[開心速遞]熊若水龔燁 供水線集中討論區 (20)

我覺得去到呢個post 討論真係會返唔到轉頭
因為太多同道中人一起傾，嗰種感覺係會令到你投入十倍。
好易令到一個明明只係係坑邊既人一秒跌落深淵

燁來愈愛你+1

唔知編劇係未困住喺龔水係歡喜冤家嘅框框裡面
一定要兩個不停鬥氣不停做野激對方
希望編劇唔好喺呢條路愈行愈偏
前兩日睇到單新聞一對男女註冊結婚完走嗰陣個女跌低 個男嘅笑住話個女人stupid 結果個女人激到翻轉頭取消登記
平時情侶間恥笑吓係情趣
但有啲野要睇場合要睇日子
就好似503同504阿水對住失控嘅阿龔都唔會亂發脾氣鬥氣
如果情人節都玩野我會好失望

進度其實係有
慢咁解姐

其實係架，某啲情況，女人係一秒認真
失望過後，無左就無左架喇
無論個男人做咩都無用

始終覺得514一日未播都唔可以咁早落定論
因為通常嗰集出街都會有好大驚喜
所以用平常心面對啦
龔生為咗世界仔人設點都要做啲野（eg送花討好下同事咁）
少咗水水嗰扎可能係特登又或者水水要特別準備呢（佢之後都要周圍搵花算叫做有補鑊啦）
（感覺佢特別激水水可能為咗準備驚喜
跟住可能唔知點解唔記得咗 ）
進展嘅寧願佢慢啲都好過快到唔合理
之前448去454嗰陣快到坐火箭咁
之後463又一念天堂一念地獄仲要搞到冷戰真心想講粗口
點都好叫做經歷咗啲嘢唔該之後醒醒定定啊

真係一語中的!!!!!!

龔燁再係咁
死十次都唔夠

我覺得虐係唔緊要。
唔記得送花都係唔緊要，
最緊要係理由正當，合理咁就得。畢竟阿龔都係一個正常人，如果佢因為一啲好正當既原因唔送花，我覺得都好正常，同埋好理解。

所以只要係合理既話，我係完全接受。
不過內心緊係希望最後送得成，happy ending就最好啦～

其實，如果一個男人有自己目標嘅女仔
仲做大眾暖氣，響情人節送花俾其他女同事(就算全公司女同事)，都唔係咁好啫
咁樣，好易令其他人誤會架
調番轉頭，個女仔如果收晒其他男同事嘅花，又得唔得丫

所以上次489，咩咩嘅餵食，跟住總監大人嗰句對白，係女仔聽到都覺得唔得啦

+1 合理既乜都得 開心速遞雖然cls但都唔該合理地cls啊

本身係有得睇就會睇下愛回家
由心戰同報仇記開始覺得工水好有火花都幾好睇 呢兩集阿工開始對水有好感 就覺得呢對cp會發展落去 點知原來燁來燁愛你阿工就要暫時離開劇組 個集真係好唔捨得 loop左幾次 尤其是最尾電台個part 應該係呢到入坑 好後期先發現呢到做cd rom 係近排先有acc入到嚟同大家討論

如果佢送埋比大小姐同Isabella又感覺ok既
咁就知佢一視同仁同埋只係想打好同事關係
係大時大節送花有時可能都係PR手段一種
上年情人節水水收唔到花都有話“呢啲人有我有既野我唔稀罕” 可能除了硬頸死撐都係因為唔接受佢嗰種手段
（言下之意今年佢需要啲人冇我有 ）

+1 同意
我覺得呢種都算係PR手段既一種啫，好似日本情人節女仔送朱古力俾男仔都係會全世界一起送。
只係會有分義理朱古力同本命朱古力。
（我有時情人節都會整朱古力送哂俾全世界）
最緊要送俾正主既嗰一樣野同送俾其他人既嗰一樣野唔同咪得。

同事我反而愛言嵐戀

我都係咁諗呀!

咩咩餵食嗰次真係覺得有啲over咗, 阿龔講嗰句"咁我咪即係嗒緊你?"真係好礙耳!!

係呀，呢句好易令人誤會架

所以我估花店對話，阿龔笑阿水買花比自己，然後講佢可以送花比佢，阿水就反擊佢又買哂比所有人，唔稀罕，警告佢未送

於是可能性一
自殺王白痴地信左，無預到阿水個份

可能性二
佢買返上年個數量，又預錯數，阿水無份

或者打算另送藍色玫瑰啦，但同阿水嘈完忘記左

但只要最尾阿水唔知阿龔忘記買花比佢，最後收到花又或者其他補償，阿龔忘記呢單野都係得我地知，水水唔知其實乜事都無

我有信心情人節唔會太過火，蓮輝除夕個集原本要分手都無事啦

+1 水水一定係特別既
可能錫完Jacky之後搵扎藍色玫瑰俾水水
龔:嗱唔好嬲啦送比你咯

咁又或者咁講啦，世界仔對全世界把口浪過油，係對自己鐘意個女仔小學雞又好似係一路以黎嘅角色設定黎嘅 都係嗰句啦，我哋大家女仔，自不然會坐係啊水個位去睇，但係如果要套劇好睇夠長做，大家要有心理準備編劇一定唔會咩都順曬我地意㗎啦！CP粉嘅要求夠甜就得，但站係成套劇角度，都要比返啲點個角色嘅。

岩岩有同我朋友傾，佢都有話可能係咁

即刻ｆｆ到個對話出黎：　


之後自殺王真係唔送

情人節真係唔擔心個劇情會虐
正因為水水係特別的存在先無social花
（如果收到social花咪仲慘 ，成張好人卡）
按以前情人節路數，每pair都係好收場，我相信編劇會有個好安排俾龔水，大家唔好洗咁擔心
雖然個死仔係唔抵幫

好大聲
龔：唔送咪唔送囉，惡到死