《長洲天黑黑，孩子請閉眼》

【2】
我知道在故事中途使用倒敍法是很危險的事，或者會令你混亂，但因為我很想強烈地告訴你一點，當我決定了的事，我會持之而恆，直到做到為止，然後，我做到了。

張日強述說「真相」的一秒後，我已經開始計劃如何對付「狼人」。

那時候我找了山林中的隱密之處，在堅實的泥土上挖了一個深洞，足夠我藏住一個人，這足足耗了我五天的時間。

另外，我也在近東堤的樹林中挖了一個地洞，這足足耗了我一天的時間。

然後，我偷偷潛入長洲市內一間五金舖，幸好還給我搵到幾條像樣的鎖鏈。

就這樣，我把所需的硬件都預備好。

就等待我與狼人的對決的篇章。
當時我尚未知道狼人就是「他」。

今晚，狼人殺人夜。

我離開郊區，在月光下偷偷摸摸闖入長洲市內，在幽靜的街道上聽見夜貓的嗚叫，氣氛讓我徒添戰競。

然後，我直接來到警署的大門前。

據沒有任何憑據的分析，好友們應該會各自待在警署某一個看不見人的角落休息，所以把他們全部找出應該不難。

我的計劃很簡單，
只要我在今晚逐個逐個點相，就會知道誰是狼人。

我不怕狼人發現當場把我殺死，
我不怕，

狼人根本不會殺死我。

既然牠已經知道我是「小女孩」的身份，如果牠要殺死我，當晚在觀音古廟前早已經可以動手。

當晚不動手，牠再也不會動手。

解釋有二，一就是這個狼人太愛我，但我沒有信心自己是位居別人生命以上的好友。所以，我現在正以性命安危驗證另一個解釋。

這時候，我已經悄然進入警署內的走廊，躡手躡腳打開其中一間辦公室的門，第一眼就看見坐著忙碌寫字的張日強，他震驚望向我，張開大口，

「你……」只說了一個字，他的靈魂彷彿從雙目抽出，眼神變得空洞。

然後，視若無睹地從在我身旁行過，徑自離開這間房，不知要走去哪裡。

我心裡面鬆一口氣，為什麼呢？可能他是我真心要好的朋友。他不是我要尋找殺死的狼人。

對了？他剛才究竟在寫什麼？我從他剛才離開的桌子拾起一份手稿。看來，是一篇關於友誼的小說，但我沒有時間把它看完。

放下手稿，我也離開這房，不動聲色地往其他房間去，接著，我相繼讓陸心儀、神婆琳和肥婆喬都失去意識，她們只剩下軀殼離開，不知要往哪裡去。

她們該感謝我，因為我會證明她們都不是狼人。

長洲警署不是好大，有些人可能係去了警署附近的住屋休息。
現在只只剩下肥波、基佬傑、陳天南、白痴仔同阿奇。

換句話，他們五人當中，其中一人就是狼人。

踏出警署大門，抬頭直望。

牠，已經察覺，還在等待，就在我眼前。

醞釀震怒情緒的巨壯身軀，肌肉賁張，喉嚨發出令人膽顫的低吼，尖銳的獠牙蠢蠢欲動，戾氣逼人的血紅眼睛裡，只倒映出我一人的身影。

狼人。

此刻我被無處可逃的黑影籠罩，
但，
我不忘作出絕地反應，
就是把刀架向自己的頸項。

把刀刃對準自己的喉嚨。

失憶後，這已經係我第二次以死脅逼。
我就是不怕死！

如果我死了，至少我深愛著的思思可以活著，
我，已經親手殺死自己的親哥哥……
其實我死不足惜。

當然，我沒想過要死。

「你就係咁想成為我嘅食物？」狼人面目猙獰，發出毛骨悚然的聲音。

「你唔會殺死我。」我無畏地說。

想唔到，牠不發一語，直直向我疾走過來，我沒有閃避和招架的時間，刀還只能架在頸上，但猙獰的利嘴已經逼近眼前，牠的尖齒與舌頭，甚至喉嚨的深處，佔據我所有的視線，瞬間的吼叫也近乎撕裂我的耳膜。

