【甜中帶苦】 [互動][育成] [奇幻]廢棄都市調查隊

係楊澄雪？？

「好啦，咁我番去先。」


回到營地，你見寧思跟皮皮各自吃著錫紙包內的食物。


你見寧思似乎只為你一個人準備食物、


看來她也沒預算楊小姐會加入聚餐。


皮皮：「附近冇咩唔妥呀嘛？」


你看著皮皮，思索了一陣才回答：


「冇...楊小姐就係附近巡邏、有咩問題佢應該會幫手。」


寧思托一托眼鏡：「話唔定，個問題就係佢呢....」


「寧思.....」


你始終不認為楊小姐是壞人，希望寧思可以放低成見。


「楊小姐佢....唔似係壞人黎既，佢幫過我地，


唔好成日咁諗人啦。」


寧思：「乜壞人.....有樣睇架咩？」


「唔係，我覺得佢唔係啫....」


她的語氣仍然沒有起伏：


「咁你覺得......我係咪壞人？」


你望住寧思，現在的她連那份淡淡的妖媚都消失了;


頂著一副大眼鏡，


楚楚可憐的樣子簡直就是個人畜無害的文學宅女。


怎會跟壞字扯上關係？


「冇可能係囉，我未見過壞人會同一日內俾人捉兩次。」


「哼！」寧思將頭側過去。


皮皮：「無論佢係咪壞人都好....我都想同佢講聲多謝。」


對皮皮而言，楊小姐不單是替自己解圍這般簡單。


寧思站起身來，「哼」了你一下就回到自己的帳幕。


皮皮看著她的帳幕對你說：「佢.....以前就係咁。」


「以前？」


皮皮：「好耐之前啦....成日疑神疑鬼、驚左驚右。」


「你地識咗好耐？」


皮皮看了你一眼，又將眼神聚焦在寧思的帳幕：


「我地.......」她點頭。


你見她又試欲言又止，衝口而出就問了她一個問題：


「我到底叫咩名？」


皮皮放低手上的食物：「你覺得呢....？」


「我.....」


「係咪.......」


她對你笑了笑：「你有答案....再話我聽呀。」


你看著她回帳幕。


明明有一個名字要到口唇邊，最後卻偏偏說不上來。


你看著火堆將要熄滅的火炎，心中有種惆悵。


明明都算出生入死過....卻各懷心事。


這裡分別三個帳幕，終究也連不起來。

夜半，尿意襲來，你想起床解決。


帳幕的拉鏈拉到一半，便見寧思的帳幕打開，


你走過去卻發現帳幕空空如也。


你應該？


A : 試著尋找寧思的身影


B : 隨便找個地方解決便回帳幕繼續睡

竟然仲記得佢

A

A
又被人捉左就神作

A

一個念頭從你心中閃過，你反了反白眼：「第三次...？」

你打開皮皮的帳幕，想叫她起來；但你發覺自己怎麼搖，

皮皮依然呼吸平穩，完全沒有要醒的跡象。

你看著她起伏的胸脯，舔了舔唇。

你用力捏了一下她沒受傷的那邊胸部；馬上動身出發。

你一邊走，一邊看著自己捏胸的那隻手掌心。

「冇錯呀.......」

你想了想，發覺一時三刻都無法理清心裡的各種想法；你摸黑亂走，希望能夠撞見寧思。

你不敢在這時間大呼小叫，生怕把什麼惹不得的生物引來；自己遇上了倒不是問題，

最怕找著帳幕那位睡公主，會生出什麼事端來。

走了不遠，終於被你聽到一把放得很輕的女人聲在說話：

「我有野要問你。」

你皺一皺眉，那把聲太細了，難以聽得清楚。

「點解要行到咁遠問？」

你聽到另一把聲，便認出回答的人是寧思。

那麼，發問者可以肯定是楊小姐了。

楊小姐：「免得你既朋友知道關於你既秘密。」

寧思：「我既秘密？我有啲咩秘密？」

聽到「秘密」兩個字，你應該？

A : 非禮勿聽非禮勿聽

B : 繼續！

俾人姦死左

B！

b

為了更加了解隊友，你當然選擇繼續聽下去。


楊小姐：「到底....係邊個帶你番黎？」


你聽不懂，寧思也聽不明白。


寧思：「我唔明你講咩...」


楊小姐：

「佢地已經俾我落咗咒，暫時都唔會醒；


如果你合作，我可以選擇俾你留多喺度一段時間。」


寧思：「我真係唔明你講咩喎.....」


楊小姐：

「你被人落咗一個強度好高既黑魔法-返魂咒...」


寧思：「你可唔可以講啲我聽得明既說話？」


你聽到返魂咒的時候，心中忽然一揪。


楊小姐：

「你已經死咗，只不過係俾人強行召喚番人世。」


寧思：「我已經死咗？」


楊小姐：「冇錯...」


寧思：

「我從未聽過啲咁荒謬既說話...你想殺咗我，係咪？」


楊小姐搖頭：

「根本唔再存在殺哩個行為；你一早死咗，


我只係要帶你離開哩個世界。」


寧思：

「我早就覺得你唔係好人，估唔到你用既藉口...咁離譜。」


楊小姐：「好人壞人，並唔係咁去區分；只要....


