逃•人
2018-10-04 08:37:17
Chapter 483 - 遊艇上的對話
登船處有兩個門衛把守著,但不知道是否 Clara 早有吩咐,他們並沒有對我們的內進作出阻攔。
我們走進船艙,卻見 Clara 跟 Tommy 一起談論著。
「喂阿 Roy!」Clara 走過來說道,「雖然預咗你會嚟,不過真係冇預到咁快...」
我打量了 Tommy 一下,他只是露出了一個尷尬的笑容。
「Aki... 乜妳都喺度呀?」Tommy 向 Aki 問道。
「係呀!我仲未死得!係咪好失望呢?」Aki 對她冷嘲熱諷道。
「嘿嘿!見妳特登嚟搵我,慌唔係掛住我咩?」Tommy 自信滿滿地答道。
「掛你個頭!我睇你死得未咋!」Aki 不屑地答道。
「嘿嘿!妳入得嚟,妳覺得我會咁易放妳走咩?」Tommy 威脅道。
我留意著他那擺動自如的雙手,看來他那被我扭斷了的手,已經被人重新較正。
可是,在這樣缺乏物資的環境下,又有誰能幫他復原?
「咦?你隻手冇事喇咩?」我試探地問道。
「哈哈!小意思啦!」Tommy 自信地答道,「呢度有唔錯嘅醫療,佢哋攪咗一陣,我就已經可以活動自如喇!」
雖然他好像說得有點誇張,但我看著他,確實可以活動如常。
「話時話,估唔到你到而家仲未死...」他不忘譏諷著我。
「哈哈!好笑喇,你都未死,我又點會死先呢?」我反駁道,「不過,我諗唔倒你做咗人哋嘅走狗啫。」
「呢啲叫識時務...」他不忿地答道,「喺呢個世道,有人保得住你條命仔,認少少低威又有乜所謂...」
這就是弱者的所謂生存之道嗎?
「睇嚟,你都係嚟做人隻走狗啫,咁又有乜嘢分別?」他還是繼續挑釁道,「吖唔係!我加入先嘅,你應該叫我做大佬先啱!」
原本我不想與他再作糾纏,但看著他那不可一世的嘴臉...
「Clara,如果我話殺咗條 PK 我先考慮加入,妳會點做?」我試探她道。
「咔嚓...」Clara 二話不說,手槍的槍口已經貼在 Tommy 的太陽穴上。
「吖... Cla... Clara 姐...」這一刻的 Tommy,應該被嚇得屎流尿瀨。
「等你一句...」Clara 向我示意道。
她的舉動,真的嚇了我一跳。
我十分相信,她就會這樣的在我面前把 Tommy 殺掉。
「我... 未考慮清楚... 暫時留住佢條命仔先啦!」我差點就被她的氣勢嚇倒。
「Okay... 有決定就話比我知...」Clara 亦好像有點得意。
「係呢?妳哋下一步諗住點呀?」我問道,「會唔會有咩任務?」
Clara 打量著我,卻沒有說話。
「哈哈,你都幾好笑㗎喎!」Clara 掩著嘴笑說道,「叫你加入又唔制,又要問我哋想點...」
「乜你覺得我又會答你咩?」Clara 又再次收起笑容。
「冇嘅!我都係問吓啫...」我回應道,「妳肯講咪講囉。」
「好!咪又話我哋冇啲誠意喇...」Clara 竟也答應。
「唔怕話你知,九龍同港島一帶基本上已經封鎖咗,所以坐船去嗰度基本上冇乜可能。」Clara 開始說道。
「新界近岸地方嘅情況應該差唔多,所以無謂冒險...」
「你都見倒,隻船係仲有少量嘅燃油嘅。但係我哋一嚟要 make sure 啲油足夠隻船嘅基本運作,二嚟要準備有咩突發事件,我哋都夠油走得甩...」
「所以我哋始終都係著手搵吓有冇燃油先,跟住就返去相對冇人把守嘅西貢馬鞍山一帶...」
西貢馬鞍山?
既然她們可以離開,為何還要執著回去?
