《香港傭兵》(18)

飛揚

1001 回覆

13 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2019-02-26 19:00:10

上回講到朱海羅炸爆飛揚電話！
飛揚睇睇朱海羅Send啲乜過嚟喇～
一睇都係日常生活嘢～
仲好似...幾寂寞咁...
孤苦伶仃嘅小妹妹...
飛揚又愛心爆炸咁去關心朱海羅～
問問對方住邊～又問問有乜做～
傾咗一陣，朱海羅就話唔阻飛揚做嘢～下次再傾過～
Bye得咁突然？唉...係咁㗎喇～啲小妹妹係話嚟就嚟～話走就走㗎喇～
飛揚又聽到有女客人傾開有關西貢獻命嘅事！
睇嚟大家都開始注意到...
仲好似話除咗中學生...就連小學生都唔放過！
究竟西貢獻命班人捉啲女仔去邊又做乜呢？
唔係真係嗰樣嘛？！
小妹妹都唔放過？好變態呀！
跟住既劇情發展又會係點呢？

準備出文

飛揚 2019-02-26 19:00:42

“叮叮”又有兩個大約十八九歲嘅女客人入咗嚟。

我都抖咗好耐，差唔多係時候要幫幫手。

我就一啖飲埋淨低嘅拿鐵咖啡，拎齊啲杯杯碟碟行返入櫃位。

一邊洗返乾淨隻杯同隻碟，一邊偷偷望望沖緊咖啡嘅雨姐：『係吖雨姐...聽講呢...西貢獻命班人周街捉啲女仔唔知去邊...你出入都係...小心啲。』

話晒雨姐咁好身材...好易成為目標...

唔覺意又望咗落雨姐對豐乳...

飛揚 2019-02-26 19:01:46

「我？」雨姐指一指住自己，「哈哈哈～我年紀都唔細啦～唔驚唔驚～」

呃...呢層...

講起西貢獻命嘅目標...又好似係廿歲以下...

尋晚喺貨車入面昏迷嘅女仔，全部都唔過十六七...

有幾個仲要係六七歲嘅小妹妹...

唔通真係咁...唔通西貢獻命成班都係...變態戀童怪叔叔？！

飛揚 2019-02-26 19:02:47

『呃...不過...都係小心啲好...』都係嗰句，雨姐睇起上嚟又年輕...又貌美...仲要咁好身材...

我又不自覺咁望咗落雨姐對豐乳...

「嗯～多謝你嘅關心～」雨姐帶住親切嘅微笑點點頭。

『呃...唔...唔使客氣...』望到雨姐用咁親切嘅笑容望住我...我又面紅紅...

雖然我唔係姐姐控...之但係雨姐實在太吸引喇！！！

『呃...係呢...你不如都去抖抖先...呢度等我嚟啦...』都係搵個藉口叫雨姐出出去先...

再係咁樣同雨姐困埋一個空間...好尷尬囉...

飛揚 2019-02-26 19:03:48

「等我搞埋啲手尾先～你幫我...拎杯咖啡同黑森林蛋糕俾子茵先～」雨姐遞杯咖啡俾我。

望望杯咖啡...又係Espresso？！

咁短時間之內飲兩Shot...會唔會中毒㗎？

應該冇事嘅～

阿月靈感湧現之時，都會駁住飲Espresso㗎啦～

要中毒吖，阿月一早就中咗啦～

我都係快快手手拎埋件黑森林蛋糕過去俾子茵先～無謂要人等吖嘛～

飛揚 2019-02-26 19:04:31

我左手拎住Espresso，右手拎住黑森林蛋糕行去子茵身邊。

之但係都未行到埋去，喺三個身位以外就已經感覺到強大嘅阻力！

係AT力場！！！

呢種生人勿近嘅阻力真叫人卻步...

不過你又唔好話...同時間有帶一點點...親切？

點解會咁矛盾㗎呢？

好似好難接近...卻又有一種吸引力吸引我埋去...

真係搞到我心都亂埋！

飛揚 2019-02-26 19:06:01

不過都係唔好諗咁多！煩惱其實都係自尋！

一切都係我自己FF得太多...

我就鼓起勇氣！大步大步行去子茵身邊：『你要嘅Espresso同黑森林蛋糕～』

當我放低杯Espresso同碟黑森林蛋糕，子茵都係冇反應...專注喺佢本筆記簿上...