你肯答我係邊個幫你召喚番靈魂既話，我可以繼續...


俾你同你朋友完成你既任務。」


寧思：「我唔知你講乜野...」


楊小姐：「頭先你進食既時候、食物係咪淡而無味？」


「靠住營火既時候、身體係咪感受唔到溫暖？」


「四肢由指尖開始僵硬冰冷，慢慢開始蔓延？」


寧思：「我冇你講既哩啲感覺。」


楊小姐：「逃避唔係一件好事。」


寧思：「咁你呢？」


楊小姐：「我點...？」


寧思：

「你話你自己姓楊...幾年前，前任使徒、排名73，


代號女槍既楊澄雪.....係你邊一位？」


使徒....？


你聽到這個名稱感到錯愕。


寧思：

「我睇過當中仲有紀錄既一啲戰鬥片段，


同你今日作戰既我風格好相似，而且.....


大家用既都係極具武學歷史既楊家槍法。」


楊小姐並沒有回應，論到寧思向她搶白：


「問題係...兩年前官方已經將楊澄雪既檔案關閉、


紀錄顯示已經發現到佢唔齊全既遺體.....確認完全死


亡；哩個女仔....你認識嗎？」


-「死而復生既，到底係邊一個....？」


眼見楊小姐並未作出回答；寧思繼續狙擊：


「我哩度仲有一張佢既照片，需要我拎俾你回憶吓嘛？」


楊小姐終於開口：「你所指既係...果部平板係咪？」


寧思抖了一下、楊小姐：

「我早就好奇、仲有電子產品能夠係屏障裡面使用...」


她朝寧思伸手：

「俾我。」


寧思：「我唔會俾你，你都唔會識得用....」


楊小姐：「冥頑不靈....」


手一顫、長槍的槍尖已直指寧思：

「我問最後一次，到底係邊個令你重返人世？」



不得了！這時、你打算怎麼做？


A : 大聲喝止


B : 事不關己 轉身逃離


C : 武力介入


D : 隔岸觀火

A

唔係選擇， 睇下就好
A 最多被人一餐毒打姐(男主很享受)

C 武力介入。。男主有戰鬥力咩

有㗎
「喝！」

個段笑到

「停手！！」


一聲大喝，你驚動了她們。


楊小姐嚇了嚇：「冇無理架，點會...？」


在繼續之前，請選擇你的立場：


A : 相信楊小姐的說辭


B : 相信寧思的說辭


C : 兩不相信


D : 兩者皆信

笑死

咒語到底係咩，定係冇咒語

D 我份人好易信人

D

真係死而復生， 又點
依家活著咪得
生死有命， 復活之後條命就唔係命?

「咪嘈！」


你又喝了聲、在這時份顯得格外刺耳。


「你地兩個都係鬼！」


寧思：「你講乜野...」


楊小姐：「你唔可以咁樣講...」


「唔準打交、唔準起爭議！」


「.....兩個我都信、兩個都唔係人、好冇？」


寧思雙眼一反：「冇人問你意見....」


楊小姐：

「到底點解你會醒得到？點解你行過黎一啲氣息都冇...」


「就算楊小姐你死無全屍....」


楊小姐皺眉，帶著異樣的目光望向你，


手中的長槍似乎難以再對準寧思。


「就算寧思你已經死咗、我都....」


寧思：「豈有此理、你再亂講吖！」


寧思這時手中已多了把短槍，槍口已指著你。


「喂喂.....冷靜啲？」


原本你想用大愛感化兩個不知道在爭吵什麼的女人，


好端端的兩個人怎會是死人呢？


你沒想到還沒把「我都會當你地係同伴看待」講完，


寧思已經用槍指住你。


「你冷靜呀嗱....」


寧思：

「你件垃圾、人講咩你都信；我講咗姓楊既有問題架啦！


依家人地拎槍指住我啦！仲嘈！」


「.....你都拎槍指住我，打和啦好嗎？」


寧思：「我....頂！！！」


「隊友呀！我地係隊友呀！」


寧思：「隊你個....我唔要再同你條廢柴一隊吖！！！」


眼見寧思久違的激動，你應該？


A : 雙手舉高投降


B：向前翻滾找掩護


C : 向楊小姐求救

A

A
然後執行抱抱戰術指令

A