《香港傭兵》(18)

上回講到飛揚抖完繼續幫雨姐手。
飛揚提醒雨姐小心西貢獻命。
雨姐話自己年紀都唔細啦～唔驚～
雖然話尋晚見西貢獻命捉返嚟嘅女仔全完都唔過十七八...有啲仲係得七八歲嘅小妹妹...之但係雨姐咁正...話唔埋㗎嘛！
雨姐話自己會小心㗎喇～叫飛揚拎咖啡同蛋糕去俾子茵～
飛揚行到去子茵身邊，感覺到佢身上有好強大嘅阻力！
飛揚放好杯咖啡同蛋糕，就八八卦卦咁偷睇子茵本筆記簿...但空空如也...
子茵察覺到飛揚偷窺自己！飛揚立即提醒子茵要小心西貢獻命！
子茵點一點頭...都算好啦～都叫有反應啦～
飛揚繼續做嘢～雨姐就抖抖先～
飛揚又邊𥄫女邊做嘢～舖面都真係多咗唔少女客人～
到雨姐抖完，話飛揚成日𥄫女～
尤其係𥄫子茵～
其實飛揚𥄫得最多嘅係雨姐囉～
飛揚話自己有女朋友㗎喇～雨姐就覺得𥄫女同有女朋友係冇抵觸㗎喎～
嘩～分得咁開㗎咩～
飛揚又問輝哥喺雨姐面前𥄫女又點？
「車！佢𥄫咪𥄫囉...關我咩事？」雨姐扮晒唔緊唔緊咁。
『真係唔關你事？』飛揚又古古惑惑打量住雨姐～
「唔關囉...」雨姐又扮晒事不關己咁。
『哦～不過輝哥都幾受女仔歡迎㗎～上次咋嘛～同佢出到荃灣買髮油，個女仔幾冧輝哥～』飛揚繼續試探吓雨姐～
「哈哈哈～嗰個肥婆吖？好吖好吖～蔫豬頭都有盲鼻菩薩～哈哈哈～」雨姐恥笑多幾聲～
果然真係只會恥笑，不帶半點醋意？
跟住既劇情發展又會係點呢？



準備出文