《長洲天黑黑，孩子請閉眼》

阿發係狼人

文?

唔知係未miss左d野 既然夜晚除左主角所有人都失去知覺，點解唔將所有人氣合埋一齊等主角睇邊個係狼人？而狼人又好似殺唔到主角
有錯請糾正

《第十二章》

【1】
於是，我自己一個人回到那天扑暈阿發的小食店，理所當然地，阿發不在，我問過附近的人，他們都說無見過這個人，亦不認識這個人，相反，他們不斷問我是不是想起什麼解除病毒的方法。

「我已經回憶起一啲野，但恕我暫時唔能夠確實太多。」我向那幾個問東問西的人盲扯了幾句，想快點打發他們離去。

「咁我地去工作喇。」他們向我鞠了個躬便離去。

難道阿發的出現是我的幻覺？
無理由的，他明明告訴我很多事實。
而這些事實跟學弟和張日強告訴我的都大致相符，
除了關於留在島上的面罩人是我哥哥的這件事。

張日強告訴我的確有位面罩人留在島上告訴大家有關病毒的事，但他在後來失蹤了，據說有人目擊他自殺墮崖，原因不明，但張日強非常強調面罩人並不是我哥哥。

為什麼阿發說面罩人是我的哥哥？

我始終覺得，狼人的身份是關鍵，只要找出狼人，所有的謎團都會迎刃而解。

所以，在這間已經失去老板的情懷小店裡，我坐在木椅子，專心翻開木桌上的島上人口資料記錄簿，以及這半年被狼人抓傷同殺死的人的資料。

不過我足足專注了三個小時，並沒有發現值得探查的線索。
基本上，長洲上的各人都在島上找了固定的居所，夜晚他們便足不出戶，避免因看見人而失去意識。而狼人基本上都係無差別進行襲擊。根本沒什麼好可疑。

「失去意識」這個玩法，著實令人好難去調查狼人究竟是我們當中的誰。
除了狼人外，大家永遠不會在夜晚看見任何人，故此永遠無法證實任何人的身份。
所以，我們的限制，狼人的規律，都印證出這就是一場狼人遊戲。
我一直如此相信。

既然有規則，既然係遊戲，就一定有幕後的建立者。
而究竟你又是誰？

只有抓到狼人，才能夠解開島上嘅病毒謎團。

我一直如此相信。
莫名奇妙地相信。

所以，

狼人，再一次見面，我就不會再膽怯。
我將會把你給我的所有恐懼十倍奉還給你。

你，只不過是個人。

【2】
「你……你真係打算咁做？」張日強瞪大眼。
而我昔日的好友們，就是這島上所謂的領袖們也面面相覷，很驚詫我的想法。

長洲警署，原來成為了張日強他們的據點，而我們正身處警署二樓的其中一間辦公室。

「我唔贊成！」基佬傑反應劇烈，眼神惶恐，但我都唔知佢究竟惶恐啲咩？
「唔得，根據我今日嘅運程占卜，今晚係大事不宜。」神婆琳鬼上身嘅語氣說。
「你塔羅定通聖呀？」我沒好氣。
「我都唔贊成咁做。」陸心儀是個美女，性格是港女。
「太冒險喇。點知狼人會唔會將所有人都殺哂。」白痴仔簡要地說。
「投票啦！」陳天南這時候來裝公道。
「唔駛投啦，無人贊成囉。」肥喬姐攤攤雙手。

的而且確，眼下無人贊成。
我真的沒想過，竟然係一面倒的反對？

「阿仁，我哋唔建議咁做，除咗因為我哋唔敢好似你一樣去試探狼人嘅強制規律，而且無人會對自己全晚失去意識呢件事感到安心，上次嗰六個人都係俾我哋硬捉過去，你知架？」阿奇精闢地說，如果喺三國志嘅場境，佢會有啲似豬葛亮般嘅軍師角色，不過豬葛亮又好似有啲抬舉咗佢，或者話佢似包青天入面嗰個公孫先生都還可以。

「但我尋晚已經驗證咗，狼人只會殺死一個人，而且佢想殺死我但無殺死我，呢個已經係一個最好嘅證明」我堅持：「狼人嘅襲擊，係有強制規律，尋晚佢殺唔到多一個人，今晚亦都殺唔到人！」

大家卻搖頭。
方法很簡單。

在這個島上，我是唯一一個能夠在夜間目擊任何人都不會因此失去意識的正常人。所以，只要島上二百幾人在夜間一同聚集於大球場內，然後讓我站在最高點，把所有人盡收眼底，令狼人的化身無所循形。

再何況，狼人今晚不會殺人，只會留下血痕，所以在沒有性命危險下又能夠找出狼人，我想不到反對的理由。

「只要搵出邊個係狼人，大家就唔需要再受到生命威脅，到時我地再慢慢諗辦法離開呢度，甚至……」我不願說出下一句，因為根本不是我所想：「喺呢度好好生活，建立呢度嘅文明，反正出面政府似乎都唔會俾我哋返去。」

我說得如此慷慨，卻換來一片沉寂，大家神色有點不尋常的扭捏，甚至乎……有種不懷好意……

良久，終於有人願意回應。
「其實諗深一層……呢個都不失為一個好方法……」阿奇猶疑地說，看來經過思量。

我應該為終於有人認同而興奮，但怎麼我不覺得他是從心底而發？
這種感覺使我無法高興。

「阿奇……」肥波向阿奇拋出神秘的眼色。
大家望向阿奇的眼神也相當可疑，彷彿他說了不該說的話。

「好，就咁啦，既然阿奇都認同，一陣間我哋就召開集會。」張日強決定地說，繼而搭著我的肩：「阿仁，我哋會預備一吓，你先返去休息一下，下午一點，我哋必會敲銅鐘，再喺返北帝廟前集合。OK？」

