［喪屍/人性/有甜］- 屍•家•馬鞍山 8（不定時更新）

Chapter 513 - 西貢生還者

我不知道該怎樣去回答他的一連串提問，他團隊中的另一人見我有點摸不著頭腦，便開口解釋道。

「佢係喺馬鞍山住嘅，出事嗰日佢喺呢邊返工，之後想返去已經返唔倒...」一名中年男子說道。

「喂！你哋已經當咗佢係自己人嗱？」那被我擊傷的大叔，突然不屑地叫道，「呢條友怪怪咁，唔似係普通人囉！」

「話唔定，佢都係嗰個異生教派嚟啲人。」大叔扶著自己受傷的手，不友善的打量著我說。

又是異生教？

「做咩呀？比我講中咗哩！」可能我的面色有變，致使大叔乘機挖苦道。

「我唔準你提班人渣！」我只好反客為主，「你哋根本就唔知道，班人有幾賤格、有幾 PK！」

於是我裝作十分激動地，去把異生教在蒲台島上的所作所為，向他們各人簡述一次。

當然，我還是一如既往的，只把想給他們聽的資訊告知。

「唓！講到咁樣，都唔知係咪真...」雖然大叔口裡這樣說，但我看到各人的戒心已經降低。

有兩個年青男子，甚至開始打量著我身旁的三位美人兒。

「係呢，你哋嘅大本營就喺呢度？」被人看得有點不自在的 Vicky，忍不住開聲問道。

「梗係唔係啦！我哋個大本營喺對面個警署同運動場度...」一個看她們看得著迷的人，竟急不及待的搶答道。

他的過份積極，換來的只有大叔的怒視。

「咁... 不如我哋一齊攞啲物資，跟住一齊返去大本營入面吖？」Suki 見狀便幫忙乘勝追擊。

「嗯...」對方好像拿不定主意。

眾人的目光，突然投射到剛才那大叔身上。

「我就唔係好同意㗎喇，不過如果我話唔好，你哋都唔會就咁算啦！係咪？」大叔無奈地答道。

「好啦！我幫你哋同話事人講，不過我唔肯定佢應唔應承㗎！」他終於作出妥協。

「Okay！咁我哋快啲搬嘢返去啦！」其中一個青年已經急不及待答道。

於是，我們立刻開始搬運工作，我亦乘機向其他人打探消息。

「嗰班異生教，究竟對你哋做過啲咩呀？」我向剛才那個，問及馬鞍山情況的男子問道。

「嗰班衰人！」那人咬牙切齒地叫道，「隔一陣就嚟我哋度，搶物資、殺人、捉人、強姦，簡直乜禽獸嘢都做得出！」

「咁你哋冇試過反抗咩？」我好奇問道。

「你估我哋未試過咩？」他越說越激動，「佢哋第一次強攻入嚟，我哋都試過全力反抗，不過... 不過...」

「結果我哋死傷慘重...」另外一名男子插口答道，「雖然聽落好荒謬，不過佢哋真係好似識得魔法咁，可以控制啲怪物，分配喺唔同嘅地方攻擊我哋...」

「結果唔洗一陣，前線已經差唔多全軍覆沒...」男子續說，「我哋冇曬辦法，只可以同佢哋投降...」

「而最奇怪嘅係，我哋個話事人一大喊投降，啲怪物就好似收倒命令咁停低落嚟...」他咬牙切齒地說道，「咁班異手教嘅人，就大搖大擺咁入嚟搶嘢，又叫我哋歸順佢哋咁...」

「而佢哋就應承將西貢市嘅大部分喪屍調走，方便我哋出去搵物資咁喎～」

「為咗唔想再有無謂嘅犧牲，我哋都選擇放棄反抗，咁佢哋就間唔中嚟搶嘢、捉人...」他再補充，「不過比佢哋捉走嘅人，就冇再返過嚟...」

「我哋覺得，啲人好有可能比人捉咗去做實驗...」他的眼神突然變得奇怪。

「不過有樣嘢我諗唔明...」我提出一個疑問，「佢哋既然已經佔領咗你哋個大本營，點解唔索性留喺嗰度？」

「呢樣嘢我哋都有偷偷哋查過，以我哋嘅推斷，佢哋係喺個所謂 “祭壇” 嘅地方，進行緊一啲變態實驗...」男子解釋道。

「不過，我哋淨係知道嗰度應該喺大網仔附近，因為嗰度有數唔盡嘅喪屍，我哋根本冇辦法過倒去...」他總結道。

原來，我們登陸的地方，恰巧便是他們部署喪屍群所在。

剛才還以爲異生教真的如此神通廣大，每一步都在他們掌握之中...

