gary講既野係合理既,始終係一盤生意佢同Don都要揾食。只不過可能要再諗下而家咁會唔會偏離左本身開CLK同Thug既本心。我諗歸根究底都係租金成本太貴,你盤生意如果太離地根本做唔住。
大家唔好針對gary話佢淨係睇錢,雖然我覺得佢而家睇錢多左(正常既因為咁大間鋪盤生意越來越大,佢都要養伙計),但係肯定唔止佢一個係咁(我諗包括Don同佢班徒弟都要揾食養家,想賺多兩個錢都好正常)。我地希望既係大家揾到錢夠過生活之餘可以保持返當初想推廣油頭文化既初心,而唔係要賺到盡成為一盤只講錢既生意。
我既諗法係黑玫瑰要控制成本,唔好掛住開分店做大個餅食market share。不如光明正大開間主打速剪既barbershop作為黑玫瑰副線,可能收費平d時間短d,當俾新師傅練手或者舊人每星期去一兩日當賺外快。而黑玫瑰本店就主力做熟客或者想真正感受barbershop 既客,可以做appointment only甚至做埋油頭學校教人剪油頭。有唔同定位去應付唔同客人需求。
希望CLK同黑玫瑰越做越好,大家繼續開心玩油頭