[喪屍/人性/有甜]- 屍•家•馬鞍山 8(不定時更新)

1001 回覆
95 Like 13 Dislike
2018-09-30 15:34:25
人類在突如其來的災難𥚃,是怎樣掙扎求存?人性,又會否因為社會秩序的崩壞而扭曲?

一個人們在喪屍災難來臨後的故事,集恐怖,災難,社會,人性,愛情於一身。究竟主角Roy能否逃過這次災難,他又會否出賣自己的人性來換取存活?

新手上路,請多多支持。
工私兩忙,無奈只能不定時更新。

《本故事純屬虛構 如有雷同實屬巧合》

==================
警告︰此文章只適合十八歲或以上人士觀看。此文章內容可能令人反感;不可將此文章的內容派發、傳閱、出售、出租、交給或借予年齡未滿18歲的人士或向該人士出示、播放或放映。

LEGAL DISCLAIMER WARNING: THIS ARTICLE CONTAINS MATERIAL WHICH MAY OFFEND AND MAY NOT BE DISTRIBUTED, CIRCULATED, SOLD, HIRED, GIVEN, LENT, SHOWN, PLAYED OR PROJECTED TO A PERSON UNDER THE AGE OF 18 YEARS.
2018-09-30 15:34:41
留名
2018-09-30 15:34:52
Chapter 481 - 無法放過的人

「咁船上面,仲有冇其他人?」知己知彼,我決定也向 Clara 問清楚。

「Okay...」Clara 遲疑了一會,「船上面係仲有其他人...」

「Tommy...」Clara 開始說道,「仲有一啲我哋嘅人...」

難怪,她們好像胸有成竹。

「不如,比我上船望吓?」我想確認一下真偽。

「Okay... 不過我諗我哋首先要做嘅,係要搵啲油補給咗先...」Clara 回應道。

「我唔係唔想幫手,不過我頭先大致上巡過,應該都冇妳想要嘅嘢...」我確實嘗試過找尋。

「唉... 咁冇辦法喇,我諗都要喺島上面逗留一段時間。」Dickson 插口道。

很明顯,他仍是打著 Carey 的主意。

「我諗不如咁啦!我哋都有好多恩恩怨怨分唔清,我有啲朋友都仲對你哋好有戒心。」我回應道,「倒不如大家各自番去自己個地方先,等佢哋做好心裡準備先再諗下一步啦!」

「咩心理準備呀!你根本就唔想我同 Carey 見面!」Dickson 不忿地答道。

「而家我係唔想呀!吹呀?」我沒有打算退讓,「你有咩資格見佢呀?佢就嚟命都冇嘅時候,你又喺邊度呀?」

「咁唔代表你可以搶人條女!」Dickson 說得面紅耳赤,「同埋我已經番咗嚟,Carey 就應該交番比我照顧!」

「交交交?你當佢係玩具呀?」我反駁道,「你講緊嘅,都已經係 N 年前嘅事啦!我淨係知道,佢而家係我條女!」

「喂你哋一人少句啦!」Clara 忍不住插口道。

「總知我就一定要見番 Carey,你要我輸比呢個死矮仔,就勢係假!」Dickson 看來十分憤怒。

「哦~ 原來要追番 Carey 係假,唔輸得先係真...」我嘲笑著。

「你條死 PK 吖!」豈料他老羞成怒,揮拳便向我面門轟來。

幸好我早預到他有此一著,輕易便把他的攻擊擋開。

「喂!Dickson 停手!」Clara 好像要把他喝止,但卻沒甚效果。

語音剛落,他的另一隻手已經往我的胸膛襲來。

當然,我仍可以把它擋下。

他的攻擊,真的不算什麼。

我立刻轉守為攻,向他的胸膛轟出一拳。

Dickson 敏捷地閃避,使拳頭僅僅的在他身旁擦過。

但我也沒有放棄,提起腳便往他身上踢。

然後一連數次的攻擊,都一一被他擋下。

他防禦的功夫,真的十分到家。

但是,他就只懂一直防禦嗎?