但至少，我得以認真地確認下一步的目標。

他們如此重兵佈防在 “祭壇” 附近，一定也有些不為人知的秘密。

無論如何，這也是我們靠近異生教的又一步。

正 又有新

好

加油

推阿推

Vicky Suki 會唔會比人圍姦

LM

推！

Chapter 514 - 話事人

「不過有一樣嘢你要記住，返去大本營之後，千祈唔好周圍講關於異生教嘅嘢...」男子補充道，「入面啲人，有一啲聽到呢講名就好驚，但係有另外啲人，直頭當佢哋神咁拜...」

「所以關於呢個教嘅嘢，你可以同我哋講。至於其他人，就真係少說為妙...」男子叮囑著我。

閒談間，我們亦已經整理好所需物資，正要跟各人於收銀處會合，卻突然遇到 Clara 帶著手下內闖。

「全部咪郁！」Clara 和手下們突然擎槍出現在我們跟前。

大家只有呆立當場，沒人來得及反應。

我也意想不到，這些人竟然連放哨的基本工作也沒有做好。

「自己人... 自己人...」我急忙走上前解釋，「唔好意思 Clara 姐，係我唔記得比 signal 妳哋...」

Clara 只是怒視了我一下，卻沒有破口大罵。

「佢叫 Clara，係我哋嘅同伴嚟...」我立刻向大家說明，「我哋夾定咗互相配合嘅，係我唔記得咗...」

「至於佢哋就係住喺警署同運動場入面嘅人，佢哋都好憎異生教嘅...」我刻意向 Clara 補充，以免誤會。

「哼！真係一山還有一山高...」大叔有點不屑地答道，「睇妳哋嘅功架，同門口嗰兩個人啲裝備，妳哋都來頭唔少喎！」

「唔... 你都唔嘢少吖！」Clara 打量著他道，「冇錯，我哋係受美國一間生化科技公司委託，派嚟呢度調查喪屍病毒嘅...」

「不過我哋同班隊員失散咗，所以要搵返佢哋先...」Clara 再說道，「之後再打探吓異生教喺邊，搵出病毒嘅源頭...」

「妳嘅意思係話，啲喪屍同異生教有關？」大叔追問道。

「係！不過詳細情形，我而家就唔係咁方便講...」Clara 沒有向他進一步確認。

「好！既然大家個目標一致，咁我就帶妳哋去大本營度...」只要說到異生教，大叔好像反應得特別起勁。

各人再幫手拿走一點物資後，便出發離開。

「有樣嘢我覺得有啲奇怪，運動場入面應該有唔少人，點解超市入面都仲有唔少物資？」我向身旁的 Clara 問道，「同埋，佢哋主要都係攞啲食水同飲品咁，係我哋先至主動攞啲乾糧...」

