妙奶夾撚傑
2019-01-04 23:57:10
「唔好理，總之我係嚟幫手！」我打開擴音器回應。
其他警車沒有再回應，看來他們總算暫時把我當作一份子。
眼看賊車近在咫尺，警車陣快要將它包圍之際，車上賊人卻再突然加速，
致使其中數輛警車收掣不及「炒埋一碟」。
我繼續追趕賊車，並打開擴音器大叫：「前面架黃色車立即停低！」
「死差佬，仲追嚟？」我隱若聽到車上男子咆哮，並單手把槍伸出車外向我射擊。
「哇！」我馬上把上半身捲曲到車箱內。
當我聽見槍聲停止後馬上回復正常坐姿，賊車已再度加速逃離。
-----------------------------------------------------------------------
A：自己繼續追趕
B：打開擴音器命令附近車輛組成「沙包陣」
C：致電Ella
D：下車扮作警察，徵用附近可用車輛
妙奶夾撚傑
2019-01-05 01:39:15
我單手拿起電話致電Ella，邊駕駛警車邊聊電話的人，想必我是香港第一人。
「嘟...嘟...嘟...」電話接通了。
「你宜家喺邊啊！！！」Ella率先緊張地問。
「無啊！啲賊全部俾警察搞掂哂啦，我返緊屋企，哈...哈哈...」我隨口編造了一個善意的謊言。
「你呃人！！！」Ella依然十分緊張。
「放心啦，真係無問題咧！」
「哇！」我太投入於聊電話，一個不留神差點撞到前車。
我扭軚避開後，竟然看見賊車停靠了在路邊。
看來是機件故障或是電油用完了，天助我也。
我手執M4玩具氣槍，慢慢把車靠近賊車。
「癡線佬，你好彩！架車又無油，枝槍又無彈！唔係我會怕你枝玩具槍？」賊人咆哮。
「落車，放低槍，雙手擺頭！」我模仿電影中警察的台詞。
「嘿！估唔到咁好昆！話無彈你就信」賊人舉起AK-47，準備向我射撃。
近距離被AK-47射中大多都必死無疑，而且我根本沒有足夠時間走避...
「嘭！」突然一聲巨響由賊車方向發出，原來是真的警車趕到，從後直接撞向賊車，令到賊人的AK-47失手掉到地上。
不過賊人於AK-47掉在地上時已扣動了扳機，因此還是有一發子彈發射了。
而這發子彈，依然打中了我...
「中...咗...槍...添」說完這四個字後，我漸漸失去意識。
-----------------------------------------------------------------------
[本次沒有選擇]
[主角受傷]