以下綜合個人經驗小小分享
當然唔係人人受呢套 不過generally:
1. 去對方屋企 唔好淨係喱埋喺男友房
多啲engage對方家人 例如一齊喺廳傾下計
share下你地去左邊呀 有無特別事發生
多數父母都想了解自己粒仔多啲
但多數自己個仔都未必會講
而你其實可以做橋樑增進佢地溝通
2. 嘗試犧牲一啲週末拍拖時間
主動同男友一齊陪家人
唔好俾對方家人覺得個仔[有女朋友就冷落家人]
相信你男友都會欣賞你識大體
3. 唔好試圖改變對方屋企習慣
就算你無心 人地可能都覺得你係入侵者
4. 唔該有手尾 自己衫自己帶返去洗啦
尤其底衫褲等私人物品 請自己搞掂
5. 免得過最好唔好搞人廚房
多數呀媽都好唔like人搞佢廚房
6. 如果對方真係唔中意你 自己知進退擺位啦
最多咪返自己屋企 唔需要熱臉貼冷屎忽
work out唔到真係無必要勉強
有時未必係你少做咗啲咩 或者你做錯咗啲咩
人同人相處真係要人夾人
對方家人喜歡你 男友一定會更愛你
但對方家人唔喜歡你 你仲賴死唔走只會製造問題
有時唔去fix其實就係the best way to fix
共勉之