獨遊北海道札幌函館稚內旭川8日7夜

估唔到咁快追到live,btw比左正評絲打
睇到絲打day 2最後膽粗粗問有冇得食海膽飯果下我覺得唔知點解自己如果係絲打都會有同1個諗法,一個人去有咩野可以唔問都會唔問,但去到呢個好想食海膽飯既機會之下,唔食就食唔到,就點都會問
呢家好中
加油,等繼續出!!

係呀，我個陣仲要踩單車，好狼狽

有薰衣草睇個陣應該係旺季，來回應該要四千蚊以上
我去個陣淡季，二千四咁上下堆單

Day 3
行程：函館朝市 -> 見晴公園紅葉 -> 函館山

梳洗好之後去函館朝市

見到啲帝王蟹流晒口水 但係好貴同埋一個人一定食唔晒所以放棄左

其實我唔係幾鍾意食哈蜜瓜，但呢個勁甜勁好食


海膽同燒帶子 好幸福

買左個粟米一陣搭巴士食，唔知點解冇諗過粟米有核
最後係車食到有啲狼狽
去完朝市返酒店放低左啱啱買嘅手信就等巴士去見晴公園
搭左大概8字左右巴士就到喇








啱啱好到見頃階段，周圍都黃黃綠線咁好靚
加上人流唔多，有種自由穿梭係林間嘅感覺
又停係到set腳架自拍左好多張
雖然最想睇係滿山紅葉，但係呢到睇到嘅比上次去福岡靚好多






原來最靚唔係變晒紅色嗰陣，而係紅黃綠咩色都有啲嗰種漸變最靚



行到呢到有對日本老夫妻係到影緊相，
佢地見我自己一個就問洗唔洗幫我影一張，我話好，
影完之後個伯伯就話到我幫佢地影(我諗呢個先係佢地原意lol)
跟住佢地問我係邊到黎，我話香港，佢地話佢地都想去香港
簡單傾左幾句之黎就走Lu
呢到啲巴士班次好疏，Miss左一班就要等個幾兩個鐘
行晒成個公園後要等個幾鐘先有下一班車，
於是又再行又自拍多陣 又係公園嘅觀光案內所出面坐下Hea下

到公園嗰陣係11點，搭巴士出返函館車站已經3點
本身想去食Lunch，但Check左今日嘅日落時間係16:15
而我又想係函館山山頂睇日夜變化，所以又買便利店搭車食

又係野菜汁 個蟹柳飯團好好食！！


上到去準備日落了，而且氣溫明顯凍左好多
期待有火燒雲不過最後係冇嘅

山上望出去好蕭條，枯藤老樹昏鴉


望去另一邊就係另一番景象，
雖然唔算好清但至少唔係白濛濛一片都好滿足

人流開始多，搵左個位等入夜影相
再夜少少啲巴士一車車大陸團車上黎，
佢地上到黎仲要係咁逼
咁多日旅程入面見過最多人嘅地方一定係今晚






黎個函館山的日與夜



個人鍾意日頭多天，所以補多幾幅圖
影完落山架車都好多人，但當落到地面啲人流又唔知去晒邊
今日決定都係想食返琴日食唔到嗰間成吉思汗燒肉，


於是又搭返市電去金森倉庫，嗰陣大概6點左右，門口寫住8點前Full Booking，
於是我就入去問佢可唔可以Book 8點後一個人，
佢問隔黎一個大粒啲嘅一個人得唔得，然後隔黎嗰個諗左諗話Ok
呢兩個鐘冇咩做，有市電Pass係手，所以就搭車返酒店抖抖再出去



第一次一個人食燒肉 嗌左個60分鐘放題Set，
沙津、雞肉、某幾種羊肉、腸仔同蝦(呢個唔肯定)可以任嗌
最後有碗飯同埋一碗湯但唔記得左影低
另外再加杯啤酒，燒肉配啤酒最高！！
一次過黎晒全部種類嘅肉俾我試，勁多
啲羊肉冇咩騷味好食，白色碗仔裝住嗰碗醃過嘅肉好好食
淨係食嗰到都冇停過手燒+食左一個鐘，所以係唔夠時間另外叫嘅
最後食埋碗飯同湯超飽
太飽嘅關係所以決定又行返酒店，呢兩日來回左金森倉庫好多次
Day 3完

