(精裝)實戰理論：曾經參加過Speed dating 30次以上，你問我答。

點解會咁㗎，照住鏡問自己
a0

其實除左呢D sp, 玩app, 仲有冇其他方法識到人，有時覺得呢D目的性太強。之前係外國有試過玩 meet up 既活動（係真係去行山果D，唔係 sd）都有識到FD。但係係香港未試過

學乜好，之前學過日文，一半男一半女，但大家都冇乜交流
有去工聯會學調酒班，又係咁。

我日文唔係係工聯會學。
但我前前後後都係工聯會上過4，5個 courses.
我覺得想識人就難D，好多班其實有一半係叔叔嬸嬸。
同埋進度好慢，不過真係幾平既，係未confirm自己係對呢樣野有興趣前可以去平平地試下。

唔係，都係坊間的日文語言學校，間間都差不多，廢事賣廣告

但學日文 chur 果D我見有D 一星期上3堂
果時一星期一堂已經有時D野背唔切（老了）

以前上過工聯會既人際關系班,
成班毒男腐女圍埋一齊玩遊戲同傾計,
落左堂仲要成班一齊食埋飯先至散水,
你可以當係平價speed dating咁玩

咁幾好wo...但又咁好成班都係後生仔女？？
之前去工聯會好多叔叔嬸嬸

我當年去果陣大家個年齡都係廿幾至四十幾,
個阿sir話平日既堂年齡會再低少少,
咁每次上堂就係個阿sir引導大家講多d野,
咁大家有傾有講就自然有好感,
以我所知都撮合左幾對同學

但係有個壞處就係果十幾堂都係同呢班同學一齊,
如果你唔岩玩就直接game over
要等下季再報名睇下好唔好彩喇