[開心速遞]熊若水龔燁 供水線集中討論區（8）

記得之前Stanley ig live有解畫
話佢當時一方面係懊惱miss咗同阿水睇雪
但同時佢都為緊傑叔嘅事煩心
不過劇組係有再修改剪接過 想將個focus放返起同阿水相關上面
可見劇組都盡量想俾觀眾感覺起阿龔心中阿水嘅重要
但點解唔用呢個版本呢…
我睇完同樓上絲打有一樣嘅感覺 雙向真係唔同啲
唔知係咪想配合返阿水視覺 所以就唔用雙向版本呢…
多謝Stanley分享呢個版本啊
如果以後都可以po下啲剪咗鏡頭就好 我知我貪心

我都覺得呢個ending好啲
阿龔平時覺得自己咁了解阿水，但呢一刻竟然會唔知阿水諗咩
同埋前面配樂阿水嗰段而加出街個效果更好
似係阿水心聲
而only one就係少男龔嘅心聲

劇組真係好畀心機拍454呢集
專登搭個哈爾濱景又整雪景，之後仲拍咁多個version等剪輯嘅時候再慢慢揀，真係辛苦晒
多謝開心速遞由幕前到幕後都咁錫住呢對cp

估唔到之前絲打真係估岩左
句野真係雙向
不過可能係為左突出水水沉船feel先會改成咁？

Hello 我哋係一對

依家就講得通點解佢哋返嚟之後 阿龔係一副唔知衰咩格

如果可以有Director’s cut version 同無字幕ending 可以放上YouTube 或者bbc 就好啦
D 內心戲cut cut 埋埋可能都有幾集咁多

雖然我覺得兩個人一齊獨白ver比較好
不過我明明哋最後點解cut淨得阿水
本身呢集除咗阿水視覺之外另一個重點係阿龔情路最大嘅難題（拋唔低嘅過去vs珍而重之嘅未來），而cut咗阿龔獨白可以留返個懸念畀觀眾，究竟阿龔20幾年嚟一心搵傑叔尋仇重要啲定係追阿水重要啲？
如果加獨白，即係話望窗嘅阿龔個腦得返阿水，喺過去同未來之間已經作出咗選擇（放低咗傑叔張相係暗示，獨白係明示）
但係一嚟咁就冇咗懸念，二嚟個轉折真係鋪得太快（一個人唔會因為一件事而忽然放棄支持自己20年嘅信念/人生目標），同埋同阿水嘅經歷未真係足夠說服到觀眾阿龔咁快就放阿水大於一切，所以唔擺獨白喺劇情上會更加合理（應該以後會再有劇情係逼阿龔係呢兩者之間選擇，到時可能個取態先會更明朗）
雖然作為龔水fans當然係想睇佢哋心意互通地猜度彼此心意，不過劇情上嚟講阿龔個腦係應該同時煩緊傑叔同阿水，如果加咗「你究竟諗緊咩㗎」呢句就帶唔到呢個掙扎位

其實都係
一出呢個version 嘅話
姐係明示咗比人聽
阿水地位高過佢過去

但老老豆豆
阿水現在對阿龔的態度太多不明朗
自以為好了解阿水，係，佢係好了解阿水
係性格上丶習慣上等係好了解
但仲未了解得好透，尤其最deep個層
阿水嬲咩佢都未知
就係因為佢不坦承令到阿水冇安全感

在基於這些未知的因素下
我就覺得未去到令阿龔放棄咗二十多年(?)一直所堅持嘅
好多時候
有feel 係好事，但並唔係大哂
出呢個ver 係合理好多

我終於搵到我既伴侶啦

我覺得都岩既
有時好多野都唔需要講得太白
反而留返少少懸念俾觀眾先至好
同埋後面既劇情先會更加容易發展，唔會局限死左

係呀，因為留低嘅懸念，俾咗大家多啲想像空間，我哋就多好多嘢可以ff 同討論。所以留一線都好嘅。

翻睇454，我發現原來除咗阿龔送咗信惠條紅色channel頸巾畀阿水之外，佢自己喺哈爾濱戴嗰條頸巾係寶劍睇初雪嗰條
阿龔今次真係落重本

今次阿龔真係好認真都唔知煲咗幾耐請告白2018
如無意外，經過今次失敗，下次表白會再重本？

係喎
btw 其實劇中那寶劍同阿龔一啲都唔似樣
阿龔靚仔咁多

好期待再表白
最好回應翻電梯三連擊
阿水自爆會更正

新人報到！
因爲舅母係群姐嗰集，開始翻睇龔水集數而入坑。
終於開到acc可以同大家一齊討論

PS. 希望無撞名⋯龔燁你爭氣啲啦

今日佢ig又有電梯場景
不過好cool可能岩岩拍完一場好沉重既戲

今日都推得好快

龔燁你爭氣啲啦 +1
歡迎歡迎

454呢一集真係好重要
除咗阿水正式沉船之外，佢都第一次對阿龔唔坦白，築起戒心
之前無論係一開始阿水憎阿龔定之後和好同曖昧時期，阿水一直都係真情流露（267前見到阿龔會黑臉反白眼，之後都係有話直講咁）
但係今次因為佢發現阿龔有嘢隱瞞佢，加上大小姐叫佢小心阿龔，佢唔單止起返個防禦機制（防止自己又畀人hurt），仲第一次對住阿龔口不對心
明明自己好想睇初雪又走咗出去搵佢，但係就話自己冇出去冇等佢唔想睇雪，所以阿龔先至會開始睇唔透佢諗咩
阿水喺佢心目中係個爽快又對人毫無保留嘅人，但係忽然間態度轉得咁快，佢第一時間唔會係覺得阿水有嘢隱瞞佢，而係會諗「點解啲女人話變就變？」咁，又估唔到個原因，所以可以話嗰幕係阿龔第一次睇唔透阿水
之後兩集串場都表現咗阿龔繼續試探阿水諗咩，而阿水全程都對阿龔有戒心（唔信佢講嘢/唔畀佢痴咁埋）
唔知佢哋之間嘅隔膜會幾時再次打破呢
經過456，起碼阿龔證明咗自己冇呃阿水，但係阿水幾時先會再次敢對阿龔毫無保留？
如果解決呢個問題，相信感情會升溫得好快，因為阿水起碼已經喺內心承認咗自己鍾意阿龔，所以先會築起防禦，喺真係確定好似對個個女人都咁好嘅阿龔係鍾意自己之前唔會有明顯表態（不過如果有咩突發係大事阿水都可能忍唔住嘅）
454真係好值得loop，每次睇完都有新睇法

宜家先叫得閒少少可以翻睇454

水水真係好靚

要堅持下去阿龔

沉重既戲....
希望唔係又係d電梯三連擊

其實我又睇唔出拍緊啲好heavy嘅戲

Sorry呀按錯咗負皮