獨遊北海道札幌函館稚內旭川8日7夜

有咩咁正？

但平時見開嘅apa最平可以200幾

你話美瑛站 ？

有溫泉200幾？

200幾呢間應該唔得，因為好近札幌站

12月中

咁又唔知
但上次住嗰間apa個浴場好似係熱水，唔係溫泉泉

上次去岡山都住左APA 400幾蚊晚
雖然間房好細但都乾淨好住

出名平

最緊要係假期唔會加價

Day 7
話說第一晚識左個馬來西亞人後，臨分別前交換左Facebook
佢叫我之後行程影相可以send俾佢睇下，所以嗰幾日都有傾下計
本身計劃今日朝早係札幌市內行街，去露營鋪睇下，
行完食円山Pancake然後去小樽
但因為嗰個馬來西亞人知我要去小樽佢話可以一齊去玩，
但始終啱啱識所以我有啲驚，就同佢講我係小樽個到Book左餐廳一個人食，到時佢都係要自己行
之後講講下佢就話朝早陪我去行露營鋪 但佢本身冇玩開露營嘅
最後出到黎變左係間露營鋪行下傾下計咁，但我就冇得隨心所欲睇自己想睇嘅野
之後佢帶左我去佢黎北海道之後成日去食嘅拉麵鋪
食完係附近搵地方坐左陣，佢俾左我睇佢之前去旅行影嘅相
傾左陣後我就同佢講我要去小樽喇
不過可惜最後冇時間食円山Pancake

碗拉麵都真係幾好食 但唔好問我係邊，唔記得左

食拉麵附近嘅地方都幾靚

今次揀左嘅酒店係小樽築港站再行多十分鐘左右
雖然要搭返兩個站先去到小樽，但嗰時見到小樽啲酒店普遍都比較貴



最後搵左呢間雖然唔係我鍾意色白色簡約系，
但係間房勁大 應該放到7個26" Gip
因為海景房貴啲我個時Book左山景房，但佢竟然俾左海景房我
一晚500蚊都唔洗 用埋Expedia本身儲落啲分變到400蚊有找

間房望出去嘅景 不過入夜啲雲開始出黎喇

酒店大堂都好靚 同埋服務質素好好，
拎行李個陣仲有人幫手㩒電梯，唔明點解會咁平

放低行李後就去小樽運河

一見到聖誕燈飾個腦就自己loop Back number首クリスマスソング
Btw咁多日以黎聽到最多普通話就係係小樽



真係幾靚

呢幾日見到好多被紅葉包圍嘅建築物

呢個Corner仔都幾靚 果然係個浪漫嘅城市
跟住就去左小樽硝子館到睇玻璃，小樽啲玻璃製品好靚
下次再黎嘅話就試下整玻璃

特登Book左間壽司食
見啲台灣Blog好多都講呢間，但亦有啲人話伏
不過搵其他出名啲嘅好多都Book唔到位，於是最後都揀呢間



結果係好食嘅 個服務員叔叔仲好Nice

食完野又係條街到周圍影




跟住去埋7仔印Postcard就返酒店喇
Day 7完
打埋聽日半日就完喇

幾靚wor間酒店

小樽站附近有間酒店，叫Smile Hotel，around $280 一晚

不過check in check out 時間好on9，9:00 要check out

Day 8 - Last Day
今日行程好簡單，一早去小樽三角市場食海鮮，跟住去多次小樽運河影相
然後去堺町通行下，跟住就去機場了
不過因為朝早遲左出門口所以有啲趕


三角市場係一條巷仔黎，入面兩邊有商店林立

呢間滝波食堂超多人排隊，但趕時間不了

蟹呀


因為最後一日嘅關係，所以對自己好好咁食左個豪華早餐
個飯啲海膽好甜好甜，蟹肉真蟹肉黎，絕對唔係小蟹柳扮晒蟹，真係好甜好好食呀
仲有後面Out focus左碗湯，真係有一隻隻帶子係入面，唔係得個殻咖
呢8日食左咁多野食都冇中過伏，特別啲海鮮真係好新鮮好好食
臨離開三角市場前去左間乾貨鋪買左幾包帶子，
個婆婆超好人俾左幾款其他野我試食，
佢知我係黎旅行，計平左我幾百Yen又送左幾粒糖俾我，呢到啲人真係好有人情味




呢趟旅行有種影同一地方日夜分別嘅情意結，
所以又特登黎影小樽運河嘅日頭
不過今日天氣麻麻，仲落緊少少雨，所以個景比起夜晚遜色好多
影完小樽運河就行過去堺町嗰頭，本身諗住去六花亭同LeTao買手信食蛋糕
但冇諗過都幾遠，先前一路行一路影相，加上又遲左出門口關係所以變左唔夠時間，
最後決定都係去機場先買啦，返去拎行李就走喇


落完雨啲黃葉痴晒係地下意外地靚

又係呢啲有紅葉痴住嘅屋

再見
北海道真係一個好地方 獨遊真係好自由自在
完

終於完整咁打晒成篇郵寄
平時好懶冇寫開日記嘅習慣，呢次心血來潮第一次打咁多字
睇到黎呢到嘅你地，好多謝你地冇嫌我長氣睇到最後
遲啲如果有時間就出埋啱啱去完嘅關西遊記啦

明信片沒六十字密密儘是異地故事
如像有你傾聽心聲一次又一次
就當我啲圖係明信片，係連登寄左俾大家

小樽運河朋友既反映係日頭係普通明渠

一個人住有少少驚

9點check out焗住啲人要早起
呢間酒店好似都係出名平

夜晚燈光閃閃好靚

黎緊都打算毒遊去稚內打個卡
留2日左右，都係市內遊走同埋去最北端
諗緊租車好定靠交通工具

如果係落雪季節應該租車會好啲

4-5月時期

等關西