上回講到Owner話西貢獻命本來係激進革命軍,對政府做過好多事。
政府直稱佢哋係恐怖份子。
但當西貢被老解用毒氣滅城之後,西貢獻命餘黨逃到屯門就變晒喇~
原來係毒氣滅城...
而而家西貢都被老解封鎖!禁止進出!
睇嚟好嚴重喎!
毒氣喎~滅城喎~點會唔嚴重吖?
「世上冇唔流血嘅革命~」Owner諗咗諗,「只係睇吓係流自己定人哋。」
至於Owner就選擇逃避~
抖多陣都要返去喇~唔係又俾雨姐鬧~
飛揚同Owner一齊返到咖啡店,輝哥都返咗嚟~
睇落輝哥真係舊患復發~左手唔郁得,仲出晒冷汗~
輝哥話雨姐勁擔心Owner~仲差啲衝去救人!
不過好彩有輝哥拉住雨姐~
雨姐鬧輝哥冇鬼用!成日舊患復發!又話Owner做乜咁唔小心!搞到冇咗十萬!架車都冇埋啦!
「呃...呀!輝仔你手痛嘛?我同你返去啦~」Owner立即扶住輝哥!
「好吖好吖...我就快頂唔順㗎喇...」輝哥手軟腳軟咁...
Owner扶住輝哥轉身:「啱喇啱喇~我都有啲唔舒服...要喺輝仔屋企抖抖...今日唔返嚟㗎喇~」
「喂!」雨姐跟住Owner同輝哥尾,「你哋返晒去抖,咁呢度點呀?!」
「有你同飛揚吖嘛~得㗎喇~我哋放心交俾你哋㗎喇~」Owner同輝哥就行出門口...
「喂!喂!!!」雨姐大嗌多兩聲...
“叮 叮”Owner同輝哥就急急腳咁走咗去...
呢招係唔係傳說中嘅...金蟬脫殼?
跟住既劇情發展又會係點呢?
準備出文