《香港傭兵》(18)

「係一家人就死得啦～兩個男人都唔生性！做死我喇～」雨姐又谷起塊面豬登～

『哈哈～一家人係咁㗎嘛～而且而家都有我幫吓手吖～』

「咁我係唔係多咗個細佬吖？小Dee Dee～」

『我都話我大個仔咯～』

「都係一個小Dee Dee～」

同雨姐邊傾邊做嘢，好輕鬆～時間又過得好快咁～

除咗傾計同做嘢之外，當然就唔少得𥄫𥄫雨姐對豐乳～

我唔係全心想𥄫㗎！但雨姐對豐乳真係太“凸”出～太容易對焦～

有陣時戴埋圍裙，索緊腰上條圍裙帶...雨姐條纖腰...突顯對豐乳更加凸～

嗱嗱嗱！其實我就真係唔係對雨姐有乜非份之想！唔係話要對阿月唔住！

只係...𥄫吓姐...

男人就係咁㗎啦...𥄫吓又唔等於出軌...

“叮 叮”有幾個著住中學校服嘅學生妹入咗嚟...

「唔該想要兩杯熱嘅Mocha～」又多咗幾個學生妹點嘢飲。

舖面都開始多學生妹，不知不覺原來已經到咗放學時間。

唔知...今日綽姿會唔會同茵婷一齊嚟呢？

唔知...茵婷佢點呢？

一直留意住門口...

過咗一陣，又有四個學生妹行入嚟...

再過咗一陣，都唔見綽姿同茵婷...

我諗...應該唔會嚟㗎喇...

就喺呢個時候...

“叮 叮”係...輝哥？！

『輝哥？你OK嘛？』我打量一下輝哥...面色好過今朝好多～

起碼唔係標晒冷汗面青口唇白，有返啲血色先～

「好好多喇～辛苦你喇飛揚...」輝哥都仲未講完...

「未死得嘛？」雨姐就翹住對手行去輝哥面前！

雨姐對豐乳...又就快迫爆件恤衫...

「就係未死得先返嚟接飛揚手咋嘛～」輝哥尷尷尬尬摸摸頭。

「辛苦你喇真係...」雨姐翹住手，冷眼望住輝哥，「咁Owner呢？」

「Owner佢...」輝哥諗咗諗，「佢抖咗陣已經冇乜事...係有啲嘢要做喎...」

「好心佢就抖多啲啦...」雨姐又谷谷塊面豬登～

女人仔谷面豬登...真係另有一番味道～

「飛揚～」雨姐帶住親切嘅微笑搭搭我膊頭，「你上去換返衫放工啦～呢度就交晒俾輝哥得㗎喇～」

「吓？交晒俾我吖？」輝哥又面青青咁指指自己。

「梗係交晒俾你啦！偷咗成日懶！」雨姐雙手叉住條纖腰，谷起塊面豬登怒睥輝哥！

「我...我真係舊患復發㗎嘛...」

「我理得你斷埋隻手吖！」

「嗚呀～冇良心㗎～涼薄吖～」

我就唔阻住佢哋兩公婆打情罵俏，行上樓梯，入員工休息室換衫...

換好晒衫，褶好套制服放返好，再拎齊銀包同鎖匙就行得～

當我由員工休息室行返出嚟之時...

『嗯？』有種...感覺？

頭先行出嚟嘅一瞬間...右邊...走廊嘅盡頭...

我沿住走廊行...行到盡頭嘅房間...門前...

我扭一扭門柄：『鎖咗...』

唔...可能係天氣凍...走廊變得更加陰涼掛...

都係唔好理咁多～閃人先～

我行快兩步落返樓梯！

一落返嚟，就見到子茵拎起本筆記簿，起身準備離開。

子茵佢...要走喇？

佢一個女仔...總係好似...有啲危險...

我總係有啲唔放心...

好唔好跟住佢...護送佢好呢？

唔...

雖然唔知佢要去邊...之但係唔護送佢又唔放心...

好啦好啦！就等我做做守護騎士啦！

當我正想跟住子茵出門口之時...

「飛揚～」雨姐拉住我，「呢度四百蚊～今日嘅工資～」

『哦哦...多謝晒～』我接過雨姐手上四張一百蚊紙。

「辛苦晒喇～遲啲見～」雨姐同我揮揮手～

『遲啲見～』我同雨姐仲有輝哥揮揮手～

「拜拜～」輝哥都同我揮揮手後～

「拜你個頭吖！」雨姐一手拍落輝哥個頭！「仲唔快啲上去換衫做嘢？！」

「係係係...」

“叮 叮”當我出門口，想搵搵子茵嘅蹤影之時...

『人...』呢？

今晚出完

三句預告

我企喺門口...左望望...右望望...

『唔見...』

再行前兩步...左望望...右望望...

香港？

報報

杜拜

Push