我覺得冇希望就同佢講：唔好分開下，不如分手算，做返朋友
之後佢打黎問我係邊，我話：「本來我係你鋪頭後樓梯（個陣打左成段野想箍煲sd左俾佢睇），之後你話不如真係分開下個陣我就走左（坐左兩個鐘），本來諗住你問我係邊個陣，我就即刻出現」，之後佢喊晒口話其實我都好唔捨得，我話真係一次機會都唔俾我？佢話不如我地由朋友重新開始過，最後我都話ok
但講真邊有咁易放得低，好驚愈搵佢佢愈反感，但又驚唔搵佢佢真係放低埋
唉，唔知點，仲諗住可以初戀白頭到老，不過睇晒啲wtsapp對話，原來佢呢三年幾黎一直都好辛苦，俾都就晒我，就佢就我，冇試過就佢
最後希望黎緊可以係到再分享到我地復合到結婚既故事

分手時我講好多挽留說話，佢已讀不回，我覺得無希望就move on
分手後第三個月，佢搵翻我，雖然未完全放低，但我已經有男朋友…係個一刻我覺得翻唔到轉頭
係分手後第六個月，我搵翻佢，我同佢都有男女朋友，但雙方都放唔低大家，但可惜覆水難收。宜家就似 無人止境