「好，我期待一陣間嘅大會，我會有辦法遊說島上嘅所有人參與行動，結束狼人嘅威脅。」我回應。

但從各人的眼裡，我感受到一種不安。

點解主角唔直接再所有人放埋一齊 天黑就會見到邊個變狼人

因為未講到

唔知係未miss左d野 既然夜晚除左主角所有人都失去知覺，點解唔將所有人氣合埋一齊等主角睇邊個係狼人？而狼人又好似殺唔到主角
有錯請糾正

你無錯

咁短 有無得課金睇多啲

推post支持

留明

真係好好睇 但一日一篇 唔夠喉

《第十三章》

【1】
日光下萬里無雲，
晴朗的天氣卻跟長洲市內的肅殺毫不搭襯。

已經是約定好的下午一點，
卻沒有約定好的銅鐘聲，
沒有約定好的長洲集會，
只有我一個人獨自呆在北帝廟前，看著空盪盪的大球場。

佢哋究竟想點？

我一邊思考，一邊把遠處的風景看得入神，完全不為意有人已經站在我後面：「阿仁！」
我回頭看去，果然是張日強，亦只有張日強一人。

他一步一步靠近我，充滿歉意的表情使我沒有防備，直等他走到我面前，也依然忽略他手中的，殺意。

當我意識的時候，已經太遲，肩膊感到劇烈的震盪和痛楚，令我無法好好言語。

「你哋做咩呀？阿強？阿仁！有人殺人呀！有人殺仁哥呀！」

思思？是不是思思的聲音？
我……好像流血……很多血……

【2】
雖然係下雨天，但能夠同思思和一班Friends一起，無誰是陰晴月缺，我都覺得好開心，好幸褔。

其實我個人都好簡單，好容易滿足。

到達營地之後，我們在營地大堂聽完一大堆營地規則之後就入營舍去了。

這個位於長洲山上的營地佔地頗大，好像一條小村莊，有一個個獨立的小渡假屋，每間渡假屋可以容納八至十個營友。

張日強、白痴仔、阿奇、陳天南、肥波、基佬傑和我同一間房，而因為天雨關係，今日第一日的營地活動都取消了，所以在房間裡我們都是百無聊賴，吹水不停。

「今晚通宵玩咩好呀？」張日強蹺起二腿捽著腳趾。
「鋤大Dee囉！」陳天南雙手握著門上的水管進行引體上升。
「白痴仔！」肥波拍了拍白痴仔。
「丫！唔記得咗帶嚟添……」白痴仔抱歉。
「屌你呀，尋晚咪whatsapps咗提你囉！」肥波埋怨。
「唔緊要啦，去營地接待處嗰度借囉，好似有卡牌玩。」阿奇說。
「玩卡牌？都好喎，我最叻玩桌上紙牌遊戲！」基佬傑得意地說。
「但我無興趣玩大富翁。」我真心無興趣。

「我剛才行過，見到有唔同款嘅遊戲，仲有款遊戲個包裝幾靚，用木盒包住，好似係天黑請閉眼嘅狼人遊戲。」阿奇說。

「好呀，咁今晚借黎玩囉。」
「其實狼人遊戲唔駛借都玩到啦。」
「借咗好啲嘅。」
「咁去囉，今晚搵埋班女仔過嚟玩。」
「玩咩先？」
「狼人遊戲啊！」
「嗚嗚~~~~~~~」

【3】
這……這裡……？

我痛得臉部扭曲，嘴巴緊抿，牙齒緊緊咬著……
劇痛的位置是我的右肩膊。

「你就唔好亂咁郁啦，我點同你包呀？」思思正用繃帶為我包紥，雖然手勢笨拙粗魯，但好在我能通過看著她的臉來舒緩痛苦。

張日強一刀插過來時，我真的以為自己死定了。
這裡……
原來我又回來山上的帳蓬？
是思思帶我回來的？

「思思……係妳救咗我？」我虛弱地問。

「真係唔明，點解你咁都死唔去？天無眼。」學弟剛從帳蓬門簾彎身進來，然後一屁股坐下來。

我咧嘴笑了，笑自己的失策，竟讓自己落得如此境地。
我應該一早提防張日強班人。

「我暈咗幾耐？」我有點頭痛，剛才好像發了一個很清晰的夢。
「唔係好耐，都係一兩個鐘，其實你所受嘅傷唔深，不過可能張日強最後重力咁扑咗你後腦一下，先令到你暈左。」

「一……兩個鐘？係你哋抬我上山？」我問。
「廢話！」學弟活動一下筋骨，大概示意他抬得吃力，我該好好感謝。。
「好在你哋剛好出現……如果唔咪我就死緊……多謝你地。」但我由衷感激。

「鬼叫你係我哋走唔走得出呢個島嘅關鍵咩。」學弟擺出一副「逼不得已先救我呢個人渣」的衰樣。

咁我都知嘅……

但眼下的問題是，
張日強為何要殺我？
我想到一個很不合理的原因，
難道張日強根本不想我知道狼人的身份？

不！不妥！

如果張日強真的要殺我，我現在就不會活著。
我意思是，佢所捅我的位置，並唔係我的要害，而且如果真要殺我，何解思思出現的時候，他有時間扑暈我，卻沒時間多捅我致命的一刀？不合理！我看過張日強殺人時的伶俐，絕不會笨手笨腳和猶疑不決。

「阿仁，有一件事要話俾你知。」思思若有所思。
「？」
「其實係張日強叫我去救你。」

Sir we need more

lm