【甜中帶苦】 [互動][育成] [奇幻]廢棄都市調查隊

620 回覆
23 Like 6 Dislike
2018-12-28 16:39:44
A
2018-12-28 17:39:10
主角到底有乜用
2018-12-28 17:43:26
樓主話可以害死隊友
咁可唔可以害死埋主角換人
2018-12-28 17:56:11
「一唔一齊....去食飯?」

皮皮:「....你做咗咩訓練?」

「我去咗...練靶。」

皮皮打量了你一番,似乎沒有太多的期許:「到時記得點開槍就最好啦....」

你皺一皺眉,覺得自己的失憶症不至於那麼嚴重吧?

雖然剛才的訓練....成果不堪入目。

皮皮拉一拉外套,徑自走遠。

「啊.....?」

對方回頭喝了你一聲:「又話去食飯?」

你應了她一聲,邊行邊對這段男女關係的不平等感到吃力。



走入飯堂,你見到寧思正在吃飯;身邊還坐了一個大漢,與她有講有笑。

你跟著皮皮走向櫃台點餐,你會選擇:

A:焗豬扒飯

B:肉醬意粉
2018-12-28 17:58:51
暫時...得強運
2018-12-28 18:02:35
死咗就bad end當二周目啦

會飛劇情 但會勁啲
2018-12-28 18:04:02
咁可唔可以飛10次
無敵開局
2018-12-28 18:05:10
點解窮撚餐
A
2018-12-28 19:06:29
咁重玩乜
2018-12-28 19:11:40
皮皮見你點了一客焗豬扒飯神情一凜,自己捧著一份意粉離去。

你接過一客焗豬、跟上皮皮的腳步,問:「做咩呀?」

「冇,你以前........都好鍾意食焗豬。」

你皺眉,不明白「以前」的含義。


皮皮沒有選擇跟寧思她們一起吃飯,自己坐在飯堂的一角。

你望一望寧思,見她仍在與那大漢談笑,便沒去打擾。

「如果你想叫我同佢地坐就免啦。」皮皮卷起盤中意粉、斜眼一望那對男女。

你搖頭:「唔係呀,冇所謂。」

皮皮繼續低頭用餐;平來想藉著這時間交流的你,沒想到會陷入這種尷尬之中。

你總覺得你跟皮皮之間好像有道隔膜,要說是因為自己失憶的關係所致,

也不至於令皮皮待你這麼冷淡吧?

「我係咪....激嬲咗你?」

皮皮頓了一頓:「咩話?」

「我係咪....失憶之前對你做過啲咩事,你嬲咗我?」

皮皮張開口嘴,正要將叉子上的意粉送到口中;聽到你這句說話,苦笑了一下,放低了餐具:

「冇事....聽日要出任務,我有啲緊張啫。」

「如果我做錯過啲乜野,你要同我講;我連自己叫咩名都記唔起...你不如話我知呀?」

皮皮與你四目交投,眼神有些黯然:

「你好快會記番起自己叫咩名架啦....我想你到時話我知多啲。」

「咁...我以前做啲咩架?」

對方皺一皺眉,支吾以對:「你係.....一個警察。」

—噗!!

枱面被你噴得四處都是飯粒,你吃了一驚:「警察??」

皮皮完美閃躲那些噴出來的飯粒:「嗯、做咩...?」

你回想起剛才槍械訓練時自己使槍的模樣,實在覺得自己不可能當差。

「冇....我諗我應該要番學堂受訓多次啫。」

皮皮鮮有地笑了,並向你遞出一張紙巾。

你擦了擦嘴,自然地刮走豬扒上的茄汁,將豬扒切開一半放到皮皮的意粉上面,

這似乎是你跟她的一個小習慣。

現在的氣氛才算得上是情侶吧...?

「因住肥呀...」

你望向皮皮,卻發覺她在流淚。

「做、做咩....?」

皮皮雙眼通紅,勉力壓抑卻止不住淚水:「你以為....你唔會記得哩啲....」

她明明因為你的失憶而受盡折磨,卻又得在你面前強裝堅強....你極之痛心。

此時,你應該:

A: 吻她

B: 為她擦去眼淚
2018-12-28 19:12:45
唔會咁容易既
2018-12-28 19:34:06
B
溫馨d
2018-12-28 19:36:55
btw 都估到揀食物係比皮皮回憶返以前主角嘅口味
但如果揀咗意粉
會唔會都係講係以前嘅口味
定係會講主角失咗憶 口味都轉埋
暗示主角會愛另外一個
2018-12-28 19:41:00
後者
其實可以唔一定揀皮皮
2018-12-28 19:52:12
B
2018-12-28 20:07:08
皮皮見你點了一客焗豬扒飯神情一凜,自己捧著一份意粉離去。

你接過一客焗豬、跟上皮皮的腳步,問:「做咩呀?」

「冇,你以前........都好鍾意食焗豬。」

你皺眉,不明白「以前」的含義。


皮皮沒有選擇跟寧思她們一起吃飯,自己坐在飯堂的一角。

你望一望寧思,見她仍在與那大漢談笑,便沒去打擾。

「如果你想叫我同佢地坐就免啦。」皮皮卷起盤中意粉、斜眼一望那對男女。

你搖頭:「唔係呀,冇所謂。」

皮皮繼續低頭用餐;平來想藉著這時間交流的你,沒想到會陷入這種尷尬之中。

你總覺得你跟皮皮之間好像有道隔膜,要說是因為自己失憶的關係所致,

也不至於令皮皮待你這麼冷淡吧?

