[開心速遞]熊若水龔燁 供水線集中討論區（8）

阿龔今次冇縮返入安全區已經係個進步
但係我驚佢係真係以為阿水單純唔想睇雪而拒絕邀約，唔知自己衰咗
不過解鈴還須繫鈴人，既然係阿水自己築起防禦，亦都要自己主動放下對阿龔嘅戒心，可能遲啲發生咗啲大事或者畀阿水知道阿龔一直暗地裡幫佢好多、對佢好好，佢先會完全信返阿龔同願意對佢坦白一切（包括感情 ）

唔係話有ig story講一幕阿水對寶劍呃阿信惠好大反應
阿龔當時在場
如果呢幕係真
阿龔就好大機會知道自己衰咩

佢似真係單純以為阿水嗰吓唔想睇

次次翻睇阿龔捉住阿水再約佢出去睇雪嗰幕
見到阿水fing開佢話：又點呀
就想攬住阿水

好偶像劇feel

每次睇我都俾水個句無咩力氣既 又點啊 hurt到
龔唔係咁都feel唔到水好down好sad好失望架咩
平時咁醒明明...邊有食完麻辣火鍋係咁架

或者可能當局者迷

應該係好似上面有人講咁，
阿龔冇預到阿水會同佢講大話
所以佢信咗阿水嘅講法

佢句：又點呀
冷冰冰又無力
唔係佢平時對住龔燁嘅tone
真係feel到佢好失望

證明人一遇到愛情智商就會歸零
如果係發生係其他人身上，相信阿龔一秒已經睇穿發生緊咩野事
但一發生係自己身上即刻..

當局者迷
因為太在意
理智也分不清了

所以其實佢哋仲有好多嘢要搞清
水水同阿龔兩個仲有好多之前阿龔花式自殺積起嘅誤會要解開
之後先可以真正喺埋一齊

咪係囉
係酒店食麻辣火鍋會包到實一實

仲要冇麻辣味

阿龔嘅醒目，只係喺職場上，無論解決工作難題，定口花氹同事擦上司鞋，完全可以好醒咁完美搞掂兼人地唔會知佢點。但遇到要用真正感情嘅嘢，就好明顯無咁處理得游刃自如。面對阿爸嘅事會激動會緊張，面對阿水會hang機（籃球賽）、會放鬆無機心（困密室）、會無猜度（初雪呢集），某程度我覺得阿龔睇唔出阿水有等佢／睇出都唔追問點解唔認，除咗因為戀愛經驗值低，係因為佢真心對阿水，而唔會用返工嗰套模式嚟猜度計算。
正如之前有絲打講ig story有話信惠俾人呃，有可能下次主線連返戲順便解埋個誤會？
其實解得一個…開始有返個信任，之後其他就易好多，就去得好快

舊債未清新債又嚟
龔燁次次都搵到位表演自殺
花式自殺方面我諗佢係接龍暫時都未有對手
清清啲舊債先好喎龔生

食麻辣火鍋仲要係樓下我就唔會帶條咁珍貴嘅頸巾去吸味

唔知點解我覺得個解決方法可能係
可能有一日細龍太會助攻，無意中爆哂之前阿龔保護佢既事蹟出黎
咁應該所有問題都會解決哂

嗰把聲真係好sad有氣無力咁，加埋蟹鼻紅紅咁，同佢出去時期待嘅表情好強烈對比。完全係以為自己表錯情嘅失望樣 蟹呢度做得好好，心疼若水

細龍太：你呢個紅藥水，唔好次次諗住你條仔幫你，特登為咗你返香港，你就咁得戚呀。

雖然stanley你話冇acc
但你好有potential做巴打
Agger都知

我都係諗起迷妹呢句

迷妹唔會咁明顯幫佢地
話哂佢咁憎龔水
應該都係佢又on99唔知做咗啲咩助龔

阿龔對佢所珍視嘅嘢好有保護欲（暫時嚟講阿爸喺佢心目中最重要，其次係阿水）
所以佢會以了解對方全部，從而明地裡暗地裡保護阿爸/阿水
佢自認為好瞭解阿水為人（454前都係嘅），所以佢根本唔會覺得阿水會講大話隱瞞佢，同時佢知道阿水個人係緊張大師，好容易將小事化大（譬如383），所以佢想避免阿水擔心埋一份而隱瞞jenny嚟咗搵佢同傑叔嘅消息（咁樣獨立承擔都係保護人嘅一個方法），但偏偏timing錯晒，喺阿水對佢起疑嘅時候講大話同送死冇分別

不過其實我都想睇到阿龔情感上連返去415，415之後好似失憶咁可以用阿龔經常戴面具做人去解釋，但係想睇到之後佢有講返呢件事同表現對過去被暴露嘅在意（454對住jenny係有啲嘅）

前幾日佢仲覆咗個賣廣告嘅外國人dllm

笑到我傻
我估唔到佢會咁公開咁回

已經唔記得嗰個係（阿蟹）邊個post⋯⋯？
DllM真係勁好笑

好似係阿蟹嘅post嚟