《長洲天黑黑，孩子請閉眼》

張日強屌你老母

《第十四章》

【1】
夜色漸漸籠罩。

思思和學弟學妹都離我而去，
剩我一人獨留帳蓬，
寂靜無聲的個人空間，讓我可以平靜地思考所有事情的脈絡。

太多的疑團和矛盾，我想不到，也連絡不到。
難道張日強他們一等人與狼人有關係嗎？
張日強為何要殺我又要救我？

難道他不殺我只是顧念這份友情？
還在嗎？

天黑的寧靜，有股山雨欲來之感，
亦莫名地感受步步進逼的危機。

是誰？

外面警覺踏草的聲音，令我精神一抖，迅速進入戒慎狀態。

狼人嗎？今晚在我身上留下血痕嗎？

「阿仁，係我呀。」
一道熟識的聲音讓我迅速放下警戒。

「思思？係妳？點解妳會返嚟。」我想衝出去見她，幾乎就行動了。
「唔好呀，你一出嚟，我就失去意識架喇。」思思提醒。
「思思，點解妳會返過嚟？」我再問，雖然只隔一紙帳蓬，但內外都太漆黑，我連思思的影子也看不見。

真的很想很想跟她回去原本的世界。

「阿仁……我……」思思欲哭的聲音，一反這兩日的冷峻和堅強。
「思思妳唔駛驚……我一定會救妳離開長洲……」我安慰著。
「阿仁……你都係放棄啦，不如你接受現實，一齊留喺呢個島到生活啦。」但思思居然說這種話。

這是什麼話？接受什麼的現實？

「思思，唔可能架，唔好講話我地無理由拋低香港嘅一切喺呢度生活，而且最大問題係……呢度有狼人呀，狼人遲早會將我哋都殺哂，究竟大家點可以生活喺呢種恐懼之下？」我回應。

「阿仁，你放心，只要你唔去搵狼人嘅身份，狼人係唔會傷害我哋架。」我聽不出思思此刻的語氣，究竟是一種不切實際的妄想，還是……她知道什麼事情？

不會傷害「我哋」？「我哋」是指誰和誰？

「點解妳咁講？」我問。
「阿仁，你聽我講，唔好再搵狼人。」思思真心誠意地說。
「……」

她不告訴我原因，我也不知該說什麼。

「阿仁……？」思思。

「思思，你叫我唔好去搵狼人，係咪因為擔心我？」我真心希望她說是。

「我只係想返返去以前咁，我好懷念同你開開心心嘅日子。」思思，她在感慨嗎？她的話是發自內心嗎？

「但前日妳仲想殺死我，我離開營地大堂嗰支箭係妳放？」我難過傷心地說，一想到我們的關係還處於撲朔迷離，我就感到非常……非常痛，比身上的傷還要痛。

思思是我認定一生的女孩。

「你知唔知道，呢半年你究竟做過啲乜？」思思語氣怫然變得冰冷。
不知，我不知道是什麼令愛情和友情都在腐爛變質。

「我唔想知，過去係過去，而家先係而家。」我略帶激動。

這一定是我不想知道的過去！正因為不想知道，我才會失憶！既然天都不想我知，妳就不要逆天吧！

「營地大堂裡面嘅畫面，你係咪已經見過？」思思。

營地大堂裡懸掛的十具屍體？死狀極端恐怖的程度，可令將來減肥也不必刻意扣喉。
張日強最初還欺騙是我自己的幻覺。

「係狼人做嘅？」我問。
「唔係。」
「咁……」我心一凜。

唔好……唔好講……唔好講出嚟。

「係你。」思思絕情地說。

一陣風輕輕吹拂樹林上的枝葉，沙沙的聲音填補了殘酷真相面前的沉默。

「我要講嘅就係咁多，阿仁，自從你失咗憶之後，我已經失去咗對你嘅殺意，因為你好似返返去以前最親愛嘅你，我落唔到手。」思思溫暖地說，但再次強調：「你唔好再搵狼人！」

「點解？唔通妳知道啲乜野？究竟仲有幾多野妳係未話我知？」

沒有回應，我再聽不見任何聲音。
她拋下疑問卻悄然走了。

我嘗試探頭出去，帳蓬外的確空無一人。

就在這時候，驚心動魄的狼嚎在黑色的樹林裡迴盪。

思思會不會有危險？如果她遇上狼……

「思思……」我細聲呼喊思思的名字，心裡徬惶焦急。
我擔心她有危險，雖然我明知道見到她，她便會失去意識，我還是想找到她，確保她的安全。

忽然，旁邊的草叢傳來窸窸窣窣的草動聲。
我沿聲音的方向而行，
一步一步……

眼前是一個人的背影。
是誰？背影的身型唔似係思思……

係……係……係邊個？
當在黑夜之中看見他震驚的回眸。

奇怪？一陣暈眩……

追到live

思思係狼人？

思思係狼人？

我睇完都諗緊,不過可能唔會咁簡單

文?