「我係咪....激嬲咗你?」

皮皮頓了一頓:「咩話?」

「我係咪....失憶之前對你做過啲咩事,你嬲咗我?」

皮皮張開口嘴,正要將叉子上的意粉送到口中;聽到你這句說話,苦笑了一下,放低了餐具:

「冇事....聽日要出任務,我有啲緊張啫。」

「如果我做錯過啲乜野,你要同我講;我連自己叫咩名都記唔起...你不如話我知呀?」

皮皮與你四目交投,眼神有些黯然:

「你好快會記番起自己叫咩名架啦....我想你到時話我知多啲。」

「咁...我以前做啲咩架?」

對方皺一皺眉,支吾以對:「你係.....一個警察。」

—噗!!

枱面被你噴得四處都是飯粒,你吃了一驚:「警察??」

皮皮完美閃躲那些噴出來的飯粒:「嗯、做咩...?」

你回想起剛才槍械訓練時自己使槍的模樣,實在覺得自己不可能當差。

「冇....我諗我應該要番學堂受訓多次啫。」

皮皮鮮有地笑了,並向你遞出一張紙巾。

你擦了擦嘴,自然地刮走豬扒上的茄汁,將豬扒切開一半放到皮皮的意粉上面,

這似乎是你跟她的一個小習慣。

現在的氣氛才算得上是情侶吧...?

「因住肥呀...」

你望向皮皮,卻發覺她在流淚。

「做、做咩....?」

皮皮雙眼通紅,勉力壓抑卻止不住淚水:「以為....你唔會記得哩啲....」

她明明因為你的失憶而受盡折磨,卻又得在你面前強裝堅強....你極之痛心。

此時,你應該:

A: 吻她

B: 為她擦去眼淚
2018-12-28 20:28:26
你握著她的手,拿起紙巾輕印皮皮的臉龐。

她的手、她的臉....很冰涼,你想用自己的體溫將這位外剛內柔的女孩溫暖
起來。

她怔了怔,看著你雙眼的萬縷柔情.....

打了你一巴。

你還沒意會到發生什麼事、她已經衝出飯堂,丟下你一個。

「嘶.....癡線、咁大力既....」

你撫著發燙的臉,想不到皮皮率先「溫暖」了自己;你不知道她為什麼會忽然發神經,

自己明明沒有做出什麼越軌的行動。

「佢係咁架啦、我勸你...都係唔好追出去。」

寧思一笑、取代了皮皮的位置。

「啊....寧思。」你向寧思點了點頭。

她嬌笑:「呵呵、你仲記得我啵。」

你但覺有些尷尬,便問她關於皮皮的事:「皮皮佢....我地以前拍拖都係架咩?」

寧思:「唔....唔係,係你手術前後佢開始神神化化咁解。」

「我...做過咩手術?」

寧思指一指自己的頭殼:「你頭部受過重創,曾經昏迷過好一段時間;最近先醒番。」

你摸一摸頭,生怕會碰到什麼傷口:「啊.....咁樣。」

寧思見你仍是如夢初醒的樣便微笑:「唔緊要既,慢慢黎啦....」

她拍一拍你的膊頭:「今晚早啲休息啦,聽日....」

先係真正既開始。

目送寧思離開後,你選擇:

A : 回房休息

B : 接受近戰訓練

C: 去見皮皮
2018-12-28 21:48:51
B
話說諗好主角名未
2018-12-28 22:40:43
未啊
2018-12-28 23:10:29
你接受完接近戰訓練後身心俱疲,一回房間,突覺頭痛欲裂,天旋地轉,

頃刻間失去知覺。

朦朧間,你看見一個含糊不清的身影。

那身影之旁,有一個比較清晰的人影,他跪在地上,軟弱無助。

你試圖走上前,看清楚發生什麼事。

那身影忽然朝著跪低的人影抬手,掌心有一道紅光綻開—

「唔、唔好!!!」


你從惡夢之中驚醒,出了一身冷汗。

發覺自己已經坐上了出發前往「廢都」的車輛,不知何時被換上了一身質感奇怪的戰鬥服。

同車有幾名身穿黑色制服的人正護送著你。

你獲分配一大個背囊的物資,除了基本的求生物資外,你會希望背囊裡面有?


