為免相同問題再答咁多次,而家將我的Speed Dating簡略地同大家分享
前Post : https://lih.kg/1142555
Speed Dating 的類型:
隻抽 : 一對一約對方食飯,大會會同你約時間地點。
群毆 : Table for 6 / 8 / 12
困獸鬥 : 12 to 20 男 vs 12 to 20 女,大多數係包埸食Tea/ 整餅 / Buffet / happy hours.
沙圈 : 50 – 100人以上的活動,參加者會好似走馬燈咁係個場用3-5分鐘向對方介紹自己。
邊間公司好:
收費:
普遍 Table for XX 就係先俾 Admin fee (range = $180 to 280 女有時貴過男仔)約會時飯錢另計(因為唔知道會叫幾豪)。
一對一(以e字頭為例):因為已經一早俾左會費,所以每一次約會都唔駛俾Admin fee,當然飯錢另計。
約會流程
隻抽 : (以e字頭為例) :
當雙方都確認可以約會的時候,配對公司只會做夾好時間就同你地book檯再通知你detail,約會當天配對公司不會派人來睇你地約會。你好似約朋友食飯咁,去到等對方來。約會流程,你唔會被規定可以食咩,唔會夾硬叫你食set. 你都係睇餐廳menu叫餸。亦都唔會有咩限時,你地傾得開心可以傾到餐廳趕你走。
(P.S. 如果約會當日放飛機,對方會罰停賽一個月(好似係)
群毆 :
Speed Dating公司會安排晒所有野,通知大家邊幾時去邊間餐廳,去到有一張長檯,男左一排,女右一排,speed dating都會派人(攪手)坐主席位。齊人大家會討論食咩野食好,攪手唔會參與食,全程佢只會飲同一杯水。攪手的職責都係做串連同埋叫參加者講幾句,成個晚飯大約食二個半至三個半小時。最後攪手會嗌埋單同叫大家籌期。
困獸鬥 :
Speed Dating公司會安排晒所有野,通知大家邊幾時去邊間party house / 樓上酒吧,去到Speed dating 會派人過來做睇場。以一個Happy Hours為例,每人事前已經俾左錢,所以去到會有一至兩杯Free drink,呢三個鐘大家就自由發揮向心儀的人盡量溝通。
拎電話:
好多Speed Dating公司會因應活動性質而家唔同做法,有公司會容許大家互相交換電話。有公司會將當晚的參加 Table for xx 的參加者電話send俾大家,有公司會開Whatapps Group,但有公司會以私人理由,要參加者事後問Speed dating公司拎對方電話 (請注意,Speed Dating會因對方沒有興趣理由而拒絕)
Q&A
1. 係唔係男仔一定要請食飯?
A: 如果係Table for XX 應該係AA制,但一對一男仔建議請心儀的女仔食飯,以表風度。如果對呢冇興趣的女仔,建議都係AA制。
2. 有交友Apps唔用要 Speed Dating?
A: 交友apps因為免費,所有有險驗雞 / 傳銷 / 微信狗
3. 點解有交友apps仲要比錢玩呢啲? 其實嗰啲app上面都好多正常人,只要你搵啲張icon正正常常嘅
A: 就等如你覺得去日本食魚生衛生定係去大灣區食魚生衛生?
4. 你點比較 Speed Dating vs 交友app 識人?
A: 冇得比較。你喜歡睇AV定係三級小說就可以令你扯旗。
5. Speed Dating 有冇媒?
A: Start up的一定有,run左好耐的公司應該冇乜,除非真係唔夠人,做媒好易認,第一係絕對唔怯場同埋carry晒成個氣氛 / 佢唔會對話題表態甚至冇回應。
6. 咩人多Speed Dating
A: 女的集中於係護士 / 教書,男的 IT / 工程。不過都唔係佔大多數,重有其他行業。
約會建議:
衣著:一對一同 / Table for XX
男 : 都係你去人地度飲的衫,恤衫 / polo,配長牛仔褲 / Unqlo休閒長褲
女 (個人喜好) : 長裙呀,平時返公的行政裝,唔好牛記笠記T-shirt 亦唔好著到Annual dinner
話題:
真係傾咩都得,唔好講政治 / 宗教 / 家庭。可以講下少少感情觀,同人傾偈時記得眼望對方,回應應該要簡潔有營養,最好可以有幽默同埋可以回應完人地都可以接下去。
熱門話題:飲食 / 旅行 / 神秘學 / 香港隱世地方 / IG成日彈出來多討論的話題
最重要係主動!唔好怕醜!
大家繼續吹水