頭先剪頭髮 聽到老細同個熟客傾計好心酸

香港政府係為左財團而生。
我聽加拿大, 新加坡d fd. 佢地係讚政府民
生政策好好。
但我未聽過任何一個香港人讚過政府一項野

以前嘅商戶同客人係幾十年街坊關係
大家都係互相信任
就算唔記得帶錢都可以賒數
真係好有人情味
而家d連鎖舖頭邊有呢d

香港呢撻地方真係好悲哀

對住班大財團果種無力反抗嘅感覺

每日都好似俾人強姦緊

師兄 可唔可以tg我一下
https://t.me/blowballpastic

Tg咗喇 咁突然係有咩事

事隔差唔多十月，因為之前留咗whatsapp，
所以今日去咗揾佢剪頭髮。

舊嘅鋪已經貴到租唔到，
所以師傅喺同區另一個舊商場嘅髮型屋，
每月交啲租來借個場地剩係接預約咗嘅客。

琴日最後我忍唔住問佢
「上次個婆婆最後有冇來洗頭」，
有諗過唔問，因為驚佢有睇到個post，
就實知係我開po。
但都係問咗。
有諗過佢會唔會已經唔記得件事，
但佢一聽就嘆氣搖頭，話佢個女最後都冇帶佢來。

眨眼過咗就快十個月，
當時以為，
基層市民點努力返工，
都可能只可以勉強應付龐大開支，
於是逼於無奈送走父母去質素參差、缺乏規管嘅老人院；
商場店鋪變得一式一樣，被連鎖店壟斷，
富人情味嘅小店被淘汰，
呢啲已經夠荒謬。
但原來香港社會情況沒有最荒謬，只有更荒謬。
但慶幸今次再見呢個師傅，大家立場都一致，
有各自喺自己嘅位置付出。
祝好人一生平安。

（覺得我作故事嘅冇所謂～
我都係想自己記錄返，有緣見到就見到啦。）
場運動好似靜咗落來，但我相信大家都有做緊一啲野。
希望大家繼續堅持，絕不放棄。

幾個月前見呢個po睇到有啲眼濕濕所以bookmark左 見呢個po彈返上黎
原來係樓主交代返後來件事

個婆婆嘅故事我都深感明白
因為我婆婆老年有病 我哋屋企人都應付唔黎
啲親戚又冇人肯理 無可奈何送佢去老人院
但佢係老人院唔郁動 病情更加惡化
所以最後佢住左老人院年半後都走左

係我婆婆住個年半老人院嘅時間裡
因為我同屋企人都會輪流咁日日去探佢
發覺好多公公婆婆都好健康但佢哋缺乏親人關心
長期都見唔到啲公公婆有人去探佢
老人院對佢哋黎講真係等死嘅地方
仲要係孤零零咁等死

（如果我有得再選擇
我一定唔會俾我婆婆入老人院）

呢啲事同經歷都明白而家個政府對待老人家嘅政策有幾差
質素好啲嘅公家老人院有好多老人家等到死等唔到（包括我婆婆）
現實亦有好多仔女覺得年老嘅父母係重擔而將佢哋送去老人院唔理
究竟而家政府有做過咩咗對待返呢啲老人家呢？

又或者 而家個政府有做過咩對香港人呢？

而家每日嘅新聞都荒天下之大謬
我哋可能都為左唔同嘅事傷心同灰心
但我相信個個可以係唔同嘅崗位上努力
默默地達成目標
願大多數嘅香港人共同願望能夠早日達成
我願明日有個更美麗更好嘅香港

估唔到都有人有緣睇到
出面咁多更值得推嘅行動post
所以我都係諗住自己默默update返
預咗冇人留意到

希望你平安
你婆婆有你錫佢愛佢 佢一定感受到
而且會每日喺天上睇住你平平安安