「嘿嘿！我諗你大致上都估倒...」Clara 壓低嗓門答道，「同埋佢哋咁順攤就比我哋加入，一定唔係咁簡單...」

「不過既然佢哋咁有心邀請我哋去，我就即管睇吓佢哋攪乜嘢...」Clara 説道。

我們一班人走到了警署，大叔趨前跟守衛交待幾句後，便引領我們一班人內進。

在進入警署大樓前，又有另外兩個人坐在一長枱後面。

「咦？發叔，你好似帶咗啲生力軍返嚟喎！」其中一人向大叔說道，「發叔，循例循例...」他說著已經示意眾人放下裝備。

「入呢度嘅規矩，就係首先要繳械...」只見發叔已經著手解下身上的裝備，「頭先唔記得同你地講，不過如果你哋唔鍾意嘅話，可以出返去...」

眾人的目光，立刻轉移到 Clara 身上。

只見她二話不說，已經主動把身上的裝備解下。

其他人見狀，亦跟著照做。

之後，我們在發叔的帶領下，乘坐升降機到達警署的頂層。

可是，在一房間的大門前，卻又有兩個門衛把眾人阻攔。

「我要見阿 Rex！」發叔低著頭，以深沈的聲音向搭著他肩膀的青年說道。

「阿發叔... 大佬話唔方便見任何人喎～」豈料青年竟輕挑的向大叔叫道。

「嗚...」只見發叔突然發難，伸手去把青年的脖子揑緊。

他的手下，亦已經作好攻擊的準備。

但站在發叔身旁的我，卻看得抹了一把汗... 因為此時的發叔，應該正在強忍我所做成的傷痛，面色也變得有點鐵青。

「我而家就要見佢，你係咪要阻我？」發叔硬著頭皮向青年咆哮的同時，目光亦已經標射到另一門衛身上。

「冇... 冇啲咁嘅事，發叔隨便入去...」另一人已經被嚇得有點不知所措。

「哼！」發叔聽後便沒有再多作糾纏，把青年推倒後便推門內進。

「挑！巴之閉！」青年深深不忿地說道，「對住大佬咪又係死狗咁！」

發叔卻沒有再去理會，逕自走進那偌大的辦公室中。

「啊～」大門剛剛打開，耳邊便傳來女子的呻吟聲。

而當我們向聲音源頭望去時，便赫然發現有三絛肉蟲，正糾纏在房間角落的一張沙發上。

大佬有超能力又點
準備比豬角殺死了

又屌女

主角成班都係超人黎 好難會有人同到佢地打交打贏

屌素恩

發叔 同 rex 之前好似出過嫁喎🤔

Chapter 515 - 重遇 Rex

那人完全沒有理會我們一班人，只是埋首於面前的活塞運動。

奇怪的是，剛才還凶神惡煞的發叔等人，看到這情境卻沒有出手制止。

「得！你哋等陣，好快！」那人回頭打量了我們一下後，便繼續下肢的運動。

但從他回頭察看時的面容，和說話的聲線，我便差不多能夠確認他，是打從出事那一天，便與我們失散了的 Rex。

我之所以不能百分百確定，一來是我們以為他一早已經被喪屍殺掉，二來是眼前這人的身型，比我們之前所認識的 Rex，相對健碩得多。

但自從他改變了姿勢，我得以看到他的正面；再加上伏在他身後磨蹭著的女伴，我便更加肯定是他。

因為，那女子便是 Rex 的女朋友 - Angie。

我真的想不到，會在這裏遇上他們。

大家都以為，他們一早已經給喪屍殺掉。

說起這個 Rex，他其實是 Keith 的朋友，因為我跟 Keith 這對雙依為命的兩兄弟，一向都感情很好，所以經常參與彼此朋友聚會和活動的我，亦有幸認識了這個人。

但其實我與 Rex 並不十分稔熟，對這個人也沒有什麼感覺。

只是，他常常炫耀那身任警方高層的父親作威作福，還借故親近身邊的女性朋友，完全沒有放 Angie 在眼內；使大家都不齒他的所作所為。

果然，壞人一般都不會那麼早死。

「啊～」那邊的三人卻仍在忘我的混戰。

其間，Angie 亦好像發現了我的存在，面容開始變得有點尷尬。

「喂𡃁仔！你唔見有人喺度嘅咩？」一早沈寂的光哥，終於忍不住叫道。

Rex 卻仍沒有任何回應。

「喂！我叫你呀！」光哥一邊憤怒地叫著，一邊已經趨前往 Rex 的身旁走去。

「屌！阻L住曬！」只見 Rex 突然發難，猛然離開二女身邊，便飛身往光哥撲去。

「呀！」Rex 的速度簡直是快如閃電，光哥還來不及反應，已經被他一拳轟飛到牆邊。

「哼！廢物！」Rex 拋下一句，便打算回頭繼續。

「喂！阿 Rex！」我忍不住向他咆吼，做好準備要教訓他一場。

可是，Clara 卻已經出手把我攔住。

「阿良，你過去睇吓阿光點！」Clara 隨即向阿良說道。

「哦？阿 Roy？」而那個 Rex，終於都發現了我的存在。

「仲有靚女 Suki...」Rex 對著 Suki 說話，眼光卻已經打量著她身旁的 Vicky。

光著身子的他，巨龍還無恥地跳動了幾下。

「Rex... 不如你著番啲衫先啦！」我忍不住叫道。

「噢！係喎！唔記得有美女喺度𡃓！」Rex 自信地答道，「不過，比佢哋見識吓我隻巨鵰都好吖！」

「睇嚟班靚女，都冇乜見過啲咁巨嘅嘢㗎喇！係咪睇到濕曬呢？」他說話仍然是那麼的低賤，只是現在更變本加厲。

「Rex 哥，佢哋係我喺出面遇到嘅生還者。佢哋想入嚟住住先...」發叔插口說道。

「哦冇問題...」Rex 仍是向 Vicky 和 Aki 她們打量著，「呀！不過佢哋做咗身體檢查未呀？嘿嘿...」

「吖... 未... 未檢查喎...」發叔戰戰兢兢地答道。

我大概也知道是什麼一回事。

「好！既然大家都係自己人，咁就唔洗你哋行嚟行去，我就破例比大家喺呢度檢查啦！」說罷他已經向著 Vicky 和 Aki 那邊走來。

我實在忍無可忍，立刻擋在二女面前。

Rex 看到我亦毫不客氣，伸出手便想把我一把推開。

我沒有刻意反抗，只是堅定的把步覆站穩。

他眼見無法一下子把我推開，卻暗自運勁，再次作出嘗試。

他的實力看來也不弱，但在我強大的力量面前，我仍然不動如山。

雙方的角力亦開始引起了其他人的注意，他不停歇的用力推，使我開始按捺不住。

「不... 不如我幫佢哋檢查吖？」剛才被 Rex 丟棄在一旁的 Angie，為了解圍向我們提出道。

Rex 聽後，突然停下了手腳。

「哈哈！我都係講吓笑啫！」Rex 突然又裝作若無其事地笑說道，「隔離有兩間房，Angie 妳就幫吓手啦！」

他這樣容易妥協，該不是盤算著什麼陰謀吧？

主角已經好勁了
但都要隠藏實力

一鎚打撚死牙rex再搶走佢條女