呢兩日唔係好得閒,淨係可以出住少少先
聽晚盡量俾心機打多啲
Day 5 - Part 1
行程:札幌內陸機去稚內 -> 稚內防波堤 -> 宗谷岬 -> 寒野布岬
最後一站本身係旭川,結果出現啲弱智小插曲所以住左係稚內
再影低酒店個樣
下次黎會再住
懶得搵電梯係邊,差唔多日日都要體力勞動
又要再講多次,張機票真係好靚呀
未搭過其他國內線唔知情況係點,但新千歲呢到好方便,
Check In完行過隔離就係安檢,之後再行多幾步就已經到閘口喇,
成個過程半個鐘都唔洗
不過去函館嗰程入閘後要搭Shuttle Bus先上到機
得一個鐘機所以得杯野飲,未食早餐係機場買左呢個三文治好好食
好正
搭螺旋槳飛機視野好差,機翼位同機身成水平所以影相要就位
但成程機都係Keep住飛得唔高狀態,加上天氣好好出面超靚
條海岸線靚到
簡直係相機Memory殺手
諗起仙樂飄飄處處聞
好似童話世界咁
下面好多風車嘅地方會唔會就係宗谷丘陵
上網見到宗谷丘陵好靚,但好似真係好遠要自駕先去到咁,
下次又多一個理由再黎稚內喇
稚內機場一眼望晒
落左機之後諗住行李未到就去個廁所先,點知去完已經全部人拎晒,
啲職員仲好貼心一早咁幫我拎埋將個行李放埋左一邊
跟住機場門口就有架可以去稚內站嘅巴士等緊,
巴士啲班次係為ANA啲航班而設,如果飛機Delay會等埋,
官網寫住欠航嘅話巴士都會運休。
Day 5 - Part 1完