我還以為自己死定了。
但沒有。
我沒有死去。

恐懼過後，一切回復平靜，同時驗證了我的猜測。
我喘著氣，不敢腿軟，依然維持以死脅逼的姿態。

「究竟你想點？」狼人果然對我沒輒。

「哈……」我開懷地大笑：「哈哈哈哈哈哈哈哈……」

狼人震怒得肌肉顫抖，我卻無懼。

「丘比特將我哋連埋一齊，我哋既然係戀人，你又何必怒目而視呢？」我冒著汗說：「丘比特，在遊戲之前指定任意兩個人是戀人，戀人之間永遠不能互指互殺，若邱比特死了，戀人關係會解除。」我已經把狼人遊戲的規則背誦如流。

「為咗殺死我，你想自殺？」狼人沉著說。

「我仲未去到咁偉大。」我搖搖頭：「今日我只係想認清我哋之間嘅關係，我並無惡意，只要你唔趕盡殺絕，我絕對唔會殺你，不竟我唔想死。」我釋出善意。

狼人退後幾步，瞇起狼眼。

「同埋……我有一個要求。」我堅定地說：「我要思思安然咁生活。」

「思思？」

「無錯！你哋班人追捕思思，我要你哋停止咁做，而且佢哋鐘意去邊就去邊，我唔可以俾佢哋一直偷偷摸摸匿喺山上嘅帳蓬。」我激動地說，萬二分認真。

「你覺得我可以話事？」

「無錯！你既然係領袖十人嘅成員，你一定有話事權！只要你令大家放過佢哋，俾佢哋安然嘅生活，我就唔會傷害自己嘅性命。」我轉一轉手上的刀，示意自己的認真。

狼人沉思，
我卻用刀輕輕劃破頸上的皮膚，流出血滴。

「你真係好愛思思，但真相會令你崩潰。」

「我唔理咩真相，我只管呢一刻！」我強調：「呢一刻！」

我耐心等候狼人此刻的躊躇，因為我知道，牠必會說：「可以。我答應你，你走啦。」

牠根本別無他選，
狼人是我的朋友，
我的朋友都是了解我。
至少，他們知道我愛思思，可以為她付出很多。

所以，牠不會懷疑我背後的陰謀。

《第二十一章》

【1】
那殺人夜後，又過了三天，張日強又來找我了。

那是一個清爽的早上，在營地的歷奇公園裡，我閒坐在一個掛在樹上的韆鞦，正享受長洲的渡假陽光，只不過，張日強卻嚴肅非常，破壞了悠然的氣氛。

「你究竟做過啲咩黎？」張日強嚴峻地問。
「咩呀？」我扮傻。
「嗰晚狼人殺人夜我遇到嘅係咪你？」他緊張。
「係又點唔係又點？」我懶洋洋回應。
「即係真係你啦！」張日強怒著。
「我只係做我嘅角色應該去做嘅野。」我理直氣壯。
「你知唔知狼人如果知道有人查佢，佢會寧願同我哋同歸於盡架？」他埋怨道。
「哈！點會？」我抬頭望住張日強，認真說：「你覺得狼人真係會輕易放棄生命？」
「呢個係我哋同狼人之間嘅協議，點解你就係都要破壞。」張日強氣沖沖。
「為咗世界嘅正義。」我優雅地說。
「痴線架你？」張日強沒好氣。
「咁點解你唔殺我？」我露出好奇的樣子，韆鞦還在搖盪，發出鏈絞磨擦的聲音。
「我已經講過，我當你係朋友，如果我要殺，你一早死咗！」張日強踏前，還把我的衣領抽起，用眼神威嚇著。
「點解當日係你嚟殺我，而唔係其他人？」我無懼威嚇，平靜地問。
「我再講一次！」張日強樣貌坦然：「因為只有我，先會願意放你一條生路，如果俾著其他人，一定一刀插入你嘅心臟。」

很好。

那夜已經證實張日強不是跟我性命相依的狼人，
所以他是真心不願我死。
當我開始相信張日強的誠意時，
或許，這是我所犯的第一個錯誤。

「其他人……真係咁想我死？」我疑惑，因為至少他們當中的狼人不會想我死，他當日應該切法阻止。

張日強放開我的衣領，
我漫不在乎地坐回鞭鞦上，繼續擺動。

「無錯……所有人都想你死！本來大家仲念在你已經失憶，就算知道你就係小女孩，都覺得你唔會有啲咩作為，更順你嘅意俾你見狼人一面，等你知難而退，點知你唔知驚仲向我哋堅決要搵出狼人，所以嗰日，我哋就決定一定要將你殺死！係你自掘墳墓！同當初一樣！」張日強一口氣越說越激動，最後還說了一句奇怪的話，他頓時意識並立刻收口，卻太突冗了。