唔好想思請問咩叫做比較遲鈍的刺身 ?
但我覺得食便利店會正過食酒店早餐
因為包早餐嘅酒店大部分都係因為加左錢唔係咩？

咁你一定去過好多次日本喇
我到依定制霸左一半都唔夠

係幾唔錯嘅

多謝你咁有心機睇左咁多字
所以我覺得一個人去旅行係練膽好機會黎
如果有朋友一齊，我應該會叫佢去問/食其他野

淡季係咪姐係6月尾
想去睇薰衣草田但太貴腳步了

今日放假先有時間出到咁多，過多幾日應該冇時間喇
Day 4
行程：函館朝市 -> 五稜郭公園 -> 搭JR返札幌


今日真係好好天
張相中間有粒黑色圈圈係因為Sensor入左塵，
我都係到呢一日先發現，再睇返之前影好多都有一點係到



第二日黎函館朝市
呢間野好抵食，上面嗰Set 1350Yen，
細細碟嗰啲開頭以為會好伏點知全都都好味
至於個海鮮丼，唔可以話好好食，但係對得住個價錢


食唔到帝王蟹只好食帝王蟹腳
淨係食隻腳都成舊幾水
不過好好好鮮甜好多肉呀 啲殻仲要一早剪開晒

食完再行，經過飲左杯哈蜜瓜汁 連飲杯野都可以入去坐住飲
跟住去左間賣乾貨嘅鋪頭買左包入面一粒粒獨立包裝嘅鮮帆立貝做手信
個伯伯好好人偷偷地塞兩左兩粒俾我，同我講好食呀
離開朝市後就搭市電去五稜郭公園，又一個期待已久嘅地方





個天藍到

望落去好多紅葉 不過用24mm影影唔晒粒星

轉左用11mm先啱啱好影晒


幢大廈圍住個星影黎起

下面啲人圍住粒星黎跑步，到底係有幾捨意 ?




玻璃反光好勁




落公園行左陣

Bye bye下次櫻花季再見
跟住落黎又有蝦碌野發生
話說本身想食間叫做一文字拉麵嘅鋪頭，五稜郭站前有分店，
我一直以為五稜郭站前就係市電五稜郭公園站前，
之前話我將Google Map較左揸車路線，所以佢話4分鐘嘅路程我行左30分鐘先到
一行就行左去JR五稜郭站 但嗰時再食拉麵就會Miss左班返札幌嘅特急
於是唯有死死地氣係JR五稜郭坐返函館站，好好彩係佢咁啱有車，
返返函館站已經開始急步行，本身時間應該啱啱好，
點知經過7仔買少少野諗住一陣上車食，嗰時7仔買野有得抽獎，
咁啱又俾我抽到好多野食同野飲，搞左一輪大豐收咁樣出返去
然後衝返酒店拎返寄存嘅行李，
又點知個Staff搵我個行李搵左5分鐘有多
到拎返跑去車站嗰陣架特急啱啱好走左
最後只好Book下一班車 不過又係好好彩地下一班車係一個鐘後，
但呢個時候都係唔敢再亂行，坐左係車站出面食7仔啲野食等車算
到嗰時我開始認真睇個Google Map搞咩，終於俾我發現咩問題
真係覺得自己好On9


五稜郭去函館架車得一卡好可愛

7仔嘅收獲

後面睇以為係肥哥基但正面睇好似係秋田黎
雖然秋田黎講好細隻但係佢塊面好肥好圓所以唔似柴犬

返到札幌就天黑了



呢間Tokyu Stay Sapporo超正重點推介
新開冇耐，有大床、靚廁所、仲要間間房都有洗衣機同微波爐！
Check In嗰時仲會俾埋洗衣粉你
一晚$443 如果唔係自己一個住除返開人頭應該會平啲
放低晒啲野後就去食北海道名物湯咖哩

間野有條樓梯行落去，入到去都要排一陣隊

好好食
個飯有得揀份量同埋咖哩可以選擇辣度，我揀左Medium，唔辣但好香口
而個炸雞係我肚餓加嘅，好似300Yen 有點3-4舊
食食下隔離有個日本人問我有冇去北海道大學睇銀杏，
隻隻字都聽得明，但係就係唔明こうよう係咩意思所以唔敢亂答
如果佢講もみじ / イチョウ我都應該會明
之後佢用Google search北海道大學銀杏嘅圖俾我睇我先肯定
我同佢講早幾日睇左 佢話佢聽日去就off左topic
其實好想同佢傾落去，但係我驚聽唔明/唔識講所以冇繼續
我諗佢都係同樣諗法

好可愛嘅路障
Day 4完

函館冇直航都可以年年去一次
我想制霸其中一個原因係我想去多啲唔同地方先
如果鍾意先再去多次，咁樣就唔係成日重複
不過如果未制霸但又好鍾意嗰到我都會再去嘅

啱啱search左嗰條鐘路，好似都值得去咁

直航無問題呀
最緊要係無uo

比d雪卡住左㗎車
成日要落車摌雪推車

我都係
但唔喜歡札幌小樽函館

推，我真係一個去玩多個同fd,一個人感受會深d 同埋 會大膽d，撩人同比人撩機會大好多

巴打一年去4次北海道

你都講得啱