既然這樣無法使我嘗到任何的甜頭,我只好假裝露出破綻。

我讓自己的中門大開,以令他感到有機可乘。

果然,他見機便向我再次攻來。

他先以踢腿向我試探,當他感到我招架不住時,便用盡全力往我攻來。

「𡃁仔,無力嗱?頭先你咪打得好過隱嘅?」Dickson 一面進攻,仍不忘去逞那口舌之快。

「嘿嘿!」就在他正打得忘形之際,我突然猛地把他的雙手手腕都牢牢捉住。

「你中計喇!」我露出陰深的表情,然後便是雙手一扭。

「嘞、嘞...」他的手骨便應聲被扭斷。

「夠喇!停手喇!」Clara 也忍不住制止。

我當然沒有理會,集中力量便以頭顱往他的臉龐撞去。

「呀~」對方被我撞得大叫。

「阿 Roy,你再唔停手我就開槍!」Clara 再三喝道。

我依然沒有理會,握緊拳頭便向他面門猛轟。

我要,殺死他!

「停手呀!再唔停手我真係開槍㗎喇!」Clara 怒吼道。

她這樣做,反而令我更加放心。

因為她的表現告訴我,我的性命應該遠比 Dickson 重要。

於是我集中全身力量,準備打出足以了結他的一拳。

「阿 Roy,停手呀!唔好傷害佢呀!」熟悉的叫喊,使我不得不把動作停下。
2018-09-30 15:38:29
2018-09-30 16:15:52
依家先知原來男主係死矮仔
2018-09-30 16:36:53
Oh
2018-09-30 19:28:08
每次到Carey篇章都好驚樓主寫死佢
carey真係成個故最為豬角著想既人 唔好有事!!
2018-09-30 19:31:45
2018-09-30 20:49:47
斷左手都好
留名年尾返黎睇
2018-09-30 20:50:23
樓豬加油
2018-10-01 02:20:55
其實Carey 個出場係點? 有冇人仲記得^_^
2018-10-01 12:44:26
係barhaus提到carey coco同埋一個既女仔(好似叫heidi)個陣係幫個廚房婆搵仔

記錯勿屌
2018-10-01 13:19:56
之後食左春藥強姦男主
2018-10-01 21:32:23
以為唔會再有新post添
2018-10-01 23:51:03
2018-10-02 07:10:47
等文先
2018-10-02 07:45:39
個故出得慢到我都唔記得啲人物 出新post可唔可以出多次角色人物嘅資料
2018-10-02 08:33:58
Chapter 482 - Carey 的選擇

「阿 Roy,我求你,我求你唔好傷害佢...」一聲又一聲的哀求,令我聽得不是味兒。

「妳仲係鐘意佢?」我本不想去問,但又實在忍不住。

「我... 我...」Carey 好像一時無法作出反應,「我唔知...」

這使我更加怒不可遏,下定決心要取 Dickson 的性命。

「Carey!妳行開!」這一刻的憤怒心情,竟令我出言喝罵著她。

「如果我唔走開,咁係咪連我都殺埋吖?」Carey 引頸以待。

這一刻,我的心痛如絞。

我不能接受別人的背叛。

與其讓她重投 Dickson 的懷抱,倒不如...

我把手上的拳頭握得更緊,準備作出狠狠一擊。

阻我者死!

「阿 Roy~ 你冷靜啲!」想不到,Vicky 竟然不知從哪裡冒出。

「你冷靜啲啦,好似想殺人咁...」Vicky 把我憤怒的拳頭牢牢握住。

對!我究竟在做什麼?

我的怒火慢慢被澆熄,但那邊的 Carey,卻已經哭成淚人。

我不知道該怎麼處理,只能呆立當前。

「不如妳幫我手扶 Dickson 番上船度先啦!」Clara 開口向 Carey 說道。

看到 Dickson 將要離開,我的殺意又再萌起。

「阿 Roy,如果你而家殺咗佢,Carey 就一定唔會原諒你...」Vicky 竭力阻止道。

我冷靜下來,覺得她說得很有道理。

只是...