「同當初一樣？」我疑惑他最後的一句。
「你唔應該知道咁多野，收手啦……」張日強搖頭嘆氣，避而不答。
「你嚟呢度，就係為咗警告我唔好搞咁多野？」我問。

「仲有一件事。」
「？」

「我哋決定唔再追捕思思佢哋。」張日強鄭重地說。
「係？」我裝作驚訝。

「當初我哋追捕思思係有原因，係因為佢不滿我哋嘅自私同濫殺，所以救走咗原本該殺嘅程sir，我哋故之然要殺死程sir，但因為思思離開我哋，選擇唔同一陣營，卻又知道我哋嘅秘密，我哋擔之之下亦不得不作追捕。至於係咪一定殺死佢，當時我哋仲未任何共識，但如果佢哋決定要殺佢，我一定會全力阻止！」
「咁點解而家你哋又決定放過佢？又點解要話俾我知。」

「我話俾你知，係唔想你再搞咁多野。但如果你再敢搞事，我哋第一個就殺死思思！我地會發哂所有人全力追擊！我知道你好緊張思思，我哋所有人都知！所以唔好以為你唔怕死就得，我再講一次……」張日強雙手用力搭在我的肩上，韆鞦停止搖盪，然後，他重重的語氣吐出二字：「收、手。」

收手？殺了狼人我便收手。

最後，「你哋當中，係邊個提出唔再追捕思思？」我裝作不在乎，心卻怦怦地快速跳動。

因為這個答案，關係到狼人的身份。

「重要咩？」張日強斜眼而視，卻一臉懷疑。

當然重要！
殺人夜，我對狼人說，只要牠令大家不再追捕思思，我也不再糾纏牠。所以的所以，只有知道是誰在當中動議不再追捕思思，我就可以知道誰是狼人。

「我只係想知道邊個咁聰明，用咁嘅方法威脅我。」我笑笑。

「嗰個人係……

係邊個

係邊個？

白痴仔 ？

今晚是咪出晒？

白痴仔 ？

我第一個都係咁諗

係邊個
唔好吊住啦

張日強可唔可以行左出警署之後變身做狼人

張日強可唔可以行左出警署之後變身做狼人

可以

邊個呀

真係好好睇

係思思？

思思似狼人

狼人係啊奇？

第一個見到張日強 佢有冇機會係扮暈再搵機會走出去門口等佢

1.「你真係好愛思思，但真相會令你崩潰。」

2.「其他人……真係咁想我死？」我疑惑，因為至少他們當中的狼人不會想我死，他當日應該切法阻止。

呢兩句好似仲有好多迷題

1.「你真係好愛思思，但真相會令你崩潰。」

2.「其他人……真係咁想我死？」我疑惑，因為至少他們當中的狼人不會想我死，他當日應該切法阻止。

呢兩句好似仲有好多迷題

Quote番之前決定殺啊仁個part

良久，終於有人願意回應。
「其實諗深一層……呢個都不失為一個好方法……」阿奇猶疑地說，看來經過思量。

我應該為終於有人認同而興奮，但怎麼我不覺得他是從心底而發？
這種感覺使我無法高興。

「阿奇……」肥波向阿奇拋出神秘的眼色。
大家望向阿奇的眼神也相當可疑，彷彿他說了不該說的話。
真係估唔到啊強同啊奇邊個係狼人
其實到依加仲未知道如果戀人一邊死左 另一邊會唔會一齊死 可能係啊奇想借其他人既手殺左啊仁

1.「你真係好愛思思，但真相會令你崩潰。」

2.「其他人……真係咁想我死？」我疑惑，因為至少他們當中的狼人不會想我死，他當日應該切法阻止。

呢兩句好似仲有好多迷題

Quote番之前決定殺啊仁個part

良久，終於有人願意回應。
「其實諗深一層……呢個都不失為一個好方法……」阿奇猶疑地說，看來經過思量。

我應該為終於有人認同而興奮，但怎麼我不覺得他是從心底而發？
這種感覺使我無法高興。

「阿奇……」肥波向阿奇拋出神秘的眼色。
大家望向阿奇的眼神也相當可疑，彷彿他說了不該說的話。
真係估唔到啊強同啊奇邊個係狼人
其實到依加仲未知道如果戀人一邊死左 另一邊會唔會一齊死 可能係啊奇想借其他人既手殺左啊仁

你有冇玩過狼人

睇呢個故先知有個遊戲叫狼人

跪求出文

係邊個