估唔到打左成晚都打唔完Day 5
Day 5 - Part 3
行程:札幌內陸機去稚內 -> 稚內防波堤 -> 宗谷岬 ->
野寒布岬
唔好意思上面好幾次打錯左做寒野布岬
一開始Plan行程嗰陣係諗住好戇居咁去防波堤同宗谷岬就去旭川
之後俾我搵到個叫野寒布岬嘅地方可以睇到日落,
因為我個人對日出日落星星藍天大海呢啲都幾著迷,
所以見到可以望住個海睇日落嘅地方就決定如果當日好天就要去
咁啱嗰日又真好好天,Check埋當日嘅日落時間後覺得好Prefect池
去完宗谷岬返返稚內站係15:43分,去野寒布岬嘅巴士15:49開,
啲時間真係好似無縫接軌咁
由落車嘅巴士站到野寒布岬大約5-10分鐘腳程,
嗰時一落車個太陽已經開始落緊,我驚影唔切所以就一路跑一路影
跟住落黎只可以用多圖黎形容個日落嘅美
咁大個第一次睇到跌到落海平線嘅日落
呢張好浪漫呀
因為Book左17:46坐特急宗谷去旭川關係
所以睇完日落就差唔多又要出返去搭巴士,
但因為一落車就掛住跑去影日落,所以出返大路之後唔記得左啱啱落車嘅巴士站係邊
雖然個陣先5點,但周圍已經黑晒路燈又少,我又唔知點用Google Map可以搵到個巴士站
個刻真係有啲驚,行左一陣經過一間民居見到有個呀婆開左門行左出屋企個花園仔,
我就大聲嗌唔好意思,跟住走左入佢花園問巴士站係邊
個呀婆都好好人咁行多幾步出左自己屋企範圍再指俾我睇巴士站位置
唔該晒你呀呀婆
之前都講過我平時係個毒拎黎,個刻可以咁樣問真係覺得自己好大膽
不過唔問我可能真係出唔返去,因為直到去到呀婆屋企之前都一直行錯左方向
最後順利返到車站
準備搭呢架特登宗谷返旭川
Day 5 - Part 3完
如果遊記一開頭有留意我嘅行程嘅話都會睇到我係Day 6先出旭川嘅
其實係因為中間發生左啲事所以折反稚內第二日先去到旭川
下一篇會講下發生咩事,其實好係無聊但係要講又會好長
但係我又想打詳細啲俾自己記住呢件事,所以如果下一篇嫌長嘅可以直接Skip走佢