頭先剪頭髮 聽到老細同個熟客傾計好心酸

香港沒救 移民走

有時某個老人家屋企人成日黎探佢一齊食飯
而隔離個個老人只可以望住佢地
然之後自己就趴係度訓教等食飯
睇到都好心 up

有無領展租務部既巴打係度做？
本人都係領展其中一間既小商戶
想知下你地內部係點開價傾租金
每次續都加咁多，真係好難做

睇哂 講得好好 同時好悲哀

究竟呢個政府想點

睇死你條on9老咗就算有樓最後咪又係因為疾病無人照顧你入老人院

唉 當年推領展上市既正仆街

我都係，有時見香港咁荒謬但做咩都改變唔到，已經無心無力。開始覺得香港變成點都唔關我事...

其實後生仔仲慘
佢哋老嘅都叫好嘅一世唔好大半世
後生冇錢買唔起樓畀條女飛
日日做奴隸 又冇前途
真係返去大灣區買樓咩唔通

你知唔知連登仔會點覆你 ?


佢地會話怪就怪個阿婆後生無做好投資

如果唔係佢就有錢請私家看護


佢地會話自由市場就係咁

怪就怪個老細開平民生意仔搵唔到大錢


然後佢地會叫你不服來辯


哈哈

不服來辯喎

諗唔到講咩 只想唉一聲

幫咩手？幫呀婆洗頭？

要相信而家已經係最差
去到谷底就會反彈
等緊反彈嘅一刻
不敢想像香港還會更差
呢一兩年都無聽過咩好野
樣樣都衰
越來越多人自殺
教育界又多衰野
周圍都負能量
好絕望

只會越嚟越衰 有錢嘅真係走得快好世界

究竟世上有冇另一個早已developed又有錢嘅地方會奇怪過香港
庫房多 但啲錢流哂去完撚全冇份貢獻嘅人同地方
成個社會各方面都k型到不得了
但冇人反 重要係明日大嶼一鋪清哂你房都冇人反

冇心得罪，睇左留言覺得呢到大部份都係小學雞，坦白講，冇人逼你開鋪做生意，一個商場，其實佢地都要收租，你覺得領展冇諗過加租會怕租唔出咩？其實其他鋪租到間鋪證明有得做，離場證明呢種生意要被淘呔，同時地佢地都有權加價，做唔到味做唔到，係咁現實架啦，你頂唔順頂要離場證明係得咁多料，做老細好呀 又唔洗受氣又有錢賺，你估咁爽？

諗番起我婆婆

佢係一個開朗嘅人
以前星期六日一定會去探佢
就算次次暈車浪暈到嘔都會去（地鐵唔到嘅地方 只有巴士）
同佢飲茶 打麻將 行街 食日本野
以前三個仔同佢一齊住 兩個女（我阿媽）嫁左出去住
慢慢佢地結曬婚就搬曬出去 最後得佢一個獨守空城
佢一直以黎腳唔好 要用柺杖行 行得耐會攰
佢知道我鐘意狗好想養 所以佢送左隻狗仔比我
原本諗住放係佢到養 陪下佢
但係放左一排佢自己都照顧唔掂 何況加多隻狗

慢慢我上到高中
學業開始忙 做功課溫書日日做到好夜
星期六日都唔例外
所以少左探佢
有時寧願留喺屋企休息

到一年半前
佢身體開始變差
腳痛 周身痛 甚至控制唔到屎尿
仲有老人痴呆 開始唔記得今日幾號 唔記得食左藥未 唔記得食左飯未 唔記得買左菜 唔記得屋企係邊 唔記得我係邊個
好多時出左街 唔記得啲路點去 行左好耐好耐都行唔到番屋企 攰又冇地方坐 我阿媽要放工趕過去 甚至請假 去搵佢 買飯畀佢 幫佢執屋 之後先番到買飯/煮飯畀我 所以成日9點先食飯
（其他舅父舅母成日話自己忙 話住得遠唔得閒）

情況愈黎愈嚴重
由於我阿媽咁樣落去都唔係辦法
加上佢已經照顧唔到自己（食飯 屎尿 頭髮 剪指甲等）
同埋佢成日走失 又唔記得電話叉電 怕有一日真係搵唔番佢
佢又唔想請工人 唔中意工人照顧
所以決定送佢去老人院住
事前已經精心挑選 靚嘅 服務好嘅 有野玩嘅 貴啲都唔緊要

但係帶佢去嘅一日係我一生人最後悔嘅事
我地帶左佢去老人院附近飲茶 （算遠 要搭車 因為腳痛平時只會去屋企附近）
佢好開心 因為有得去咁遠 又有得飲茶 又有佢個仔同媳婦（同埋我同我媽 但係岩岩講過班仆街好少理佢 所以好耐都唔見一次）
當然 佢身體負荷唔到去咁遠（好攰同埋喺街好難搞屎尿問題 要戴尿片但有時會漏）同埋飲茶（唔知係消化唔好定咩 即使食啲清淡嘅都屙 可能始終比較多油同難消化）
之後我地帶左佢去老人院睇下
佢慢慢由開心變失望
佢知道有咩事會發生 佢知道佢最唔想嘅一日終於要到 佢知道呢一日係無可避免
佢唔想住喺到 唔想被人困住 唔想失去自由
佢喊住咁話我地呃佢 我地蝦佢
我望到好心痛 我駁唔到 係 我的確係呃左佢
我地全部人都喊曬 我地都唔想咁做
但係我地真係冇其他選擇

佢慢慢接受殘酷嘅現實
臨搬前我同佢去左屋企附近間日本餐廳食最後一次
係一間小店黎 果度以前食肆唔多 佢好鐘意食呢一間 因為有珍珠米嘅飯 有熱嘅味噌湯 有糯米糍食
由於我地以前成日食 差唔多次次午餐飲茶 晚餐食日本野 所以啲店員認得我地
婆婆同佢地講左佢就黎要搬去老人院
佢講講下又忍唔住喊
店員安慰佢話 咁樣做對佢好 有人照顧 好食好住
佢地都見到婆婆身體一直變差 食少左好多 瘦左 憔悴左

到最後佢都入住左老人院
一定冇以前咁開心
日日困係老人院入面 雖然好食好住 但係唔係佢想要嘅生活

過左一排佢身體差到要住醫院
身體周身痛
承受住好大嘅痛 佢慢慢變到落唔到床 講唔到野 郁唔到

最後佢過左身
我記得果時我冇喊
唔係我唔傷心 我好傷心 但係同時我諗佢受咁大嘅痛 唔使再唔開心...
佢住老人院同醫院果排我有探佢 但自問唔夠多
我一直諗 如果我探佢多啲 佢會開心啲 可能身體唔會差得咁快
如果我果時肯企出黎日日放學照顧佢 可能佢唔使住老人院 佢唔會咁唔開心 佢唔會咁快走

btw啲仆街舅父淨係掛住分家產 連同佢睇醫生嘅錢都話要計番 食屎啦

政府就係睇準我地呢種心態，而家先為所欲為
睇下，又準備推23條啦

唉。。。

反彈？你見到有咩反彈既可能？
我地又做過d咩去幫香港反彈

「念念不忘，必有迴響，有一口氣，點一盞燈，有燈就有人。」