1. 一隻求婚戒指 10k up，你有冇錢？
如果有，唔該你提前量度戒指要幾大(唔覺意咁)，儲錢，揀一間高級少少嘅餐廳，黎一場驚天地，泣隔離嘅求婚。
2. 一輯靚靚婚紗相 10k up，你有冇錢？
如果有，西裝皮鞋婚紗頭飾呢啲唔該你執靚仔啲。
3. 一場夠體面嘅婚禮 500k up，你有冇錢？
如果有，唔該你首先搵下本黃曆擇個良辰吉日。再諗下婚禮咩形式(酒店？沙灘？教堂？集體？二人？)。禮服、囍糖、囍字、禮炮、利是、蛋糕、車隊，排場幾大？
有冇車隊？一圍幾錢？請婚禮策劃師？你啲舊同學請幾多？...
4. 樓 4m up，你有冇錢？
如果有，首期邊個比？借到幾多？寫邊個嗰名？裝修風格？周圍資源配套？...
5. 一次甜到蛀牙嘅度蜜月 50k up，你有冇錢？
如果有，地點揀咗未？亞洲？歐洲定非洲呀？咩話？要北極光？
仲有呀，你識唔識plan行程？坐咩車？食咩？有冇旅途小驚喜？小浪漫？bb，我要小確幸
6. 生小朋友 $？error
如果咁都有，生出黎邊個照顧？老竇老母？世伯伯母？定工人姐姐？母嬰裝備係咪傳說級？奶粉？人奶？
好多嘢煩呀
