[開心速遞]熊若水龔燁 供水線集中討論區（8）

回水前應該唔算多
回水後啲人先成日住阿水有冇落cafe,冇落一兩日就話以為人死咗

不過回水前佢好鍾意係隔離枱偷聽

愈嚟愈明目張膽

最近已經開始光明正大地聽
仲要有得坐vip位（水水隔離）

由係隔離枱偷聽變到坐係隔離黐住 有進步有進步

仲使偷聽咩，直接坐隔離當面問 好似演唱會嗰次咁

已經第三十頁
今週尾出埋預告咪又推爆post

可以開定新post迎接星期一

貌似佢係夜鬼
可能夜晚時候慢慢追

To stanley
咪比呢度啲名笑到你黐咗線喎

見到都覺得要數好耐
辛苦哂satok絲為咗俾個娛樂大家做咁多research

一路做一路覺得難，但見到大家都好高分，果然大家對龔水都係真愛。龔搵水幾多次呢題真心數數下...又話總監大係好忙嘅
satok絲真係好好心機，謝謝你 好好玩，要溫書再玩過

佢係接龍偷聽王
次次都可以偷聽到d重大秘密

唔知幾時可以偷聽埋大小姐同送水輝呢

佢仲可以有幾多個稱號
八龔團花生友冇佢硬係差咁啲

遲來的留名
啲post都未追晒已經去到30版，好多龔水黨新朋友 啲名全部都有聲有畫面
啱啱初雪之後嗰集都唔係咁得閒，忙緊啲唔開心嘢而錯過咗好多正嘢（淳仔個IG live ）
有時啲嘢錯過就係錯過，今日再翻睇454感受至深 不過龔水起碼仲有機會，加油！一定要做到「請告白2018」呀！

見到有mcq玩咗先得145分
阿龔去尋寶圖嗰題我有睇住集數list去諗唔係即撞架，雖然都係數漏錯咗

多謝satok絲咁有心機整份問卷出嚟

再次多謝Satok絲的MCQ，超仔細超有心，雖然做到我好有挫敗感
所有ff情境全部都好想揀啊，另外琴晚之後真心覺得阿水立flag話自己最鍾意睇日出會係伏筆，好希望有朝一日工水會一齊睇甚至順便表白埋(胡亂幻想ing)：

某日大龍生請食宵夜後 ---
水：喂死賤精呀，你唔識睇地圖就唔好爭住帶路啦好冇啊，你知唔知我哋起附近兜咗幾耐啊，天都就嚟光啦，食完宵夜宜家直接再去食埋個早餐都仲得啊，早知我頭先就堅持join Helen嘅carpool走啦~~
龔：Relax媽呢空，你啱啱食完咁多高卡路里食物，如果早早就番屋企瞓覺嘅話，你啲三下巴麒麟臂又出晒嚟架啦，宜家有我陪你兜兜風消化下咪幾好，係咪好浪漫好窩心呢?
水：好噁心就真 >_<
龔：你就繼續口不對心啦你!
水：咪住先，你頭先講咪三咩下咩巴麒咩麟咩臂啊，我super model咁嘅標準身材，由頭到腳趾尾都唔會有多餘脂肪架喎，你隻眼有事就去睇醫生啦好冇啊 (用力扭龔手臂)
龔：饒命啊熊大人...喂喂等等先，你睇下嗰度有個涼亭仔喎，不如我哋落車鬆一鬆再行啦 (推門而出)
水：等埋啊喂~~~~~
龔：(脫下西裝外套替阿水披上) 你嘅脂肪比例標唔標準呢我就唔知，但係要靚唔要命呢點就真係似十足一個super model喇，今晚得嗰十幾度居然仲學人著短衫短裙!
水：你理得我呀，我自己知自己事，身體都不知幾好啊，你估係你咩排骨精!
龔：係係係Miss Hong Kong... 熊 ^_^ 喂不過講開又講，呢度好似就係最近雜誌介紹嗰個觀賞日出嘅打卡熱點嚟喎，仲話拍得住阿里山嗰個日出景添。我之前check過好似話今日嘅曙暮光時間大約係5點55分左右，橫掂差唔多時間，不如我哋睇埋先走囉。講樣野你知呀，我生平最鍾意就係睇日出架啦!
水：乜...你都鍾意睇日出嘅咩?
龔：鍾意呀，咦媽呢空乜你又係呀? 唔通呢啲就係傳說中嘅心有靈犀?
水：痴線! 都唔知你講乜 (臉紅)
龔：(O.S.：支98年罅隙果然買得好抵 )
龔：媽呢空啊，諗諗下呢，其實我哋唔單止有個麻麻地嘅開始，而且中間嘅相處過程都好似好麻麻咁喎......
水：想講咩啫你，捨得入正題未啊?
龔：(正色) 我係想問『唔知你會不會考慮......
水：(盯~~~~~)
龔：啫係呢我哋可唔可以......
水：(盯~~~~~)
龔：又或者咁講，你有冇興趣...... 』喂，你今次做咩唔截住我啊???
水：你成日話我唔敢聽呀嘛，今次我就比你講埋佢囉，你敢講我敢聽，你講啊你講啊你講啊~~
龔：好，你話架!! (低頭深呼吸) 我......
水：(忽然踏前) 喂喂喂你快啲嚟睇下，水平面嗰邊位開始透光啦，真係日出啦喂....( 興奮湊近拍打龔)
龔：其實我......(好不容易終於鼓起勇氣抬頭，正巧踫上阿水那喋喋不休的嘴!!!)
[四目相投，龔hang機。完。]

我盡力了各位

好正
差點喺公司尖叫出嚟⋯

有晒畫面

隔住個mon都feel到總監大人寵溺到爆嘅語氣

一個字，好正

正！完全想像得到！勁有畫面呀

編劇組有無空缺?
我強烈推薦樓上絲打入組