唉...都預咗㗎啦...

我又偷偷望望子茵本筆記...兩板都係空空如也...

嗯？冇靈感？唔知點寫好？睇個樣似喇...

就喺呢個時候，子茵眼尾望咗我一眼！

飛揚 2019-02-26 19:07:24

『呃呃...係吖係吖...聽講西貢獻命班人呢期成日喺街上捉啲女仔...你要小心啲...』情急之下我就求其噏咗啲嘢！

其實都唔係求其...

其實頭先聽雨姐講起“我年紀都唔細”，我就立即諗起子茵...

子茵睇起上嚟...都似唔過廿歲...

我諗...應該會係西貢獻命嘅目標範圍之內...

再加上子茵咁靚女！俾我都想捉佢啦！！！

飛揚 2019-02-26 19:08:04

只見子茵無視我，繼續望住本簿，轉轉手上支筆。

『我...我唔係想撩你㗎！我...我只係擔心你...想提提你...』我...我喺度講緊乜柒？！

屌...越描越黑添...

都話咗唔好成日FF㗎啦！！！

只見子茵點一點頭...

有...有反應...

『咁...咁我唔阻你喇...慢用...』我就離開子茵嘅AT力場範圍。

飛揚 2019-02-26 19:09:43

已經好好...

肯俾反應我...已經好好...

至少唔係將我拒諸門外。

當我入返櫃位之時...

「咁呢度就交俾你喇～」雨姐就拎住杯Cappuccino同件天使蛋糕仔。

『嗯～慢用～』好咯好咯～唔使咁尷尬咯～

飛揚 2019-02-26 19:10:27

我一邊抹抹櫃檯，洗洗杯杯碟碟...

『歡迎光臨～想要啲乜？』一邊收錢落單沖咖啡～

『你要嘅Mocha～』又送吓餐～

當然唔少得嘅就係...𥄫吓女～

成個舖面都坐滿囡囡～

呢個風景多麼美～

你又唔好話我鹹濕！

我只係...想逃避吓姐...

飛揚 2019-02-26 19:11:20

邊𥄫女邊做嘢，雨姐都抖夠，拎住隻杯同隻碟行返入嚟：「點吖～𥄫夠未吖？」

『冇冇！我冇𥄫吖！』自然反應之下，第一時間都係否應咗先！

蔡生教㗎喇！就算係俾人捉姦在床，都要死口唔認！

「仲話冇～睇你望住子茵望到流晒口水咁～」雨姐仲要一邊洗杯洗碟，一邊恥笑我。

『冇...冇...邊有流晒口水姐...』其實我𥄫得最多...係雨姐你囉...

你對豐乳真係好吸睛...

話口未完，我對眼又被雨姐對豐乳吸咗過去...

飛揚 2019-02-26 19:12:23

「我都明嘅～你呢個年紀係血氣方剛啲㗎喇～」雨姐扮晒看破紅塵咁～

嘩你對波咁突出...好難唔血氣方剛囉...

『真係唔係真係唔係...我有女朋友㗎喇...』唔怕俾阿月知道，挖我對眼出嚟...

雖然阿月又唔介意我𥄫女嘅...

「哈哈哈～有女朋友同𥄫女係冇抵觸㗎喎～」雨姐又扮明白事理～

『吓？你真係咁諗？咁如果輝哥喺你面前𥄫女呢？』又等我嚟個反客為主先！

飛揚 2019-02-26 19:13:21

「車！佢𥄫咪𥄫囉...關我咩事？」雨姐扮晒唔緊唔緊咁。

『真係唔關你事？』我又古古惑惑打量住雨姐～

「唔關囉...」雨姐又扮晒事不關己咁。

『哦～不過輝哥都幾受女仔歡迎㗎～上次咋嘛～同佢出到荃灣買髮油，個女仔幾冧輝哥～』我又試探吓雨姐～

「哈哈哈～嗰個肥婆吖？好吖好吖～蔫豬頭都有盲鼻菩薩～哈哈哈～」雨姐恥笑多幾聲～

果然真係只會恥笑，不帶半點醋意？

飛揚 2019-02-26 19:13:46

今晚出完