頭先剪頭髮 聽到老細同個熟客傾計好心酸

話說近幾年先幫襯間髮型屋
係屋邨商場做街坊生意嗰啲 做咗三十年
我等緊剪嗰陣 個老細同個來剪頭髮嘅婆婆傾計

婆婆：「我就快搬喇，之後都來唔到探你。」
老細：「婆婆，我都做到九月唔做喇，租金太貴都係頂唔住喇。」
原來個婆婆幫襯咗好多年
但下星期要去搬去住老人院 因為屋企冇人可以照顧佢
老細繼續講：「婆婆，妳臨搬嘅前一日過來揾我，星期幾都冇所謂，我幫妳洗個頭，唔收妳錢！妳幫襯咗咁耐，我都唔捨得妳。妳去到老人院都好嘅，有人煮野妳食、照顧妳，但妳記住去到要郁多啲呀，唔好剩係瞓喺度。」
婆婆聽到好開心，話：「多謝你呀！」
老細又話：「多咩謝呀，我多謝妳就真。」

聽聽下真係好心酸
婆婆話佢其實唔想住老人院
但香港俾長者嘅支援又真係做唔到啲咩
可能你話有得住老人院都好過排極都冇位
但講真 有仔有女 有住咗好耐嘅屋企
可能只係差咗個人煮飯俾自己 睇住自己
邊有人想去住老人院 俾一班可能係冷血嘅人照顧
個女來接婆婆嗰陣 個老細有提免費洗頭嗰樣野
但個女答：「睇下有冇時間帶佢來啦，未必有時間。」
政府又理唔到班老人家 仔女就為賺錢生存而忙到冇時間
望住個婆婆 真係會好心酸

個老細又有講多啲唔做落去嘅原因
佢話：「做唔住喇，租金太貴。十二月先過期，所以未傾個租金，但隔離間補習社傾咗要加40%喇。領展係咁架喇，你唔加我都未必做得住，你再加租我更加唔駛做，唯有做埋呢幾個月試下揾過個地方。」
講真呢個屋邨商場都舊舊地 人流都唔算太多
但都加40% 真係就算有心做都無奈地要放棄
做開街坊生意 同熟客之間嘅感情
領展點會理你 於是就愈來愈多有人情味嘅地方要逼住消失

打咗咁長都預冇乜人睇
但純粹想講宜家呢個社會真係好悲哀
老人家被忽略 仲有個要佢地打工先有錢攞嘅政府
良心小店被淘汰 周街都係垃圾連鎖鋪
同埋做蝗 有錢人生意嘅珠寶行
我知我喺度呻都冇乜用
但如果身邊有為生存好努力 對人好嘅老人家（唔包廢老）
可以嘅話就關心多啲佢地 照顧一下佢地
又或者有啲良心小店 可以就支持下
唔係等到上晒電視話就執先去打個卡

自推

舊鋪仔買少見少

唉，個社會好病態

邊個商場？我可能可以幫到手

推推

是但啦 d死廢老 d細鋪都係仆街架啦

我睇曬，也睇慣，亦睇到無感覺

個婆婆仲要好慈祥
諗到佢住老人院唔知會遇到點嘅人
就好心酸
但又諗到其實大把公公婆婆係咁

所以真係要支持下
雖然幫唔到好多

喊咗
到時淨係會見到好多快剪連鎖店

no,有人睇的,但我依加個心態都變撚左,望住香港一日on9 過一日,已經唔撚理會變成點,咩香港市,最緊要自己活得開心,開心又一日,唔開心又一日,仲話儲錢買樓? 去旅行好撚過

得返啲領狗鋪
雖然都係得20歲人都記得細細個樓下啲細鋪仔

老人院一入就出唔返嫁啦

啲生活技能唔做就退化晒

睇返日本啲飲食節目 70 歲都
仲做緊百年食堂 收銀上菜乜都有
好㩒老

其實入老人院未必係壞事
有啲屋企人唔理唔照顧甚至唔探
去老人院起碼有人照顧有啲老友記打下牙骹

利申：做過長者服務

屌你老母領展，搞到周圍民不聊生！
馬鞍山有兩條村冇酒樓

我做緊老人院姑娘 呢啲case見唔少
唔好以為住私家老人院好好 啲老細為咗賺錢做到好仆街
熱到死都唔會開冷氣
凍到死又暖爐都無個
好多嘢都係收完錢但又唔係真係咁既服務
有得揀 請個工人在家照顧好過 最多加個cam驚工人虐老
啲同事、阿姐 見到家屬就四萬咁嘅口
轉個頭就鬧到個老人家咩咁

雖然我好有良心 唔會咁做 襯後生仲有服務老人家嗰團火 咩都為老人家著想而做
但單單得少部分人嘅付出都係太微弱 見得咁多仆街同事 雖然唔會同化我 但都慢慢好無心機繼續呢行發展
見太多好慘嘅個案 仆街同事 已經唔開心到無心機

新界東某個三十年up嘅屋邨

可能我都好快會冇感覺
但仲有感覺嘅時候 我就想記住

係呀 連剪頭髮都俾快剪搶埋
可以話係時代變 舊事物被淘汰
但我唔覺得係無可避免
係件可惜嘅事

個老細都有話 買樓我真係賺一世錢都買唔起

領展收哂D屋邨街市黎做政府理都唔撚理
樓下間飛髮鋪已經加撚到130蚊剪到勁撚柒

係宜家呢一代唔會明白嘅感受