好多。
老人家要入老人院都係因為缺乏自理能力,子女又無時間去照顧佢哋。但講到尾咪就係因為社會對老人家嘅保障真係好少。老實講一個全民退保已經解決咗好多老人家財富問題,老人家有財力照顧自己,自然減少出現因為子女無時間照顧佢哋而掉佢哋入老人院呢個問題。咁連自理能力都無嘅老人家可能的確係有錢都無用。但政府又有幾何提供援助?有無專人去照顧佢哋?政府根本連推廣人口老化呢個問題都無行出第一步,自然無人識相關嘅知識。簡單做到社會保障同推廣呢個問題已經可以減少呢啲情況。
但最慘嘅並唔係入老人院嗰批,而係喺老人院個waiting list嗰批。佢哋無自理能力,有啲無仔女,除咗等入老人院就係等死。但結果呢?香港依然係唔夠宿位俾佢哋,老人院人手依然係唔夠。歸根究底咪又係因為唔夠推廣。依家問題個核心唔係在於政府可以用乜支援,而係香港政府根本無正視過民生嘅問題。樓主好簡單一個case已經可以睇得出好多個社會議題同埋呢個香港社會有幾病態