有冇文

文啊

《第十五章》

【1】
到我醒來的時候，我已經躺在思思的帳蓬裡。

「我話你！你留喺帳蓬就留喺帳蓬啦！做乜鬼周圍走呀！搞到我差啲俾狼人抓到都唔知發生咩事！」學弟無故地向我兇神惡煞，我卻睡眼惺忪，對他的惱怒渾然不解。

「乜我尋晚見到嘅係你咩？」我猜測究竟發生什麼事，但心裡卻想不明白。

「我唔知，係卦，我都唔肯定，不過你失去意識時我又失去意識，失去意識之前究竟係見到邊個係唔會記得架！不過好大機會係你囉！我失去意識之後走咗落山，而你竟然走咗去岸邊，好在我朝早返嚟時剛好見到你，先揹你返嚟呢度。」學弟埋怨。

「你真係我嘅好朋友。」我無知地搔搔頭。

奇怪，我原以為自己已經解除病毒，理應不受夜晚見人就暈的限制，但為何昨晚我同某人影對望後會失去意識，連我都一樣？

「林天仁？你尋日又話你自己唔受限制嘅？」學妹都為我感到奇怪。

「我都覺得奇怪，明明前晚我見到人嘅時候，我都無事架，點解尋晚會咁？」我沉思。

「前晚見到人？」學弟問。
「係，喺觀音廟裡面，我望住嗰啲被捆綁作誘利嘅人時，都無失去意識，又無暈低，又無感覺咩唔舒服。」我滿腦子問號。
「哇！咩被捆綁嘅人？你前晚做咩嚟？」學妹吃驚。

對，他們並不知道前晚我用過去六日被留下抓痕的人作誘利，讓我與狼人相見。

在我和學弟學妹的對話期間，思思若無其事地整理帳蓬裡的衣物，好像沒有聽見什麼大不了的事情。

「我唔知！總之你唔好連累我地，如果唔咪，我話之你知道解除病毒方法，我一定踢你走！殺咗你！」學弟惡狠狠地說。

但現在問題是，
如果我真的解除病毒了，
我昨晚又怎會失去意識？

一定有什麼出錯？

細心想一想，前晚和昨晚有何分別？

難道……
是殺人夜和血痕夜的分別？
為何？為何有此不同？

【2】
雖然我不願意接受令我同思思之間出現萬丈深淵之隔的過去，但我必須決心尋回。如果我不能掌握更多的脈絡，我會在這小島上死得好慘。

樹林裡原始的草葉之香，還有小溪潺潺的流水聲。
帳蓬外，只有我和思思。

「點解？你仲要去邊？張日強雖然放你一條生路，但唔代表下次會留情。」思思嚴肅地說。

「我無辦法唔搞清楚件事。」我簡單地回答。

「你嘅傷根本未好，而且你得一個，鬥唔過張日強佢哋咁多人。」思思情急地說。

我認真地望向思思，試探與孤惑地問：「思思，尋日插我一刀嘅人就只有張日強，妳點知其他人都一樣想害我？」我行前一步，逼問：「除咗張日強之外，佢哋全部都有古怪，妳都知道？」

「咁有咩咁出奇？佢哋全部都係一黨，好可能就係佢哋原本就要殺你，但唯獨張日強選擇放你一馬。」思思淡然地說，一點沒有被我套到。

「我已經有計劃，而且我要去嘅地方唔係山下。」我說。
「你想去邊？」思思緊張。
「妳就留喺度等我返嚟。」我微笑，撫摸她的髮絲。

「如果你有咩計劃，我可以幫你。」思思輕輕地攬住我，讓我感到久違了的幸褔。

這使我忘記應有的詫異，忍不住在這幽幽的林中跟她接吻。
但，不是現在。

我輕輕推開她，說：「我會搵返以前失去嘅幸褔俾妳。」

【3】
如果硬將所有脈絡加上我的想像和推測串連一起，
這會是一個極度可怕的真相。
而我幾乎可以篤定，這是一場真實版的狼人遊戲。

我昨日受傷昏迷時，依稀記得造了一個夢，夢裡正正就是入Camp的第一晚，我與張日強以及白痴仔、阿奇、陳天南、陸心儀、肥波、神婆琳、肥婆喬、基佬傑、還有思思，正圍坐地上進行一場紙牌遊戲，遊戲的名稱正是狼人。
但那晚是如何玩、何人玩、過程如何，我通通都忘記……
然而，強烈的直覺令我肯定那晚所發生的事正是所有事情的原點。

所以我決定回去原點，營地。

營地裡的設施並沒有走樣，只是因為長久被冷落而變得氣氛寂廖。我在一所所渡假屋中間的路上漫步而行，終於回到原本的營舍，我們的營舍。於我而言，這房間是世界變化扭曲的起始。

打開門，一檯一木都依舊，是我第一日入Camp的模樣，也是我第一朝醒來的模樣。我隨便找了張椅子坐下，環視房間裡的一切，希望留意到有什麼線索，但腦中卻不禁思憶大伙兒第一日入Camp的快樂情景。