「照妳咁講,應該有人同妳通風報信啦!」我試探地問道,「咁妳可唔可以話我知,西貢同馬鞍山以外嘅地方,依家係咩嘢情況?」
「呵呵!與其問我其他地方點,我諗你最想知嘅,反而係點解我哋要返西貢同馬鞍山啦?」Clara 突然向我靠近,「我講得啱唔啱呀?」
逃•人
2018-10-06 12:38:30
Chapter 484 - 提升力量的原因
「哈哈!果然冇嘢呃倒妳...」內心的想法被揭穿,只能以笑遮醜。
「係!呢樣係我最想知嘅,不過如果我照直問,我又驚妳唔會講...」此時此刻,我只能老實回應。
「呢樣,咪係我哋想你加入嘅其中一個原因囉!」Clara 的答案,實在令人感到出乎意料。
「可唔可以講清楚啲...」我實在不解。
「唔知你有冇聽過異生教?」Clara 的表情,又再嚴肅起來。
又是異生教。
怎麼它好像跟我有著揮之不去的關係?
一時之間,我真的不知道該說些什麼。
「有!」但我知道不能在她面前拖延太久,所以只好立刻作出回應。
Clara 的目光,突然變得異常鋭利。
「我喺呢度,同班自稱異生教嘅人交過手...」我情急智生,「佢哋喺呢度,起咗一個類似祭壇嘅嘢...」
「哦?咁奇怪?」Clara 看似驚奇,「既然有呢班人喺度,你又放心你啲朋友...」
看來,她也知道異生教的所作所為。
「佢哋之前喺度,不過喺妳哋嚟之前已經走曬...」話說回來,真也十分巧合。
「你趕走曬佢哋咁犀利?」Clara 看著我說道。
「唔係,係我打低咗佢哋一、兩個人,佢哋就趁亂走曬...」我當然不會輕易把真相告知。
「哦!咁你都叫趕走咗佢哋吖!」Clara 微笑地說道,「不過,點解佢哋會無啦啦喺個荒島度出現嘅?」
我不自覺地摸了一下褲袋內的介指。
不知道 Clara 是否看到這些微的動作,只聽她突然問道,「係咪... 諗倒啲咩?」
「冇...」我裝作若無其事,「會唔會個島上面有啲咩特別嘢?」
「唔似係囉!呢度除咗怪石同紫菜出名啲之外,應該冇乜特別啦!」Clara 從容地答道。
「其實,佢哋係咪想搵你?」Clara 又再向我靠近,「你係咪有乜嘢隱瞞?」
難道,她已經猜到了嗎?
抑或是,她一早已經知道一切?
「冇... 我有咩可以隱瞞?」慌話堅持到底,可說是我的優點。
「Okay... 你唔想講,迫你都冇用...」想不到 Clara 竟那樣輕易放棄,「到你想講再話我知...」
我不想再在這話題上周旋。
「話時話,點解妳哋好似唔同咗咁嘅?」我刻意改變話題,「冇見一排,突然好揪咗咁多...」
「如果我同你講,我哋搵倒令力量提升嘅嘢,你信唔信?」Clara 答得無梭兩可。
「咁即係咩呢?」我沒氣地問道。
「你唔好扮唔知喎!要提升力量,來嚟來去咪都係得嗰一兩個方法...」Clara 注視著我道。
她的意思是?
我忍不住全身打量了 Clara 一下,想不到她為了提升力量,竟然...
「喂你望咩呀!我嘅意思係打病毒針呀!」Clara 掃視四周,然後強調道。
此地無銀...
「哈哈!我咪係咁嘅意思囉!」我立刻打完場道,「不過,妳話妳都打咗啲病毒?」
「Okay... 既然係咁,我都唔怕比你知多啲,等你真係認真咁考慮吓...」Clara 突然靠近我,「呢度唔方便,入房再同你慢慢講,費事比你話我冇誠意...」
事情發展得太快,我根本來不及反應。
可是 Aki 已經快一步站起來反對。
「喂你哋入曬去,淨番我同佢兩個喺度,容乜易比佢熔咗㗎!」Aki 突然反應激烈。
其實,她不是跟 Tommy 已經經歷過無數次了嗎?
為何會變成這樣?
變了心的女人,真的可怕。
「妹妹仔妳唔洗驚,如果佢敢攪妳,我就幫妳切咗佢!」Clara 大叫道。
看來,Tommy 在這裡的地位,並不像他說的那樣好。
反之,可能是比地底泥更低賤。
「唔得!到時我都比佢咩咗啦!」豈料 Aki 仍不罷休,「總知你哋唔可以揼低我啦!」