「係呢,點解妳哋會落咗嚟呢度嘅?」若不是這樣,Carey 也不會突然出現,「我明明叫咗妳哋留喺帳篷入面等我㗎...」

「冇... 我哋喺上面見到隻船有人出咗嚟,而你又咁耐都冇出現,所以我哋擔心你,咪落嚟睇吓囉...」Vicky 說道。

「點知 Carey 一見倒你同 Dickson 打緊交,就一枝箭咁衝過去...」她補充。

我看著那遠去的背影,覺得她跟我的距離,已經變得越來越遠。

心靈突然覺得空虛的我,立刻把眼前的 Vicky 抱緊。

而她竟然也沒有抗拒,摟著我便輕輕的伸手拍著我的後背。

「哼~ 而家先識得攬住 Vicky...」Suki 不忿地說道,「之前都唔知去咗邊...」

「行開啦!咪當佢水泡呀!」想不到 Suki,竟走過來把我們分開。

「Vicky 我哋返去喇...」說罷 Suki 已經拉著 Vicky 離開。

「噢... 散場嚕...」Aki 打量了我一下,便打算跟隨她們回去。

「Aki...」我把她叫住,「妳唔好走住...」

「喂!你唔係要我代替你啲女友陪你呀嘛?」Aki 疑惑地問道。

「唔係... 我係想講 Tommy 都嚟咗,而家佢喺隻船上面...」我回應道。

「吓...」她的表情有點復雜,「Okay... 佢... 而家個情況點?」

「呢樣我唔係太清楚...」我無奈地答道,「我冇見過佢,不如妳自己上船搵佢?」

「咁呀...」Aki 看來有點猶豫,然後用渴望的眼神看著我,「不如... 你陪我一齊上船吖?」

這對我來說也是一個好提議,因為由 Carey 跟 Dickson 他們上船的一刹那開始,我已經盤算著,有什麼可以登船的籍口。

現在,正好是出師有名。

「好!妳要我幫妳都得,我有乜著數先?」我打趣地問道。

「Okay... 你唔幫就算,橫掂我都唔係咁想去㗎咋!」豈料 Carey 竟不屑地答道。

被人看穿了死穴的我,一時無法回應。

「點呀?比我睇穿咗哩?」Aki 有點得意忘形,「幫我咪可以 "順便" 睇住你個 Carey 囉!」

「呵呵~ 其實應該係我問你,你可以點樣報答我喎...」Aki 表現得十分雀躍。

「喂!我哋最多叫互惠互利,講唔上邊個幫邊個喎!」我不想讓步。

「Okay!咁我而家唔去喇!我又唔急...」說罷她便轉身離開。

「得得得~ 妳就當我欠妳一個人情啦!」突然處於下風,我只能無奈地開出條件。

「嘿嘿!咁咪乖囉!」Aki 滿足地笑著,然後拖著我的手道,「嚟,等姐姐帶你行...」
2018-10-02 10:47:13
屌AKI 好撚串
2018-10-02 11:21:19
命都唔要去救你
竟然都係輸俾個高大靚仔
2018-10-02 11:31:23
「Okay... 你唔幫就算,橫掂我都唔係咁想去㗎咋!」豈料 Carey Aki竟不屑地答道。

2018-10-02 16:30:17
2018-10-02 19:23:22
唔救番佢
由佢做隻屍算
雖然主角成日做啲仆街野
但的確無主角既話,無馬鞍山已經比人輪死左
2018-10-02 19:24:14
命都唔要去救你
竟然都係輸俾個高大靚仔
唔救番佢
由佢做隻屍算
雖然主角成日做啲仆街野
但的確無主角既話,馬鞍山已經比人輪死左
2018-10-02 20:35:57
呆咗一呆
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