忽然，聽見背後開門的聲音。

是誰？

我警戒地迅速回頭。

張、日、強？

《第十六章》

【1】
「唔駛咁喎，我唔係嚟插你一刀！」張日強雙手舉起，因為他看見我已經亮出一把鋒利的菜刀。

短短數天，我就知道這裡有種「失驚無神插人一刀」的殺人文化，想好好活命是唔可能無武器在身，所以腰間一定要繫上一把刀。

「你以為你舉起雙手，我就會覺得你唔係危險人物？」我從容地笑。

張日強放低雙手，不徐不疾地走到床舖邊坐下，然後說：「你知唔知道，有時我會覺得你喺惡劣環境下露出嘅自信，真係相當恐怖。」

「所以恐怖到想殺死我？」我瞇起眼睛，嘴角維持張日強所說的恐怖笑容。

對，面對惡劣環境，我會不自覺地笑。
變態？不……
我只係覺得，笑可以掩蓋很多不安。

「我只係想同你傾傾，我哋嘅處境。」張日強一副直話直說的樣子。
「我哋？」我質疑：「從你插我一刀開始，已經再無『我哋』。」
「事實我無插中你要害，我根本唔想你死。」張日強委屈地說。
「咁唔該你同我好好解釋。」我坐回椅子上洗耳恭聽，盼望這次我會聽到一個真實的故事。

「你信又好，唔信又好，我唔想你死。全世界人我都唔介意佢哋可以去死一死，唯獨你，我當你係一世嘅朋友。」張日強以真情的眼神說，我差一點就雙目失明了。

「廢話唔好講咁多，入正題啦，不過你先話我知，你點知我喺度？」我不耐煩。

張日強嘆了一口意義不明的氣，接著說：「係思思話俾我知，話你出咗去要查探真相，所以我估你喺度。」
「你同思思好熟架？」我即刻問。
「我哋係有聯絡。」張日強直言：「只不過因為一啲無可避免嘅管理問題，我不得不表面與佢為敵。」
「你……你唔係追殺思思咩？」我難以置信，因為：「而且嗰日你仲想用割腹之刑對佢！」

「呢個都係逼不得已，當日我並唔係想殺佢，亦無諗過對佢用割腹刑，只係一定要殺死程sir。」他說。

「點解要殺死程sir？」我問，想不出程sir有什麼非死不可的理由。
「呢個容後再講。」他卻說。
「咁咩係逼切要講？」我身子微微向前傾。

「事實上，我哋而家係玩緊一場狼人遊戲。」張日強說出一直存於我心裡的答案，但我卻沒有中樂透的開心快樂。

張日強，果然知道更多，
而知道的，亦不只張日強一人。

「呢一場狼人遊戲，就只有十一個人知道，包括我、你、白痴仔、阿奇、陳天南、陸心儀、肥波、神婆琳、肥婆喬、基佬傑，仲有思思。」

「你係想講，我哋呢十一個人唔小心開啟咗魔法遊戲，然後捲入咗一場不可思議嘅殺人遊戲？」我說得很匪夷所思，但即使現在有外星人打開門跟我們唱i have a pen，你都不得不相信。

「魔法遊戲？我都唔知可唔可以話係魔法，或者都可以咁講。」張日強這樣說，意昧我所說的都有九成相似。

「可唔可以講清楚啲？」我禮貌地。

「與其話係魔法，我覺得我哋更似生化科研下嘅實驗物。」張日強無奈地說：「其實對成件事嘅來龍去脈，仲有好多我哋唔知道嘅野。」

我站起來，用刀指住張日強，威嚇著說：「如果你所講嘅說話，有半句虛言，我保證要你死得好慘。唔好講廢話，講你知嘅野！」

張日強搖搖頭，說：「我哋而家所面對嘅狀況已經夠慘。」

「……」

「當日我哋只係打開咗狼人遊戲嘅盒，喺我哋未開始玩之前，嗰個人就出現……」
「咩人？」
「我問你，玩狼人遊戲，最重要有咩角色？」張日強故作高深。
「狼人？」我想了想，再說：「同埋主持？」
「無錯，主持。
當晚有一個我哋唔認識嘅低Form同學撞咗入嚟我哋間房，原來佢係入嚟想問我哋借底褲(吓？)，我哋當然笑住嚟串佢(實會啦！) ，串串吓先知原來佢係輸咗遊戲所以被懲罰嚟借底褲嘅陰公豬(哦，唔怪得啦。)，之後我哋開始混熟(有無咁快？)
，佢仲主動話想我哋一齊玩一舖狼人遊戲(佢唔駛返去交待懲罰咩？)……我哋無乜所謂所以就(咁就瀨野了。) ……」張日強憶述一切，瞳孔彷彿映照出當日一幕幕的情境。

真實的狼人遊戲。

阿仁係小女孩？然後思思同佢係狼人既情人？思思係狼人所以唔殺得小女孩（阿仁）？
阿發係果個捲頭髮既低form仔？

點解啊發會出現返喺遊戲到