A:若干朱古力條

B:一張毛毯

C:一包煙
2018-12-29 00:03:57
A
2018-12-29 00:39:54
到站後,寧思跟皮皮各自背上一個大背囊下了車。

皮皮:「你等等我地,我地要點一點啲物資...唔好亂郁。」

隨後,你被前方一條荒廢了許久的鐵路所攝;路軌上早已長滿雜草,甚至有些奇形怪狀的朽

木,驟眼看通車已絕不可能,便連行走也應該十分吃力。

忽然,你看到一件黑色斗篷在朽木之上飄揚....

你認真細看,發現那竟是個人!

你心中莫名生起一股躁動,但覺那黑衣人極不尋常;不消一會,全身已雞皮疙瘩。

你選擇?

A:衝向鐵路捉拿

B:向皮皮報告
2018-12-29 01:22:53
B
2018-12-29 03:24:35
「皮皮....」

皮皮拿著三個白盒,剛要去找你,便見你匆匆走來:

「喂、你過黎,同我戴住佢...」

皮皮打開白盒,拿出一條銀色的頸鍊要你佩帶。

「我、我見到果邊條路軌有條友企咗係度!」

皮皮皺眉:「.....咩路軌?」

她邊說、邊為自己扣上頸鍊。

「你跟我黎呀...係前面呀...」

皮皮忽然喝令:「你同我企係度!!

你停一停步、轉頭再看已不見那黑色斗蓬的縱影。

「唔見咗既....?」

這時,皮皮從後用力一扯,你差點就失去平衡往後摔:

「你做緊乜野?咪叫咗你唔好亂郁囉?」

你指著路軌:「但...果度、頭先、明明....」

皮皮反一反眼,然後又輕輕嘆氣:

「你唔好郁。」

你決定投降:「係...」

你感覺皮皮的手繞過自己的脖子,為你扣上那條奇怪的頸鍊;

你見頸鍊的吊垂部份竟是一顆不大不小的紅寶石,更感詫異。

「咩黎架...?」

皮皮:「你當係...通行證,幫你安全出入廢都架...等埋我同寧思你先好行。」

「吓...?」

你聽得一頭冒水,不知道一條頸鍊怎麼可以當作通行證。

寧思正在測試手上一架航拍機,只見她肩上掛了一支長槍,腰帶又扣了一把小手槍,

與她那種四眼斯文的樣子十分不合。

她自言自語:「好啦,就怕入到去用唔到...」

皮皮給遞上一個白盒;寧思吸了口氣才敢自她手上接過:「係咪冇問題啦?」

見寧思點頭,戴上了頸鍊;皮皮便轉身向隨行人員報告。

寧思見你無所事事的樣,便走上前問:「係咪好壯觀?」

「咩...?哦.....都係既。」

你望向前方盡是野草爛木、荒涼得很;確實難以想像這裡以前是個繁華之都。

嗯...千忻唔好死。

你一臉疑惑的望向寧思,她「哈哈」一聲,拍拍你膊頭以示鼓勵。

皮皮:「可以啦,我地...可以入去啦。」

「入...去?」

皮皮點頭,帶著你們倆一路往前走;走了一段後站定:

「唔洗擔心既,條頸鍊可以保護到我地;避免受到廢都入面瀰漫既魔力影響;

入到去千萬唔好除低條頸鍊。」

你但覺自己聽到了一些不得了的名詞。

「好...」她吸了口大氣,往前走了幾步,剛好走上了路軌。

寧思搖一搖你的衣袖,要你先走;你不明所以徐徐走向皮皮。

寧思卻在發抖,她緊抱住那架航拍機,不住自我催眠:「冇事既冇事既冇事既.....」

閉上眼睛,才敢快步衝前;那知剛到路軌,就被鐵軌絆了一下,她馬上失聲尖叫,

帶著航拍機撞向你的胸前。

你接住寧思往向倒,不斷安慰;皮皮看不過眼,扶一扶你們倆。

「真係冇事?太好啦.....」寧思緩緩呼出一口氣,慢慢定下神來。

似乎在場就只有你不知道寧思到底在怕什麼。

皮皮:「好啦,我地出發啦......沿住路軌行,應該唔使好耐就到去到市中心。」

她又補充:「如果哩度冇變既話。

「我地...任務目的係咩?」

皮皮:「目的有兩個:

一,調查哩個廢棄都市係哩兩年黎有咩異樣;

二,避免同其他國家起衝突既情況下去到市中心。」

你心知不妙:「其他國家....?」

「我地或者....好可能會係路途遭遇其他國家既小隊;例如....中國、美國、日本、台灣....

實際上有幾多國家有份參予我唔清楚,但我地最好盡量唔好同佢地接觸。」

「佢地都係以市中心為目的地?」

皮皮點頭:「我估就係...」

「市中心有啲乜野咁緊要...?」

皮皮搖頭:「我唔清楚。」

「所以...我地要決定小隊既方針。」

你會選擇?


A : 目的一 — 沿路調查為主

B:目的二 — 盡早抵達市中心
2018-12-29 06:02:34
幾時會有返諾亞岀場
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