[開心速遞]熊若水龔燁 供水線集中討論區（8）

件衫同早兩日猜包剪揼一樣，應該係農莊戲由日拍到夜，難得一大班人出外景希望到時分兩集啦 就算唔係龔水主線，只要龔水有互動同進展咁大圍戲都無問題

Agger

我都覺水水似Griffyndor~
衝動, 有義氣, 冇機心,夠勇

仲唔到龔水黨都有咁多哈迷 好surprise

突發奇想如果有集係佢地cosplay harry potter應該幾好睇

耕田個日個造型

似係夜晚camp fire

許願池
FF古裝或者FF魔法學校諗起都好笑

等同人文可能會快啲~

好難拉落去
大家姐新劇本？

最簡單就接龍有員工活動要比賽之類,
個個都FF同其他人鬥,
就好似之前寫接龍精英寫proposal嗰集個古裝FF咁
btw我想睇鄧不利威

終於有好嘢會預阿水

我睇到既時候都好感動！

呢集我都好感動 終於有樣野唔係大家姐同三妹行先，不過日出都係留返龔同水水睇啦

見大家j得咁興奮咁熱烈，我忍唔住又ff咗一堆野....

(初戀Café)

龔：Hey ladies!
水：又想點啊你~~
龔：冇咩點，想一齊......食個飯啫!
水：你見唔到我哋girls’ talk緊架咩?!
David：其實都ok嘅，坐啦阿龔
水：David!!!
David：算啦又唔係啲咩秘密野
龔：講緊咩呀大家?
Helen：哦我哋啱啱傾緊個電台節目啫，Mary最近好迷戀嗰個DJ......
水：Helen!!!
龔：乜你啲興趣咁pure...咁...classic嘅 (笑) 不過話時話，之前都有人讚過我把聲有啲似DJ鄭子誠架!~~ (貼近水耳邊低語) 點呀，係咪好有磁性呢?
水：(急速臉紅彈開) 嘩會唔會啊人哋好聽咁多，你個朋友有冇相熟嘅耳科醫生啊? 如果冇我介紹個比佢快啲去睇睇啦好嘛!
龔：唔識貨~~
羊：咁不如阿龔你用電台tone即場講兩句呀，最好梗係韓文啦!
龔：好啊，聽實啦各位，咳咳，Chal ji-nae-shŏ-ssŏ-yo? 閂冷氣唷 ......
水：停，閂咩冷咩氣啊，乜野呢架?!
龔：唔啱咩? 咁應該點講啊?
水：係「사랑해 (我愛你)」 呀!!!
龔：哦...係呀! (偷偷甜笑) 雖然我啲韓文係弱咗少少咁多，不過我保証其他語言絕對冇問題，包你聽出耳油....
水：你就繼續blow water啦你!
龔：(一串日文)
眾人驚嘆~~~
水：乜原來你真係識日文架? 點解嘅?
龔：冇嘅，以前涉獵過下日本餐飲業咁啫，本身個人太聰明一學就識都冇咩辦法。點呀，係咪好正呢?
水：(O.S.：唔通佢細個打四份工嗰陣做過日本餐廳? 佢咁要面都攞呢樣野出嚟講，睇嚟真係好想我哋讚下佢咁啵~)
龔：喂覺得點啫媽哩空?
水：都算...ok啦...
龔：咩話?
水：(忍不住大聲) 好正呀總監大人，好聽到沉晒船啦咁得未啊...!!
四周嘩然起哄~~~
龔：(驚喜竊笑) 乜你真係咁欣賞咩? 不枉我之前去傾日本零食代理嗰陣做足晒功課啫.......
水：吓!! 你話涉獵過下日本餐飲業，原來就係咁咋?
龔：唔係你以為係咩呀?
水：(反白眼) ...冇。野。唔該你專心食野唔好再講野啦好冇啊! (O.S.： 哎呀熊若水你諗乜野啊，點解又唔記得咗對住呢隻死賤精係半分同情都唔應該有架!!!!!!)

***Café另一角****
Icy：Jenny! Jenny! 你諗咩又諗到入晒神啊?
Jenny：(O.S.：原來個死人頭龔燁啲日文好聽成咁架，簡直reach聲優level喎，唔收佢入我嘅世界map咪好對唔住自己?)

***回到這邊廂***
龔：(無端打了個冷戰...O.S.：今日Café啲冷氣有啲凍喎，媽哩空又著得咁少) 豪仔，閂冷氣pls~~

突發！水水買下午茶俾呀龔食

好正呀 一路睇一路傻笑

David同Helen幫手助龔

大小姐定icy係麥教授？

趕project潛咗幾日水 啱啱終於追返哂啲po
寫得好正 睇完精神返哂
話說搭緊巴士我笑到隔離位以為我癡咗線

日文太過common
Jenny表未唔希罕

呀工係咪設局叫咗水水表白